NRI Investments: పెట్టుబడుల విషయంలో ఎన్ఆర్ఐలకు అలెర్ట్.. ఈ జాగ్రత్తలను పాటించడం మస్ట్..!
ఇటీవల కాలంలో మారిన పన్ను విధానాల నేపథ్యంలో ప్రవాస భారతీయులు (ఎన్ఆర్ఐల) పెట్టుబడులు మన దేశంలో పెరిగాయి. ముఖ్యంగా వివిధ మార్కెట్లు, కరెన్సీలలో ప్రపంచ పెట్టుబడి అవకాశాలను స్వేచ్ఛగా పొందే అవకాశం ఉండడంతో భారత్లో పెట్టుబడికి ముందుకు వస్తున్నారు. అధిక రాబడి, వైవిధ్యీకరణకు అవకాశం ఉన్నప్పటికీ పరిశీలన, ప్రణాళికతో పెట్టుబడి పెట్టాలని నిపుణులు సూచిస్తున్నారు.
Updated on: Jun 07, 2025 | 4:00 PM
ఒక ఎన్ఆర్ఐగా మీరు ఒక దేశంలో సంపాదిస్తూ ఉండవచ్చు. అలాగే మరో దేశంలో కుటుంబ సంబంధాలను కలిగి ఉండవచ్చు. అయితే ఇలాంటి వారు ఇప్పటికీ భారతదేశంలో పెట్టుబడులు లేదా ఆస్తిని కొనసాగించవచ్చని నిపుణులు చెబుతున్నారు. ఆర్థిక ఆసక్తులు సరిహద్దులు దాటుతున్నందున ప్రస్తుత రోజుల్లో అనువైన, సమర్థవంతమైన పెట్టుబడి వ్యూహాన్ని కలిగి ఉండాలని నిపుణులు సూచిస్తున్నారు. పెట్టుబడి ప్రణాళికను రూపొందించేటప్పుడు ప్రపంచ దృక్పథాన్ని అవలంబిస్తున్నారు. చాలా మంది ఎన్ఆర్ఐలు తమ సంపదలో ఎక్కువ భాగాన్ని ఒకే మార్కెట్తో తరచుగా భారతదేశంతో ముడిపెట్టి పెట్టుబడి పెడుతున్నారు. భారతదేశం బలమైన వృద్ధి అవకాశాలను అందిస్తున్నప్పటికీ భౌగోళిక ప్రాంతాలలో వైవిధ్యం చూపడం వల్ల ప్రమాదాన్ని తగ్గించి, రాబడిని పెంచుతుందని పెట్టుబడిదారులు అంచనా వేస్తున్నారు. ఉదాహరణకు యూఎస్ టెక్నాలజీ కంపెనీలు మరియు యూరోపియన్ డివిడెండ్-చెల్లించే స్టాక్లకు ఎక్స్పోజర్తో భారతీయ ఈక్విటీలను కలపడం వల్ల వృద్ధి, స్థిరత్వం రెండూ లభిస్తాయని ఎన్ఆర్ఐలు ఆలోచిస్తున్నారు.
యూరప్లో నియంత్రించబడే యూసీఐటీఎస్ నిధులు లేదా గిఫ్ట్ సిటీ (భారతదేశం యొక్క అంతర్జాతీయ ఆర్థిక సేవల కేంద్రం) వద్ద భారతదేశం-కేంద్రీకృత ఏఐఎఫ్లు వంటి విస్తృత శ్రేణి పెట్టుబడి ఎంపికలను ఎంచుకుంటున్నారు. ఈ తరహా చర్యలు ప్రపంచ పెట్టుబడిని సులభతరం చేయడమే కాకుండా ప్రపంచవ్యాప్తంగా విస్తరించి ఉన్న కుటుంబ సభ్యులతో ఎన్ఆర్ఐల కోసం మెరుగైన పన్ను నిర్వహణ, నిధులను సులభంగా స్వదేశానికి తరలించడంతో దీర్ఘకాలిక ఎస్టేట్ ప్రణాళికకు మద్దతు ఇస్తాయి. కరెన్సీ అనేది చాలా మంది పెట్టుబడిదారులు పట్టించుకోని మరో ముఖ్యమైన అంశం. మీరు యూఎస్ డాలర్లలో సంపాదిస్తూ భారత రూపాయిలలో పెట్టుబడి పెడితే, మీ రాబడి కరెన్సీ కదలికల ద్వారా స్వయంచాలకంగా ప్రభావితమవుతుంది. అందువల్ల యూఎస్డీ, ఐఎన్ఆర్, జీబీపీ, ఈయూఆర్ వంటి బహుళ కరెన్సీలలో పెట్టుబడులను కలిగి ఉండటం వల్ల రిస్క్ను తగ్గించవచ్చని నిపుణులు చెబుతున్నారు.
సాంప్రదాయ రియల్ ఎస్టేట్, బంగారం, స్థిర ఆదాయం, యూఎస్ ఈక్విటీలకు మించి ఎన్ఆర్ఐలు తమ పెట్టుబడులను మరింతగా వైవిధ్యపరుస్తున్నారు. హెడ్జ్ ఫండ్స్, ప్రైవేట్ ఈక్విటీ, ఆర్ఈఐటీలు, ప్రైవేట్ క్రెడిట్లపై ఇటీవల పెట్టుబడిదారుల ఆసక్తి పెరుగుతోంది. యూఎస్ ఎల్లప్పుడూ ప్రాధాన్యత కలిగిన కరెన్సీగా ఉంటుంది. అలాగే ఈక్విటీ మార్కెట్ స్థిరంగా ఉన్నప్పటికీ ఎన్ఆర్ఐలు ప్రత్యామ్నాయాల కోసం చూస్తున్నారు. సాధారణంగా ప్రతి దేశానికి దాని సొంత పన్ను వ్యవస్థ ఉంటుంది. కాబట్టి ఈ నియమాలను అర్థం చేసుకోకపోవడం వల్ల జరిమానాలు లేదా అవకాశాలను కోల్పోవచ్చు. కావబట్టి డబుల్ టాక్స్ అవాయిడెన్స్ అగ్రిమెంట్స్తో పాటు మూలధన లాభాలు, డివిడెండ్లు, వారసత్వ పన్నుకు సంబంధించిన చిక్కులను అర్థం చేసుకోవడం చాలా ముఖ్యమని నిపుణులు చెబుతున్నారు. అయితే భారతదేశం అనేక దేశాలతో డీటీఏఏలపై అవగాహన ఒప్పందం చేసుకుంది. కాబట్టి ఎన్ఆర్ఐలకు ఒకే ఆదాయంపై రెండుసార్లు పన్ను విధించకుండా ఉండటానికి సహాయపడుతుంది.
మరిన్ని బిజినెస్ వార్తల కోసం ఇక్కడ క్లిక్ చేయండి
