SIP Investments: రిస్క్ లేకపోతే మిగిలేది రస్క్ మాత్రమే.. ఆ ఫండ్‌లో నెలకు 10 వేల పెట్టుబడితో రూ. 3 కోట్ల రాబడి

భారతదేశంలో చాలా మంది పెట్టుబడికి నమ్మకమైన రాబడి కోసం ఎదురుచూస్తూ ఉంటారు. పెట్టుబడిదారుల్లో అధిక శాతం మంది రిస్క్ లేని పెట్టుబడి ఎంపికైన చిన్న పొదుపు పథకాల్లో పెట్టుబడి పెడుతూ ఉంటారు. అయితే కొంత మంది రిస్క్ అయినా పర్లేద తక్కువ సమయంలో మంచి రాబడి కోసం స్టాక్ మార్కెట్‌లో పెట్టుబడి పెడుతూ ఉంటారు. ఆదిత్య బిర్లా సన్ లైఫ్ డిజిటల్ ఇండియా ఫండ్ గత 23 ఏళ్లలో రూ. 10,000 నెలవారీ సిస్టమాటిక్ ఇన్వెస్ట్‌మెంట్ ప్లాన్ (ఎస్ఐపీ)తో రూ. 3 కోట్లకు పైగా ఆర్జించింది. ఆదిత్య బిర్లా క్యాపిటల్ లిమిటెడ్‌కు సంబంధించిన అనుబంధ సంస్థ, ఆదిత్య బిర్లా సన్ లైఫ్ మ్యూచువల్ ఫండ్‌కు ఇన్వెస్ట్‌మెంట్ మేనేజర్ ఆదిత్య బిర్లా సన్ లైఫ్ ఏఎంసీ లిమిటెడ్ ప్రకారం అదే సమయంలో 17 శాతం సమ్మేళన వార్షిక వృద్ధి రేటు (సీఏజీఆర్) సూచిస్తుంది. అదేవిధంగా గత 23 ఏళ్లలో రూ.లక్ష పెట్టుబడి మొత్తం రూ.15 లక్షలకు పైగా మారింది. మరో మాటలో చెప్పాలంటే లంప్సమ్ పెట్టుబడి ప్రారంభం నుంచి 12.2 శాతం సీఏజీఆర్ అందించింది.

 ఆదిత్య బిర్లా సన్ లైఫ్ మ్యూచువల్ ఫండ్‌ బ్లూ చిప్ స్టాక్‌ల నుంచి టెక్ స్టార్ట్-అప్‌ల వరకు విభిన్న మార్కెట్  క్యాప్‌లతో విభిన్నమైన పోర్ట్‌ఫోలియోను అందించే కంపెనీల శ్రేణిలో పెట్టుబడి పెట్టాలనే లక్ష్యంతో ఈ ఫండ్ 15 జనవరి 2000న ప్రారంభించబడింది .ఐటీ, మీడియా, టెలికాం మరియు వినోద రంగాలకు సంబంధించిన అధిక వృద్ధి సంభావ్యత నుంచి పెట్టుబడిదారుడు ప్రయోజనం పొందవచ్చు. సంపద సృష్టి గురించి బాలసుబ్రమణియన్  వ్యాఖ్యానిస్తూ రెండు దశాబ్దాల పాటు సంపద సృష్టి అధ్యయనం మా డిజిటల్ ఇండియా ఫండ్ దాని బెంచ్‌మార్క్, సహచరులను నిలకడగా అధిగమించిందని చూపిస్తుంది. గత 23 సంవత్సరాలలో సాధారణ రూ. 10,000 నెలవారీ ఎస్ఐపీ ద్వారా పెట్టుబడిదారుడు రూ. 3 కోట్ల కంటే ఎక్కువ రివార్డ్‌ను పొందారని పేర్కొన్నారు.

టెక్నాలజీ రంగంలోని అవకాశాలపై పెట్టుబడి పెట్టడంపై ఫండ్ దృష్టి, ఇది నిరంతరం అభివృద్ధి చెందుతోంది. ఇది పరిశ్రమను రూపొందించే విస్తృత పోకడలు, పురోగతులతో సమలేఖనం చేసే ఒక తెలివైన చర్య అని నిపుణులు వివరిస్తున్నాు. ఈ విధానం ఫండ్‌కు సంబంధించిన విజయానికి, సగటు కంటే ఎక్కువ రాబడికి దారి తీస్తుంది. ఇది నమ్మదగిన పెట్టుబడి ఎంపిక కోసం చూస్తున్న పెట్టుబడిదారులకు సానుకూల సంకేతంగా ఉంటుదని నిపుణులు వివరిస్తున్నారు. 

ఇవి కూడా చదవండి

సెల్‌ టవర్ల కోసం ఇలాంటి సందేశాలు, కాల్స్‌ వస్తున్నాయా?

క్రెడిట్ కార్డుతో బ్యాంక్ అకౌంట్‌లోకి డబ్బు ట్రాన్స్‌ఫర్‌

భారతీయ కంపెనీల జాబితాలో ఎల్‌ఐసీ ఐదో స్థానం.. మొదటి స్థానంలో ఏదంటే

మరిన్ని బిజినెస్ వార్తల కోసం ఇక్కడ క్లిక్ చేయండి