ICICI Bank: ఐసీఐసీఐ బ్యాంకు ఖాతాదారులకు అలర్ట్‌.. 2 రోజుల పాటు ఈ సేవలు బంద్‌!
ICICI Bank: మీకు ఐసీఐసీఐ బ్యాంకులో అకౌంట్‌ ఉందా..? అయితే ఈ వార్త మీ కోసమే. ఈ బ్యాంకు తన వినియోగదారులకు ఓ అలర్ట్‌ జారీ చేసింది. సర్వర్ల అప్‌గ్రేడ్‌ కారణంగా రెండు రోజుల పాటు బ్యాంకు సేవలు అందుబాటులో ఉండవని, దీనిపై వినియోగదారులు సహకరించాలని బ్యాంకు పేర్కొంది. మరి ఎప్పుడో తెలుసుకుందాం..
Updated on: Dec 10, 2024 | 4:48 PM
ICICI Bank: ఐసిఐసిఐ బ్యాంక్ కస్టమర్లకు పెద్ద అలర్ట్‌ జారీ చేసింది బ్యాంకు. కోట్లాది మంది ఐసీఐసీఐ బ్యాంకు ఖాతాదారులు రెండు రోజుల పాటు బ్యాంకు సేవలను వినియోగించుకోలేరు. ఈ విషయాన్ని బ్యాంక్ ఇప్పటికే తన ఖాతాదారులందరికీ తెలియజేసింది. ICICI బ్యాంక్ డిసెంబర్ 14, 2024 రాత్రి 11:55 నుండి డిసెంబర్ 15, 2024 ఉదయం 6:00 గంటల వరకు బ్యాంక్‌లో ప్రీ-షెడ్యూల్డ్ మెయింటెనెన్స్ వర్క్‌ను నిర్వహిస్తుంది. ఈ సమయంలో బ్యాంక్ RTGS అంటే రియల్ టైమ్ గ్రాస్ సెటిల్‌మెంట్ సర్వీస్ ప్రభావితం అవుతుంది. ఈ కాలంలో బ్యాంక్ కస్టమర్లు RTGS సేవను ఉపయోగించలేరు.
ఈ సర్వీసులు అందుబాటులో..
ICICI బ్యాంక్ కస్టమర్లు ఈ సమయంలో NEFT, IMPS, UPI సేవలను iMobile యాప్ లేదా ఇంటర్నెట్ బ్యాంకింగ్ ద్వారా ఉపయోగించవచ్చు.
RTGS అంటే ఏమిటి?
RTGS అనేది ఎలక్ట్రానిక్ లావాదేవీల బదిలీ పద్ధతి. ఇది బ్యాంకు ఖాతాల మధ్య చెల్లింపులను తక్షణ పరిష్కారాన్ని అందిస్తుంది.
బ్యాంకు RTGS ఛార్జీలు ఏమిటి?
- ఆన్‌లైన్ మీడియం ఇంటర్నెట్ బ్యాంకింగ్, ఐమొబైల్ పే, పాకెట్స్ యాప్ ద్వారా చేసే ఆర్‌టిజిఎస్ లావాదేవీలపై ఎటువంటి ఛార్జీ ఉండదు.
- రూ.2 లక్షల నుండి రూ.5 లక్షల మధ్య RTGS లావాదేవీలకు బ్యాంక్ శాఖల నుండి రూ. 20 + GST ఛార్జ్ చేయబడుతుంది.
- రూ.5 లక్షల నుండి రూ.10 లక్షల మధ్య జరిగే లావాదేవీలపై రూ.45 + GST ఛార్జీలు వేస్తుంది. ఈ గడువులోపు కస్టమర్లు తమకు అవసరమైన ఆర్‌టీజీఎస్‌ లావాదేవీలను పూర్తి చేయాలని సూచించారు.
ఇది కూడా చదవండి: Christmas Holidays: విద్యార్థులకు గుడ్‌న్యూస్‌.. తెలంగాణలో క్రిస్మస్‌ సెలవులను ప్రకటించిన ప్రభుత్వం
మరిన్ని బిజినెస్ వార్తల కోసం ఇక్కడ క్లిక్ చేయండి
