Reliance Jio: రిలయన్స్​ జియో బాండ్లు విక్రయించబోతుందా.. ?

దేశంలోనే అతిపెద్ద టెలికాం సంస్థ రిలయన్స్‌ జియో మరోసారి బాండ్ల విక్రయాలు జరిపే అవకాశాలు ఉన్నట్లు వార్తలు వస్తున్నాయి. రూ.5 వేల కోట్ల విలువైన రూపీ బాండ్లను విక్రయించాడానికి ఆ సంస్థ సిద్ధమైనట్లు తెలుస్తోంది. ఈ బాండ్ల మెచ్యూరిటీ కాలం 5 సంవత్సరాలు కాగా.. వీటిపై 6.20శాతం విలువైన కూపన్స్‌ ఇవ్వనున్నట్లు ఓ పత్రికలో వచ్చింది. ఈ మార్గంలో సమీకరించిన నిధులను చెల్లింపులకు సంబంధించిన రీఫైనాన్సింగ్‌కు వినియోగించనున్నట్లు తెలిసింది.

జియో చివరిసారిగా 2018లో బాండ్లు విక్రయించింది. 2016లో వైర్‌లెస్‌ టెలికాం మార్కెట్లోకి ప్రవేశించిన జియో చాలా వేగంగా దేశంలో నెంబర్‌వన్‌ స్థానానికి చేరుకుంది. ఓ పక్క మార్కెట్లోని అదనపు నగదు ప్రవాహాన్ని తగ్గించేందుకు చర్యలు తీసుకొంటున్న సమయంలో జియో ఈ దిశగా నిర్ణయం తీసుకోవడం ఆశ్చర్యం కలిగిస్తోంది. ఈ ఏడాది జియో భారత్‌లో 5జీ సేవలు అందించేందుకు సిద్ధమవుతోంది.

Read Also..  Kia Carens Bookings: కియా నుంచి సరికొత్త కారు.. జనవరి 14 నుంచి బుకింగ్‌