Indian Railway Rules: రైళ్లో లోయర్ బెర్త్ నియమ నిబంధనలు ఏంటో తెలుసా? ఇక ఆ సీటు వారిదే!
ప్రయాణికుల సౌకర్యార్థం భారత రైల్వే కొత్త కొత్త సదుపాయాలను అందుబాటులోకి తీసుకువస్తోంది. అలాగే మెరుగైన సేవలు అందించే విధంగా పలు నియమ నిబంధనలు మారుస్తోంది రైల్వే శాఖ. అయితే సాధారణం ఐఆర్సీటీసీ,లేదా ఇతర వెబ్సైట్ల నుంచి టికెట్స్ బుక్ చేసుకునే సమయంలో కావాల్సిన సీట్లను బుక్ చేసుకుంటాము. కావాల్సిన సీటు పొందేందుకు నెల ముందే బుక్ చేసుకుంటుంటారు. ఎందుకంటే చాలామందికి లోయర్ బెర్త్..
Updated on: Feb 17, 2024 | 11:36 AM
చాలా మంది రైలు ప్రయాణం చేసే ఉంటారు. కానీ రైల్వేకు సంబంధించి కొన్ని రూల్స్ పెద్దగా తెలిసి ఉండదు. దేశంలో అతిపెద్ద రవాణా వ్యవస్థ అంటే అది ఇండియన్ రైల్వే అని చెప్పక తప్పదు. ప్రతి రోజు లక్షలాది మంది రైళ్లో ప్రయాణిస్తున్నారు. ప్రయాణికుల సౌకర్యార్థం భారత రైల్వే కొత్త కొత్త సదుపాయాలను అందుబాటులోకి తీసుకువస్తోంది. అలాగే మెరుగైన సేవలు అందించే విధంగా పలు నియమ నిబంధనలు మారుస్తోంది రైల్వే శాఖ. అయితే సాధారణం ఐఆర్సీటీసీ,లేదా ఇతర వెబ్సైట్ల నుంచి టికెట్స్ బుక్ చేసుకునే సమయంలో కావాల్సిన సీట్లను బుక్ చేసుకుంటాము. కావాల్సిన సీటు పొందేందుకు నెల ముందే బుక్ చేసుకుంటుంటారు. ఎందుకంటే చాలామందికి లోయర్ బెర్త్ లేదాసైడ్ లోయర్ కోసం ఇష్టపడుతుంటారు. కానీ ఇక నుంచి ఆ సీట్లు సాధ్యం కాకపోవచ్చు. ఇటీవల ఇండియన్ రైల్వేస్ కీలకమైన ఆదేశాలు జారీ చేసింది.
ఇండియన్ రైల్వేస్ జారీ చేసిన కొత్త రూల్స్ ప్రకారం.. రైళ్లలో లోయర్ బెర్త్ అనేది ఇకపై కొన్ని కేటగరీలకే రిజర్వ్ చేయబడిన సీట్లు . వికలాంగులకు మాత్రమే లోయర్ బెర్త్ రిజర్వ్ చేయడం జరుగుతుంది. ట్రైన్లలో వికలాంగులకు కేటాయించేలా రైల్వే శాఖ ఈ నిర్ణయం తీసుకుంది. అయితే రైల్వే శాఖ ఆదేశాల ప్రకారం నాలుగు సీట్లు, రెండు బోటమ్, రెండు మిడిల్ సీట్లు, ధర్డ్ ఏసీలో రెండు, ధర్డ్ ఏసీ ఎకానమీలో రెండు సీట్లు వికలాంగులకు రిజర్వ్ చేశారు. ఆ వికలాంగుడికి తోడుగా ప్రయాణించే మరొకరు కూడా ఆ సీట్లో కూర్చోవచ్చు. అదే విధంగా 2 లోయర్, 2 అప్పర్ సీట్లు గరీభ్ రధ్లో వికలాంగులసు కేటాయించారు. వీటికి ఎలాంటి రాయితీ ఉండదు. పూర్తి రసుము చెల్లించాల్సిందే.
ఇవి కాకుండా సీనియర్ సిటిజన్లకు కూడా లోయర్ బెర్త్ రిజర్వ్ చేసింది రైల్వే శాఖ. వృద్ధులకు అడగకుండానే కేటాయిస్తారు. స్లీపర్ తరగతిలో 6-7, ధర్డ్ ఏసీలో 4-5, సెకెండ్ ఏసీలో 3-4 సీట్లను 45 ఏళ్లు పైబడినవారికి లేదా గర్భిణీ మహిళలకు కేటాయించారు. ఆప్షన్ ఎంచుకోకపోయినా ఈ సీట్లను వారికి కేటాయిస్తారు. మరోవైపు లోయర్ సీటు ఒకవేళ సీనియర్ సిటిజన్ కు కేటాయించి ఉండి, దివ్యాంగులు లేదా గర్భిణీ మహిళకు అప్పర్ సీట్ ఉంటే టీటీకు సీటు మార్చే అధికారముంటుంది. అందుకే మీరు రైలు ప్రయాణం చేసే సమయంలో సీట్ల విషయంలో నియమ నిబంధనలు తెలిసి ఉండాలి. ఒక వేళ మీరు ఈ సీట్లను బుక్ చేసుకుంటే ఒక వేళ కేటాయించకపోవచ్చు. అర్హులైన వారికి మాత్రమే ఈ సీట్లను కేటాయించే అవకాశం ఉంది.
మరిన్ని బిజినెస్ వార్తల కోసం ఇక్కడ క్లిక్ చేయండి
