ICICI Bank: మీకు ఐసిఐసిఐ బ్యాంక్ ఖాతా ఉందా.. అయితే సింపుల్గా కస్టమ్స్ డ్యూటీ చెల్లించవచ్చు..
ఐసిఐసిఐ బ్యాంక్ కొత్త సేవలను ప్రారంభించింది. రిటైల్, కార్పొరేట్ వినియోగదారులకు ఆన్లైన్లో సులభంగా కస్టమ్స్ డ్యూటీని చెల్లించేందుకు కొత్త ఫీచర్ను అందుబాటులోకి తెచ్చింది...
Updated on: Jan 06, 2022 | 6:59 AM
ఐసిఐసిఐ బ్యాంక్ కొత్త సేవలను ప్రారంభించింది. రిటైల్, కార్పొరేట్ వినియోగదారులకు ఆన్లైన్లో సులభంగా కస్టమ్స్ డ్యూటీని చెల్లించేందుకు కొత్త ఫీచర్ను అందుబాటులోకి తెచ్చింది. కార్పొరేట్ కస్టమర్లు కార్పొరేట్ ఇంటర్నెట్ బ్యాంకింగ్ (CIB), మొబైల్ బ్యాంకింగ్ యాప్ InstaBiz ద్వారా కస్టమ్స్ డ్యూటీని చెల్లించవచ్చు. అదే సమయంలో రిటైల్ కస్టమర్లు కస్టమర్ బ్యాంక్ ఇంటర్నెట్ బ్యాంకింగ్ ప్లాట్ఫారమ్ ద్వారా చెల్లించవచ్చు. ఇండియన్ కస్టమ్స్ ఎలక్ట్రానిక్ గేట్వే (ICEGATE) వెబ్సైట్లోని బ్యాంకుల జాబితా నుంచి ICICI బ్యాంక్ని ఎంచుకోవడం ద్వారా కస్టమర్ ఆన్లైన్ చెల్లింపు చేయవచ్చు. ICICI బ్యాంక్ 10 సంవత్సరాలకు పైగా ప్రత్యక్ష, పరోక్ష పన్నుల చెల్లింపును విజయవంతంగా సులభతరం చేస్తోంది.
కస్టమ్ డ్యూటీ అంటే ఏమిటి
కస్టమ్ డ్యూటీ ఒక రకమైన పన్ను, ఇది దిగుమతి లేదా ఎగుమతి చేయబడిన వస్తువులపై విధిస్తారు. విదేశాల నుంచి భారతదేశంలోకి ఏవైనా వస్తువులు వచ్చినప్పుడు, దానిపై అనేక రకాల సుంకాలు విధిస్తారు. కస్టమ్ డ్యూటీని దేశాలు తమ ఆదాయాన్ని పెంచుకోవడానికి ఉపయోగిస్తాయి. ఒక్కో వస్తువును బట్టి కస్టమ్ డ్యూటీ మారుతూ ఉంటుంది.
కస్టమ్ డ్యూటీ డిజిటల్ చెల్లింపు
ICEGATE వెబ్సైట్కి వెళ్లండి- https://epayment.icegate.gov.in/epayment/locationAction.action డ్రాప్ డౌన్ నుండి ‘డాక్యుమెంట్ టైప్ చేసి ‘లొకేషన్ కోడ్’ ఎంచుకుని, దిగుమతి ఎగుమతి కోడ్ (IEC)ని నమోదు చేయండి. చెల్లింపు కోసం బ్యాంకుల జాబితా నుంచి ICICI బ్యాంక్ని ఎంచుకోండి. ఇంటర్నెట్ బ్యాంకింగ్ లేదా ఇన్స్టాబిజ్ యాప్కి లాగిన్ చేసి, చెల్లింపును పూర్తి చేయండి.
Read Also.. FASTAG: ఫాస్టాగ్ అకౌంట్ మూసివేయాలంటే ఎలా..? మొత్తం ప్రక్రియ తెలుసుకోండి..
