Credit Card With UPI: యూపీఐని క్రెడిట్‌కార్డుతో ఇంకా లింక్ చేయలేదా? ఎన్ని ప్రయోజనాలు మిస్ అవుతున్నారో తెలుసా? ఇప్పుడే చేసేయండి..
గత కొంత కాలం వరకూ క్రెడిట్ కార్డులను యూపీఐ లావాదేవీల కోసం వినియోగించడం వీలు అయ్యేది కాదు. అయితే ఇటీవల రిజర్వ్‌ బ్యాంక్‌ ఆఫ్‌ ఇండియా(ఆర్బీఐ), ఎన్పీసీఐ యూపీఐ చెల్లింపుల కోసం రూపే క్రెడిట్ కార్డులను ప్రారంభించాయి. దీంతో వినియోగదారులకు మరింత ఫ్లెక్సిబులిటీ సాధ్యమైంది. క్రెడిట్ కార్డును క్యూ ఆర్ కోడ్ సాయంతో వినియోగించుకొనే వెసులుబాటు వచ్చింది.
Madhu | Edited By: Ravi Kiran
Updated on: Oct 23, 2023 | 9:30 AM
యూనిఫైడ్‌ పేమెంట్‌ ఇంటర్ఫేస్(యూపీఐ).. అందరికీ పరిచయమైన పేరే. ప్రతి ఒక్కరూ సులభంగా డిజిటల్‌ పేమెంట్లు చేయగలుగుతున్నారంటే ఇదే కారణం. వీధి చివరి బడ్డీ కొట్టు వ్యాపారి నుంచి పెద్ద పెద్ద షాపింగ్ మ్సాల్‌, ఆర్టీసీ బస్సులు, పెట్రోల్‌ బంకులు ఇలా అన్ని చోట్ల ఈ యూపీఐ ఆధారిత పేమెంట్లు చేస్తున్నారు. పామరుడు నుంచి విద్యాధికుల వరకూ సులువుగా చేయగలిగేలా ఇది అందుబాటులోకి వచ్చింది. గత కొంత కాలం వరకూ క్రెడిట్ కార్డులను యూపీఐ లావాదేవీల కోసం వినియోగించడం వీలు అయ్యేది కాదు. అయితే ఇటీవల రిజర్వ్‌ బ్యాంక్‌ ఆఫ్‌ ఇండియా(ఆర్బీఐ), ఎన్పీసీఐ యూపీఐ చెల్లింపుల కోసం రూపే క్రెడిట్ కార్డులను ప్రారంభించాయి. దీంతో వినియోగదారులకు మరింత ఫ్లెక్సిబులిటీ సాధ్యమైంది. క్రెడిట్ కార్డును క్యూ ఆర్ కోడ్ సాయంతో వినియోగించుకొనే వెసులుబాటు వచ్చింది. డిజిటల్‌ చెల్లింపులను మరింత మార్కెట్లోకి తీసుకెళ్లడానికి ఇది ఒక మేజర్‌ సెట్ బ్యాక్‌ గా నిలుస్తు‍ంది. దీని వల్ల కలిగే ప్రయోజనాలు ఏంటి? వాటిని ఎలా వినియోగించుకోవాలి తెలుసుకుందాం రండి..
సౌలభ్యం, సరళత.. ఏదైనా కొత్త సంస్కరణ ప్రజలకు చేరువైన విజయవంతం కావాలంటే దానిలో సౌలభ్యం, సరళతపై ఆధారపడి ఉంటుంది. అందువల్ల, యూపీఐని క్రెడిట్ కార్డ్‌లతో లింక్ చేయడం వల్ల మీ చెల్లింపుల ప్రక్రియ చాలా సులభతరం అవుతోంది. దీంతో వినియోగదారులు ఒకే ప్లాట్‌ఫారమ్‌తో లావాదేవీలు చేయడానికి అనుమతిస్తుంది. ఈ ఇంటిగ్రేషన్‌తో వినియోగదారులు సులభంగా వారి బిల్లులను చెల్లించవచ్చు, ఆన్‌లైన్ షాపింగ్ చేయవచ్చు. యూపీఐ ద్వారా పీర్-టు-మర్చంట్ బదిలీలు చేయవచ్చు. అలాగే వినియోగదారులు బహుళ యాప్‌లు లేదా ప్లాట్‌ఫారమ్‌ల ద్వారా నావిగేట్ చేయాల్సిన అవసరం లేదు. ఒక్క యూపీఐతోనే అన్ని ప్రయోజనాలు పొందచ్చు.
