EV Expo2021: ప్రారంభమైన ఎలక్ట్రానిక్ వెహికల్స్ ఎక్స్‌పో..మనదేశ ఉత్పత్తులే ఎక్కువ! 

EV Expo2021: దేశ రాజధాని న్యూఢిల్లీలో 11వ ఎలక్ట్రిక్ వెహికల్ ఎక్స్‌పో ప్రారంభం అయింది. ఈ కార్యక్రమం ఆగస్టు 8 వరకు కొనసాగుతుంది.  ఫిబ్రవరి 2020 తర్వాత దేశంలో జరుగుతున్నమొదటి ఎక్స్‌పో కూడా ఇదే. ఈ ఈవెంట్ ను కేంద్ర మంత్రి నితిన్ గడ్కరీ ప్రారంభించారు.  ఈవెంట్‌లో, దేశంలోని అనేక కంపెనీలు తమ ఇ-వాహనాలు, బ్యాటరీలు, వాటికి సంబంధించిన యాక్సెసరీలను ప్రదర్శిస్తున్నారు.  2015 నుండి, ఈ ఈవెంట్‌ను ఆల్టియస్ ఆటో సొల్యూషన్స్ కంపెనీ నిర్వహిస్తోంది. కంపెనీ వ్యవస్థాపకుడు రాజీవ్ అరోరా  ఈ ఈవెంట్‌కు సంబంధించిన వివరాలు వెల్లడించారు.

ఈవెంట్ ఇలా..

ఆల్టియస్ ఆటో సొల్యూషన్ ఈ ఎక్స్‌పోను నిర్వహిస్తోంది. ఈ కార్యక్రమానికి రోడ్డు రవాణా మంత్రిత్వ శాఖ, ICAT, MSME, NSIC మద్దతు ఇస్తున్నాయి. అల్టియస్ 2015 నుండి ఈ కార్యక్రమాన్ని నిరంతరం నిర్వహిస్తున్నారు. చివరి ఈవెంట్ 2019 లో జరిగింది. కరోనా మహమ్మారి కారణంగా దీనిని 2020 లో నిర్వహించలేదు.

ఎక్స్‌పోలో ఎన్ని కంపెనీలు..

మొత్తం 80 కంపెనీలు ఎక్స్‌పోలో పాల్గొంటున్నాయి. చైనా , జపాన్ నుండి 4 కంపెనీలు కూడా ఈ ఈవెంట్‌లో పాల్గొంటున్నాయి. కానీ వాటికి  మన దేశంలో స్థానిక కార్యాలయాలు ఉన్నాయి.  ప్రతి సంవత్సరం సుమారు 200 కంపెనీలు ఎక్స్‌పోలో పాల్గొంటున్నప్పటికీ, 40 శాతం వరకు కంపెనీలు బయట ఉన్నాయి. కానీ, ఈసారి కోవిడ్ కారణంగా తక్కువ కంపెనీలు చేరాయి.

ప్రభుత్వం ఇ-స్కూటర్లపై సబ్సిడీని గత నెలలో ఒకటిన్నర రెట్లు పెంచింది. అంటే, ఇంతకు ముందు కిలోవాట్ బ్యాటరీపై రూ. 10,000 తగ్గింపు ఉండేది, దానిని రూ .15,000 కి పెంచారు. ఈ కారణంగా, చాలా కంపెనీల దృష్టి ఇ-స్కూటర్ల వైపు మళ్లింది. ఇందులో, దాదాపు 20 కంపెనీలు ఇ-స్కూటర్లను కలిగి ఉంటాయి. అదే సమయంలో, కొన్ని కంపెనీలు ఇ-రిక్షాలు, ఇ-ఆటోలలో చేరుతున్నాయి. అయితే, ఎలక్ట్రిక్ ఫోర్-వీలర్ల తయారీ కంపెనీ ఏదీ రావడం లేదు.

ఇప్పుడు ఇ-స్కూటర్ల ఉత్పత్తి పెరుగుతోంది, దీని కారణంగా బ్యాటరీలను తయారు చేసే కంపెనీల సంఖ్య కూడా పెరుగుతోంది. అయితే, ప్రభుత్వం పొందుతున్న సబ్సిడీ కేవలం లిథియం బ్యాటరీలపై మాత్రమే ఇస్తోంది.  ఈ కారణంగా, లిథియం బ్యాటరీలకు సంబంధించిన సుమారు 25 కంపెనీలు ఎక్స్‌పోలో పాల్గొంటున్నాయి.

