Fixed Deposits: పెట్టుబడిదారులకు గుడ్ న్యూస్.. అదిరిపోయే వడ్డీ ఆఫర్ చేస్తున్న బ్యాంకులు ఇవే
ఇటీవల రిజర్వ్ బ్యాంక్ ఆఫ్ ఇండియా (ఆర్‌బీఐ) రెపో రేటును పెంచింది. దీంతో బ్యాంకులు, చిన్న ఫైనాన్స్ బ్యాంకులు, నాన్-బ్యాంకింగ్ ఫైనాన్షియల్ కంపెనీలతో సహా అందరూ తమ ఫిక్స్‌డ్ డిపాజిట్ (ఎఫ్‌డీ) రేట్లను పెంచుతున్నారు.
Srinu |
Updated on: Apr 05, 2023 | 4:00 PM
కష్టపడి సంపాదించిన సొమ్ముకు నమ్మకమైన రాబడి రావడానికి వివిధ పెట్టుబడి సాధనాల ఓ సగటు వినియోగదారుడు దృష్టి పెడుతూ ఉంటాడు. ఇటీవల రిజర్వ్ బ్యాంక్ ఆఫ్ ఇండియా (ఆర్‌బీఐ) రెపో రేటును పెంచింది. దీంతో బ్యాంకులు, చిన్న ఫైనాన్స్ బ్యాంకులు, నాన్-బ్యాంకింగ్ ఫైనాన్షియల్ కంపెనీలతో సహా అందరూ తమ ఫిక్స్‌డ్ డిపాజిట్ (ఎఫ్‌డీ) రేట్లను పెంచుతున్నారు. ఆర్‌బీఐ మే 2022 నుంచి రెపో రేటు ఇప్పటివరకు ఆరు సార్లు పెంచింది. ఫలితంగా మొత్తం రెపో రేటు 250కు చేరింది. దీంతో కొన్ని బ్యాంకులు ఎఫ్‌డీలపై ఏకంగా 9 శాతం కంటే ఎక్కువగా కూడా ఆఫర్ చేస్తున్నాయి. ప్రస్తుతం వడ్డీ రేటును 9 శాతం కంటే ఎక్కువగా ఇచ్చే బ్యాంకులు ఏంటో ఓ లుక్కేద్దాం.
ఏయూ స్మాల్ ఫైనాన్స్ బ్యాంక్
బ్యాంక్ సాధారణ ప్రజలకు 9 శాతం వరకూ అందిస్తుంది. అలాగే సీనియర్ సిటిజన్లకు 9.50 శాతం వరకు వడ్డీ రేటును అందిస్తుంది. 1001 రోజుల వ్యవధిలో ఈ వడ్డీ రేటు వారికి అందుతుంది. అలాగే 181-201 రోజులు, 501 రోజుల కాలవ్యవధిపై 9.25 శాతం వడ్డీని అందిస్తుంది. సాధారణ ప్రజలకు 181-201 రోజులు, 501 రోజుల కాలవ్యవధిపై 8.75 శాతం వడ్డీని అందిస్తుంది. 1001 రోజుల డిపాజిట్లపై 9 శాతం వడ్డీ వస్తుంది.
శ్రీరామ్ ఫైనాన్స్
శ్రీరామ్ ఫైనాన్స్ తన దగ్గర డిపాజిట్ చేసే ఎఫ్‌డీలపై 9.10 శాతం వరకు వడ్డీ రేట్లను అందిస్తుంది. ఇందులో సీనియర్ సిటిజన్లకు మరో 0.50 శాతం, అలాగే మహిళలకు 0.10 శాతం వడ్డీ పెంపు ఉంటుంది. శ్రీరామ్ ఫైనాన్స్‌లో 12 నెలల ఎఫ్‌డీ చేస్తే సాధారణ పౌరులకు 7.34 శాతం, సీనియర్ సిటిజన్లకు 7.84 శాతం వడ్డీ వస్తుంది. 18, 24, 31 నెలల డిపాజిట్లపై వరుసగా 7.48 శాతం, 7.76 శాతం, 7.90 శాతం వడ్డీ వస్తుంది. అలాగే 36, 42, 48, 60 నెలల డిపాజిట్లపై 7.95 శాతం, 8 శాతం, 8.04 శాతం, 8.18 శాతం వడ్డీ లభిస్తుంది.
ఫిన్‌కేర్ స్మాల్ ఫైనాన్స్ బ్యాంక్
ఫిన్‌కేర్ స్మాల్ ఫైనాన్స్ బ్యాంక్ తన వద్ద డిపాజిట్ చేసిన ఖాతాదారులకు 9.01 శాతం వరకు వడ్డీ రేట్లు అందిస్తుంది. ఈ బ్యాంక్ సాధారణ ప్రజలకు ఎఫ్‌డీలపై వడ్డీ రేట్లను 3 శాతం నుంచి 8.41 శాతం మధ్య అందిస్తుంది. అయితే సీనియర్ సిటిజన్లకు ఇది 3.60 శాతం నుంచి 9.01 శాతం మధ్య ఉంటుంది. అలాగే 1001 రోజుల డిపాజిట్లపై సాధారణ ప్రజలకు 8.41 శాతం, సీనియర్ సిటిజన్లకు అయితే 9.01 శాతం వడ్డీ అందుతుంది.
మరిన్ని బిజినెస్ న్యూస్ కోసం