తక్షణ లావాదేవీలు.. క్రెడిట్ కార్డ్‌లతో యూపీఐ ఇంటిగ్రేషన్ మరొక ముఖ్యమైన ప్రయోజనం ఏమిటంటే యూపీఐ లావాదేవీలు రియల్‌ టైం ప్రాసెసింగ్ సామర్థ్యాలను కలిగి ఉంటాయి. ఇది క్రెడిట్ కార్డ్ నిధులతో తక్షణమే చెల్లింపులు చేయడానికి వేగాన్ని పెంచుతుంది. అత్యవసర ఖర్చులు లేదా ఏదైనా ఇతర సమయ-సెన్సిటివ్ లావాదేవీల వంటి తక్షణ ఫండ్ బదిలీలు అవసరమయ్యే పరిస్థితులలో ఇది ప్రయోజనకరంగా ఉంటుంది.
రివార్డ్ పాయింట్లు, క్యాష్‌బ్యాక్‌లు.. ప్రతి ఒక్కరూ రివార్డ్‌లను ఇష్టపడతారు. ముఖ్యంగా చెల్లింపు చేసిన తర్వాత. క్రెడిట్ కార్డ్‌ల ద్వారా యూపీఐ లావాదేవీ మీకు వివిధ లావాదేవీల కోసం రివార్డ్ పాయింట్లు, క్యాష్‌బ్యాక్ ఆఫర్‌లను గెలుచుకోవడంలో సహాయపడుతుంది.
ట్రాకింగ్, నిర్వహణ.. ఆర్థిక లావాదేవీలను ట్రాక్ చేయడం, నిర్వహించడం చాలా ముఖ్యం. క్రెడిట్ కార్డ్‌లతో యూపీఐని అనుసంధానించడం అన్ని ఆర్థిక లావాదేవీలను కేంద్రీకరిస్తుంది. వినియోగదారులు వారి ఖర్చు విధానాలను పర్యవేక్షించగలుగుతారు. లావాదేవీ చరిత్రలను సమీక్షించగలుగుతారు. మీరు ఒకే ఇంటర్ఫేస్ ద్వారా ఖర్చు పరిమితులను కూడా సెట్ చేయవచ్చు. ఇటువంటి చర్యలు మీ ఆర్థిక వ్యవహారాలను మెరుగ్గా నిర్వహించడానికి, ఆర్థిక ప్రణాళికను రూపొందించడానికి, తదనుగుణంగా నిర్ణయాలు తీసుకోవడానికి మీకు సహాయపడతాయి.
ఈజీగా ఆన్‌లైన్ షాపింగ్.. ఇటీవల కాలంలో ఆన్‌లైన్ షాపింగ్ ద్వారా ప్రజలు చురుకుగా కొనుగోళ్లు చేస్తున్నారు. క్రెడిట్ కార్డ్‌లతో యూపీఐని లింక్ చేయడం ద్వారా వినియోగదారులు సురక్షితంగా చెల్లింపులు చేయడానికి అనుమతిస్తుంది. ఆన్‌లైన్ షాపింగ్ అనుభవాన్ని క్రమబద్ధీకరిస్తుంది. ఈ సౌలభ్యం వినియోగదారులను ఆన్‌లైన్ వ్యాపారులు, ఉత్పత్తుల విస్తృత శ్రేణిని అన్వేషించడానికి ప్రోత్సహిస్తుంది.
యూపీఐతో రూపే క్రెడిట్ కార్డ్‌ని ఎలా లింక్ చేయాలంటే..
- అప్లికేషన్‌ను ప్రారంభించడానికి యూపీఐ డౌన్‌లోడ్ చేయండి.
- అప్లికేషన్‌లో యూపీఐ ప్రొఫైల్‌ను సృష్టించండి.
- మీ పేరు, కార్డ్ నంబర్, ఎక్స్‌పైరీ తేదీ, సీవీవీతో పాటు మీ క్రెడిట్ కార్డ్‌లోని చివరి ఆరు అంకెలతో మీ రూపే క్రెడిట్ కార్డ్‌ని లింక్ చేయండి.
మరిన్ని బిజినెస్ వార్తల కోసం ఇక్కడ క్లిక్ చేయండి..
