Adani-Ambani: ముఖేష్ అంబానీని మించిపోయిన గౌతమ్ అదానీ.. ప్రతిరోజూ 1000 కోట్లకు పైగా సంపాదన..

ఆసియాలో రెండవ ధనవంతుడు.. ప్రపంచంలోని 14 వ ధనవంతుడైన గౌతమ్ అదానీకి కరోనా కాలం అద్భుతంగా కలిసి వచ్చింది. గత ఏడాది కాలంలో అతని సంపద అనేక రెట్లు పెరిగింది. రోజువారీ సంపాదన గురించి మాట్లాడుతూ.. అతను ప్రపంచంలో 11 వ ధనవంతుడైన ముఖేష్ అంబానీ కంటే ఆరు రెట్లు ఎక్కువ సంపాదిస్తాడు. IIFL వెల్త్ హురున్ ఇండియా రిచ్ లిస్ట్ 2021 నివేదిక ప్రకారం గత ఏడాదిలో గౌతమ్ అదానీ కుటుంబం రోజువారీగా రూ. 1000 కోట్లు సంపాదించారు. ముఖేష్ అంబానీ కుటుంబం రూ. 163 కోట్లు ఆర్జించారు.

ఈ జాబితాలో తొలిసారిగా గౌతమ్ అదానీ సోదరుడు వినోద్ శాంతిలాల్ అదానీ టాప్ -10 లో చోటు దక్కించుకున్నారు. టాప్ -10 జాబితాలో స్టీల్ కింగ్ లక్ష్మి నివాస్ మిట్టల్ & ఫ్యామిలీ రోజువారీ సంపాదనలో రెండవ స్థానంలో ఉంది. అతను రోజూ 312 కోట్లు సంపాదించాడు. శివ్ నాడార్ & ఫ్యామిలీ మూడవ స్థానంలో ఉంది. ఇది రోజువారీ 260 కోట్లు సంపాదించింది. నాల్గవ స్థానంలో గౌతమ్ అదానీ సోదరుడు వినోద్ శాంతిలాల్ అదానీ ఉన్నారు. అతను ప్రస్తుతం దుబాయ్‌లో నివసిస్తున్నాడు. అతను గత ఒక సంవత్సరంలో రోజూ 245 కోట్లు సంపాదించాడు. కుమార్ మంగళం బిర్లా రోజుకి 242 కోట్లు సంపాదించిన ఐదవ స్థానంలో ఉన్నారు. వ్యాక్సిన్ కింగ్ సైరస్ పూనవల్ల & ఫ్యామిలీ ప్రతిరోజూ 190 కోట్లు సంపాదించింది.

ముఖేష్ అంబానీ నికర విలువ రూ. 7.18 లక్షల కోట్లు

ఈ నివేదిక ప్రకారం ముఖేష్ అంబానీ రూ. 7.18 లక్షల కోట్ల ఆస్తులతో జాబితాలో మొదటి స్థానంలో ఉన్నారు. గౌతమ్ అదానీ మొత్తం ఆస్తులు రూ. 5.05 లక్షల కోట్లు అతను రెండవ స్థానంలో ఉన్నాడు. ఒక సంవత్సరం క్రితం అతని నికర విలువ రూ .1.40 లక్షల కోట్లు మాత్రమే. శివ్ నాడార్ రూ. 2.36 లక్షల కోట్లతో మూడో స్థానంలో ఎస్పి హిందూజా రూ. 2.20 లక్షల కోట్లతో నాల్గవ స్థానంలో లక్ష్మి నివాస్ మిట్టల్ 1.75 లక్షల కోట్ల ఆస్తులతో ఐదవ స్థానంలో ఉన్నారు.

ముఖేష్ అంబానీ సంపదలో కేవలం 9 శాతం 

నివేదిక ప్రకారం వార్షిక ప్రాతిపదికన ముఖేష్ అంబానీ సంపదలో 9 శాతం పెరుగుదల ఉంది. అదేవిధంగా వినోద్ అదానీ ఆస్తులలో 21.20 శాతం, శివ్ నాడార్ ఆస్తులలో 67 శాతం, ఎల్ఎన్ మిట్టల్ ఆస్తులలో 187 శాతం, సైరస్ పూనవల్ల ఆస్తులలో 74 శాతం కుమార్ మంగళం బిర్లా ఆస్తులలో సంవత్సరానికి 230 శాతం పెరుగుదల మాత్రమే ఉంది.  

2021 లో అదానీ సంపద 36 బిలియన్ డాలర్లు పెరిగింది

బ్లూమ్‌బెర్గ్ బిలియనీర్స్ ఇండెక్స్ ప్రకారం ముఖేష్ అంబానీ 96.8 బిలియన్ డాలర్ల సంపదతో ప్రపంచంలో 11 వ ధనవంతుడు. ఇప్పటివరకు 2021 సంవత్సరంలో అతని సంపదలో మొత్తం $ 20.10 బిలియన్ జంప్ అయ్యింది. గౌతమ్ అదానీ 69.20 బిలియన్ డాలర్ల సంపదతో 14 వ స్థానంలో ఉన్నారు. అతని సంపదలో మొత్తం $ 35.40 బిలియన్ జంప్ జరిగింది.

ఇవి కూడా చదవండి: Leopard Attack: చేతికర్రతో చిరుతను తరిమేసిన వృద్ధురాలు.. వీడియో చూస్తే మీరు కూడా షాక్ అవుతారు..

Bhadrachalam Temple: అసలేం జరుగుతోంది రామా.. నీ ప్రసాదం కూడా మాయం చేస్తున్నారే..