Small Finance Banks: ఈ బ్యాంకుల్లో ఫిక్స్‌డ్ డిపాజిట్ చేస్తే 9 శాతం కన్నా ఎక్కువ వడ్డీ పొందే అవకాశం.. పూర్తి వివరాలు

మనమందరం మన సంపాదనలో కొంత భాగాన్ని భవిష్యత్తు కోసం పొదుపు చేస్తాము. పొదుపుపై    మంచి రాబడిని పొందడానికి ప్రయత్నిస్తాము. దీని కోసం కొంత మంది ఎఫ్‌డిలో, మరికొందరు మ్యూచువల్ ఫండ్‌లో, మరికొందరు ఇతర వేర్వేరు పొదుపు పథకాలలో పెట్టుబడి పెడతారు. వీటిలో ఫిక్సెడ్ డిపాజిట్ అనేది అత్యంత ప్రజాదరణ పొందిన సురక్షితమైన పొదుపు మార్గం.

ప్రజలు తమ సంపాదన నుండి పొదుపు చేసి బ్యాంకుల్లో ఫిక్స్‌డ్ డిపాజిట్ చేస్తారు. ప్రజలను ఆకర్షించడానికి బ్యాంకులు కూడా FD రేట్లను ఎక్కువగా ఆర్బీఐ వడ్డీ రేట్లకు అనుగుణంగా సవరిస్తూనే ఉంటాయి. ఇటీవల, రిజర్వ్ బ్యాంక్ (RBI) రెపో రేటును పెంచింది, ఆ తర్వాత FD రేట్లను బ్యాంకులు సవరించాయి. దేశంలోని పెద్ద బ్యాంకులతో పోల్చితే, చిన్న ఫైనాన్స్ బ్యాంకులు మంచి వడ్డీ రాబడిని ఇస్తున్నాయని తెలిస్తే మీరు ఆశ్చర్యపోతారు.

ఎఫ్‌డిలపై మంచి రాబడిని ఇవ్వడంలో చిన్నచిన్న పొదుపు ఫైనాన్స్ బ్యాంకులు (ఎస్‌ఎఫ్‌బి) ముందున్నాయి. సుమారు 9 శాతానికి పైగా వడ్డీని చెల్లిస్తున్నాయి. యూనిటీ స్మాల్ ఫైనాన్స్ బ్యాంక్ FD పై అత్యధిక వడ్డీని అందిస్తోంది. 1001 రోజుల డిపాజిట్లపై సాధారణ కస్టమర్లకు 9 శాతం, సీనియర్ సిటిజన్లకు 9.5 శాతం వడ్డీని అందిస్తోంది. మరోవైపు, సూర్యోదయ్ స్మాల్ ఫైనాన్స్ బ్యాంక్ 999 రోజుల డిపాజిట్‌పై 8.51 శాతం వడ్డీని అందిస్తోంది. చిన్న ఫైనాన్స్ బ్యాంకులు తమ కస్టమర్లకు ఫిక్స్‌డ్ డిపాజిట్లపై అధిక వడ్డీ రేట్లను అందజేయడానికి కారణం ఉంది.

చిన్న ఫైనాన్స్ బ్యాంకులు వడ్డీ రేట్లు చాలా ఎక్కువగా మైక్రో ఫైనాన్స్ విభాగానికి రుణాలు ఇస్తాయి. ఇది కాకుండా, ఈ బ్యాంకులకు పెద్ద బ్యాంకులకు ఉన్నంత బాధ్యతలు కూడా ఉండవు. అందుకే కస్టమర్లను ఆకర్షించడానికి, ఈ చిన్న ఫైనాన్స్ బ్యాంకులు తమ వడ్డీ రేట్లను సాధారణం కంటే ఎక్కువగా ఉంచుతాయి. తద్వారా ప్రజలు వారి వద్ద డిపాజిట్ చేసేందుకు ఆసక్తి చూపిస్తుంటారు. .

యూనిటీ స్మాల్ ఫైనాన్స్ బ్యాంక్ :  9 శాతం

సూర్యోదయం స్మాల్ ఫైనాన్స్ బ్యాంక్ :  8.51 శాతం

ఉత్కర్ష్ స్మాల్ ఫైనాన్స్ బ్యాంక్ :  8.25 శాతం

ఉజ్జీవన్ స్మాల్ ఫైనాన్స్ బ్యాంక్ :  8.25 శాతం

ఈక్విటాస్ స్మాల్ ఫైనాన్స్ బ్యాంక్ :  8.2 శాతం

GO స్మాల్ ఫైనాన్స్ బ్యాంక్ :  8.15 శాతం

AU స్మాల్ ఫైనాన్స్ బ్యాంక్ :  8 శాతం

బంధన్ బ్యాంక్ 8 శాతం.