ఈ ఎక్స్‌పోలో ఆల్టియస్ స్ప్లెండర్ వంటి ఫ్యామిలీ బైక్‌లను కూడా తీసుకువస్తోంది. ఆగస్టు 6 న జరిగే ఈవెంట్‌లో ఇది లాంచ్ అవుతుంది. సబ్సిడీతో, దీని ధర దాదాపు రూ .48,000. సింగిల్ ఛార్జింగ్ తర్వాత ఈ బైక్ 140 నుండి 150 కిమీ రేంజ్ ఇస్తుంది. అదేవిధంగా, కంపెనీ ఒక ఎలక్ట్రిక్ స్కూటర్‌ని కూడా విడుదల చేస్తోంది, ఇది ఒక్కసారి ఛార్జ్ చేస్తే 110 కిమీల పరిధిని అందిస్తుంది. ఈ సబ్సిడీతో, కస్టమర్ దీనిని సుమారు రూ. 35,000కి పొందవచ్చు.

సందర్శకుల అనుమతి ఇలా.. 

ప్రభుత్వం జారీ చేసిన మార్గదర్శకాల ప్రకారం, 3 చదరపు మీటర్లకు ఒక సందర్శకుడు ఉండేలా ఏర్పాటు చేశారు.  అదే సమయంలో, ఈ ఈవెంట్ 5500 చదరపు మీటర్లలో జరుగుతుంది. కాబట్టి తదనుగుణంగా ప్రవేశం సందర్శకులకు ఇస్తున్నారు.  సందర్శకులకు ప్రవేశం పూర్తిగా ఉచితం. వాహనాలను చూసిన సందర్శకులను హాల్ నుంచి బయటకు తీసుకెళ్లేందుకు ఏర్పాట్లు చేశారు.

ఇ-వాహనాలకు ప్రాముఖ్యత ఏమిటి?

పెరుగుతున్న పెట్రోల్ ధరల మధ్య ఇ-వాహనాల డిమాండ్ వేగంగా పెరుగుతోంది. అవి పర్యావరణానికి కూడా మంచివి.  పెట్రోల్, ఇ-స్కూటర్‌ని పోల్చి చూస్తే, పెట్రోల్‌తో నడిచే ఏదైనా స్కూటర్‌తో ఖర్చు కిలోమీటరుకు రూ .2 వరకు ఉంటుంది. అదే సమయంలో, ఇ-వీల్స్ కిమీకి 10 పైసలు. అతి పెద్ద విషయం ఏమిటంటే ఇందులో నిర్వహణ లేదు. కాబట్టి అటువంటి పరిస్థితిలో, ఎక్కువ మంది ప్రజలు ఇ-స్కూటర్ల వైపు చూస్తున్నారు.

భారతీయ ఉత్పత్తులే ఎక్కువ..

2015 లో, 80 శాతం డిస్‌ప్లేలు చైనా ఉత్పత్తులే. ఇ-రిక్షాలు, ద్విచక్ర వాహనాలు, నాలుగు చక్రాలు అన్నీ చైనా నుండి దిగుమతి చేసినవే ఇందులో కనిపించాయి.  2019 నాటికి, ఈ విషయాలు పూర్తిగా తిరగబడ్డాయి. ఇప్పుడు ఎక్స్‌పోలో చైనా కంపెనీల డిస్‌ప్లేలు 20 శాతం కూడా లేవు. అంటే, వాహనం మాత్రమే కాదు, అందులో ఉపయోగించే భాగాలు ఇప్పుడు భారతదేశంలోనే తయారు అవుతున్నాయి. ఇది శుభపరిణామంగా చెప్పవచ్చు.

Also Read: EVExpo: ఎలక్ట్రిక్ వెహికల్ ఎగ్జిబిషన్.. ఈ నెల 6 నుంచి.. అతిపెద్ద ఈ ఈవెంట్ ఎక్కడ ఎలా నిర్వహించబోతున్నారంటే..

Space Tourists: అంతరిక్షంలోకి విజయవంతంగా వెళ్లి వచ్చిన రిచర్డ్ బ్రాస్నన్, జెఫ్ బెజోస్‌లు ఆస్ట్రోనాట్స్ కాదా? ఎందుకు?