Food Delivery: ఇకపై స్విగ్గీ ఫుడ్ డెలివరీకి ఎలక్ట్రిక్ వాహనాలు..రిలయన్స్ బీపీ మొబిలిటీతో ఒప్పందం!

Food Delivery:  మీ ఫుడ్ ఆర్డర్ ఇప్పుడు మీకు మెరుపు వేగంతో అందబోతోంది.  రిలయన్స్ బిపి మొబిలిటీ లిమిటెడ్, ఫుడ్ డెలివరీ యాప్ స్విగ్గీ ఒక ఒప్పందంపై సంతకం చేశాయి. దీంతో ఆహార డెలివరీ కోసం స్విగ్గీకి ఎలక్ట్రిక్ వాహనాలను అందచేస్తుంది. అంటే భవిష్యత్తులో, స్విగ్గీ డెలివరీ ద్విచక్ర వాహనాలు బ్యాటరీతో నడిచే ఎలక్ట్రానిక్ వాహనాలుగా మారతాయి. సహజంగానే, స్విగ్గీ మిలియన్ల ఆర్డర్-టేకింగ్ డెలివరీ వాహనాలు ఎలక్ట్రానిక్‌గా మారినప్పుడు, బ్యాటరీ మార్పిడి స్టేషన్ల అవసరం ఉంటుంది.  రిలయన్స్ BP మొబిలిటీ దాని బ్యాటరీ స్వాప్ స్టేషన్‌లతో స్విగ్గీకి కలుపుతుంది.

స్విగ్గీ సిబ్బందికి శిక్షణ 

రెండు ప్రముఖ పరిశ్రమల మధ్యలో ఈ భాగస్వామ్యం కొత్త వ్యాపార నమూనాకు కేంద్రంగా మారబోతోంది. ఈ వ్యాపార భాగస్వామ్యం ద్వారా స్విగ్గీ వాహనాలను పర్యావరణ అనుకూలంగా చేయడంతో పాటు తక్కువ ఖర్చుతో డెలివరీలు చేసేవిధంగా సహకరిస్తుంది. స్విగ్గీ సహాయంతో, జియో-బిపి బ్యాటరీ మార్పిడి స్టేషన్‌లు వివిధ ప్రదేశాలలో ఇన్‌స్టాల్ చేస్తారు.  రిలయన్స్ బీపీ మొబిలిటీ స్విగ్గీ డెలివరీ భాగస్వాములు,  స్విగ్గీ సిబ్బందికి బ్యాటరీ మార్పిడికి సంబంధించిన సాంకేతిక మద్దతు అదేవిధంగా,  శిక్షణను అందిస్తుంది.

రిలయన్స్ బీపీ బిలిటీ లిమిటెడ్  చీఫ్ ఎగ్జిక్యూటివ్ హరీష్ సి. మెహతా మాట్లాడుతూ, “ప్రభుత్వ ఆర్బీఎంఎల్ ప్రభుత్వ ఎలక్ట్రిక్ మొబిలిటీ  దృష్టికి మద్దతు ఇస్తుంది. మేము ఈవీ ఛార్జింగ్ హబ్, బ్యాటరీ మార్పిడి స్టేషన్లతో సహా బలమైన, స్థిరపడిన మౌలిక సదుపాయాలు.  స్విగ్గీ డెలివరీ భాగస్వాములు మా విస్తృతమైన బ్యాటరీ స్వాప్ స్టేషన్‌ల నుండి ప్రయోజనం పొందుతారని మేము విశ్వసిస్తున్నాము.” అని చెప్పారు.

స్విగ్గీ సీఈఓ శ్రీహర్ష మాజేటి మాట్లాడుతూ, “స్విగ్గీ  డెలివరీ వాహనాల సముదాయం రోజుకు సగటున 80-100 కిలోమీటర్లు ప్రయాణిస్తుంది. మిలియన్ల ఆర్డర్‌లను అందిస్తుంది. దాని పర్యావరణ ప్రభావం గురించి మాకు తెలుసు. దాని కోసం అవసరమైన చర్యలు తీసుకుంటున్నాము. ఎలక్ట్రిక్ వాహనాలకు మారడం ఈ దిశలో ఒక ముఖ్యమైన అడుగు. ఇది పర్యావరణంపై సానుకూల ప్రభావం చూపడమే కాకుండా మా డెలివరీ భాగస్వాముల ఆదాయాన్ని కూడా పెంచుతుంది. ” అని వివరించారు.

Also Read: EV Expo2021: ప్రారంభమైన ఎలక్ట్రానిక్ వెహికల్స్ ఎక్స్‌పో..మనదేశ ఉత్పత్తులే ఎక్కువ! 

Gold Funds: భారీ లాభాల కోసం ప్లాన్ చేస్తున్నారా.. పెట్టుబడి పెట్టడానికి ముందు ఇది తెలుసుకోండి..