Mutual Fund SIP: వెయ్యి రూపాయల SIPతో రూ. కోటి సంపాందించే ప్లాన్ ఇదే!
నెలనెలా రూ. 1,000 పొదుపు చేస్తూ రూ.కోటి సంపాదించగలరంటే నమ్ముతారా? కానీ, ఇది నిజమే మ్యూచువల్ ఫండ్స్ తో ఇది సాధ్యమవుతుంది. దీనికోసం కొన్ని లాంగ్ టర్మ్ ఈక్విటీ ఫండ్స్ అందుబాటులో ఉన్నాయి. వీటిలో ఎలా ఇన్వెస్ట్ చేయాలో ఇప్పుడు తెలుసుకుందాం.
Updated on: Oct 29, 2025 | 3:26 PM
మ్యూచువల్ ఫండ్స్ లో పెట్టుబడి పెట్టేందుకు సిస్టమాటిక్ ఇన్వెస్ట్ మెంట్ ప్లాన్ అనేది ఒక ఈజీ విధానం. ఈ ప్లాన్ ద్వారా ప్రతినెలా కొంత ఇన్వెస్ట్ చేస్తూ లాంగ్ టర్మ్ లో మంచి లాభాలు ఆర్జించే అవకాశం ఉంది. ఇందులో కొన్ని లాంగ్ టర్మ్ ఈక్విటీ ఫండ్స్ ఉంటాయి. ఇవి అచ్చంగా లాంగ్ టర్మ్ ఆదాయంపై ఫోకస్ పెడతాయి. ఇలాంటి ఫండ్స్ లో ఇన్వెస్ట్ చేయడం ద్వారా కోట్లలో ఆదాయం పొందొచ్చు. అదెలాగంటే..
బెస్ట్ ఫండ్ ఇదే..
లాంగ్ టర్మ్ లో మంచి లాభం పొందేందుకు SBI లాంగ్ టర్మ్ ఈక్విటీ ఫండ్ ఒక మంచి ఆప్షన్. ఇందులో పెట్టుబడి పెట్టిన మొత్తంలో సుమారు 90 శాతం పైగా ఈక్విటీ మార్కెట్ కు వెళ్తుంది. మీ డబ్బుతో ముఖ్యంగా బ్యాంకింగ్, టెక్నాలజీ, ఫ్యుయెల్, హెల్త్, మైనింగ్ వంటి కంపెనీల్లో షేర్లు కొంటారు. ఇలాంటి సెక్టార్లు లాంగ్ టర్మ్ లో మంచి రాబడిని సాధిస్తాయి. SBI లాంగ్ టర్మ్ ఈక్విటీ ఫండ్ విషయానికొస్తే.. ఇది గత కొన్నేళ్లుగా సగటున ఏడాదికి 16.43 శాతం రాబడిని ఇస్తూ వచ్చింది.
రూ. కోటి కావాలంటే..
SBI లాంగ్ టర్మ్ ఈక్విటీ ఫండ్ అనేది దీర్ఘకాలంలో స్థిరమైన ఆదాయం కావాలనుకునేవారికి బెస్ట్ ఆప్షన్. పిల్లల చదువులు లేదా రిటైర్ మెంట్ ఫండ్ వంటి అవసరాలకు ఇది బాగా పనికొస్తుంది. ఈ ఫండ్ లో ప్రతి నెలా రూ. 1,000 చొప్పున SIP చేస్తే 32 సంవత్సరాల కాలంలో రూ. 1.4 కోట్ల వరకు ఆదాయం పొందొచ్చు. ఒకవేళ మీరు SIP అమౌంట్ పెంచుకుంటే మరింత తక్కువ వ్యవధిలో రూ. కోటి జమ చేయొచ్చు.
మరిన్ని బిజినెస్ వార్తల కోసం ఇక్కడ క్లిక్ చేయండి.
