Life Certificate: పింఛన్‌దారులకు శుభవార్త.. ఇకపై ఇంటి నుంచే లైఫ్ సర్టిఫికెట్‌
జీవన్ ప్రమాణ్ సర్టిఫికెట్‌ అంటే డిజిటల్ లైఫ్ సర్టిఫికేట్ అని చాలా మంది పేర్కొంటూ ఉంటారు. ఇది పెన్షనర్ల కోసం రూపొందించిన బయోమెట్రిక్ డిజిటల్ సర్వీస్. ఈ సర్వీస్ ద్వారా పెన్షన్ పంపిణీ ప్రక్రియను సులభతరం చేస్తాయి. ముఖ్యంగా పింఛన్‌ అందించడానికి ధ్రువీకరణ ఈ సర్టిఫికెట్‌ ఆధారంగానే సాగుతుంది. పెన్షనర్లు తమ లైఫ్ సర్టిఫికేట్‌లను ఎక్కడి నుంచైనా, ఎప్పుడైనా డిజిటల్‌గా సమర్పించవచ్చు.
Srinu |
Updated on: Sep 21, 2024 | 5:07 PM
జీవన్ ప్రమాణ్ సర్టిఫికెట్‌ అంటే డిజిటల్ లైఫ్ సర్టిఫికేట్ అని చాలా మంది పేర్కొంటూ ఉంటారు. ఇది పెన్షనర్ల కోసం రూపొందించిన బయోమెట్రిక్ డిజిటల్ సర్వీస్. ఈ సర్వీస్ ద్వారా పెన్షన్ పంపిణీ ప్రక్రియను సులభతరం చేస్తాయి. ముఖ్యంగా పింఛన్‌ అందించడానికి ధ్రువీకరణ ఈ సర్టిఫికెట్‌ ఆధారంగానే సాగుతుంది. పెన్షనర్లు తమ లైఫ్ సర్టిఫికేట్‌లను ఎక్కడి నుంచైనా, ఎప్పుడైనా డిజిటల్‌గా సమర్పించవచ్చు. గతంలో పెన్షనర్లు తమ జీవిత ధ్రువీకరణ పత్రాలను సమర్పించడానికి ప్రతి సంవత్సరం వారి పెన్షన్ పంపిణీ చేసే సంస్థలను వ్యక్తిగతంగా సందర్శించాల్సి వచ్చేది. ఈ నేపథ్యంలో జీవన్ ప్రమాణ్ సర్టిఫికెట్‌ రాకతో ఈ ఇబ్బంది తప్పింది. అయితే పెరుగుతున్న టెక్నాలజీకు అనుగుణంగా ఇకపై పింఛన్‌దారులు తమ లైఫ్ సర్టిఫికెట్‌ను ఇంటి నుంచే పొందే అవకాశం ఉందని చాలా మందికి తెలియదు. ఈ నేపథ్యంలో ఇంటి నుంచే లైఫ్ సర్టిఫికెట్‌ ఎలా పొందాలో? ఓ సారి తెలుసుకుందాం.
జీవన్ ప్రమాణ్ సర్టిఫికెట్లను పొందడం ఇలా
- భారతదేశం అంతటా ఉన్న సీఎస్‌సీ సెంటర్ల ద్వారా జీవన్ ప్రమాణ్ సర్టిఫికెట్లను పొందవచ్చు.
- పింఛనుదారులు జీవన్ ప్రమాణ్ పోర్టల్‌ని సందర్శించి ఫింగర్‌ప్రింట్ రీడర్‌ని ఉపయోగించి వేలిముద్రల ఉపయోగంతో వారి లైఫ్ సర్టిఫికేట్‌ను డౌన్లోడ్ చేసుకుని, సమర్పించవచ్చు.
- జీవన్ ప్రమాణ్ మొబైల్ యాప్‌ను డౌన్లోడ్ చేసుకుని యాప్ ద్వారా తమ జీవిత ధ్రువీకరణ పత్రాన్ని కూడా అందించవచ్చు.
- పోస్ట్ ఆఫీస్, బ్యాంకులు, ట్రెజరీ మొదలైన పెన్షన్ డిస్బర్సింగ్ ఏజెన్సీల కార్యాలయం ద్వారా జీవన్ ప్రమాణ్ సర్టిఫికెట్లను పొందవచ్చు.
- దేశంలోని కొన్ని ప్రభుత్వ రంగ బ్యాంకుల్లో అందుబాటులో ఉన్న ‘డోర్‌స్టెప్ బ్యాంకింగ్’ ద్వారా కూడా పింఛనుదారులు డిజిటల్ లైఫ్ సర్టిఫికెట్‌ను పొందవచ్చు. ఈ సేవ 70 ఏళ్లు పైబడిన సీనియర్ సిటిజన్‌లకు లేదా వారి సర్టిఫికేట్‌లను సమర్పించడంలో వారికి సహాయపడటానికి మొబిలిటీ సమస్యలు ఉన్న వారికి అందుబాటులో ఉంది.
- ఆండ్రాయిడ్ స్మార్ట్‌ఫోన్‌ని ఉపయోగించి వారి సర్టిఫికేట్‌లను సమర్పించడానికి పెన్షనర్లు ఫేస్ అథెంటికేషన్ టెక్నాలజీని కూడా ఉపయోగించవచ్చు. దీని కోసం గూగుల్‌ప్లే స్టోర్, జీవన్ ప్రమాణ్ అప్లికేషన్ నుంచి ఆధార్ ఫేస్ ఆర్‌డీ యాప్‌ను డౌన్లోడ్ చేసుకుని జీవన్ ప్రమాణ్ సర్టిఫికెట్‌ పొందవచ్చు.
- ఇండియా పోస్ట్ పేమెంట్స్ బ్యాంక్ ‘డోర్‌స్టెప్ సర్వీస్ ఫర్ సబ్‌మిషన్ ఆఫ్ డిజిటల్ లైఫ్ సర్టిఫికేట్ బై పోస్ట్‌మ్యాన్’ సేవ ద్వారా లైఫ్ సర్టిఫికేట్‌లను కూడా సమర్పించవచ్చు. గూగుల్‌ ప్లే స్టోర్ నుంచి “పోస్ట్ ఇన్‌ఫో యాప్‌ని డౌన్లోడ్ చేయడం ద్వారా ఈ సేవను ఉపయోగించవచ్చు.
మరిన్ని బిజినెస్ వార్తల కోసం ఇక్కడ క్లిక్ చేయండి
