Direct Taxes: కోవిడ్ కాలంలోనూ పెరిగిన ప్రత్యక్ష పన్నుల వసూళ్లు.. గత సంవత్సరంతో పోలిస్తే భారీ పెరుగుదల..
ఈ సంవత్సరం ఏప్రిల్ 1 నుండి సెప్టెంబర్ 22 వరకు రూ.5,70,568 కోట్ల నికర ప్రత్యక్ష పన్ను (రీఫండ్ తీసివేసిన తర్వాత) ప్రభుత్వం అందుకుంది.
Direct Taxes: ఈ సంవత్సరం ఏప్రిల్ 1 నుండి సెప్టెంబర్ 22 వరకు రూ.5,70,568 కోట్ల నికర ప్రత్యక్ష పన్ను (రీఫండ్ తీసివేసిన తర్వాత) ప్రభుత్వం అందుకుంది. ఆర్థిక మంత్రిత్వ శాఖ చెబుతున్న వివరాల ప్రకారం, కోవిడ్ 2020 సంవత్సరం ఇదే కాలంలో సేకరించిన 3,27,174 కోట్ల పన్ను కంటే ఇది 74.4% ఎక్కువ. విశేషమేమిటంటే, ప్రభుత్వం ఈ ఆర్థిక సంవత్సరంలో రూ .75,111 కోట్ల విలువైన వాపసులను జారీ చేసింది.
నికర సేకరణ 2019 నుండి 27% పెరిగింది..
పన్నుల వసూళ్ళలో 2019 సంవత్సరం గురించి చెప్పుకుంటే, ఆ సమయంలో ప్రభుత్వానికి రూ.4,48,976 కోట్ల పన్ను వచ్చింది. ఈ విధంగా కోవిడ్ కంటే ముందు సంవత్సరం కంటే పన్ను వసూలు 27% ఎక్కువ. నికర పన్ను సేకరణలో రూ.3,02,975 కోట్ల కార్పొరేషన్ పన్ను, రూ.2,67,593 వ్యక్తిగత ఆదాయపు పన్ను ఉన్నాయి. వాపసు మినహాయించడం ద్వారా పన్ను సేకరణ గణాంకాలు రూపొందించడం జరిగింది.
స్థూల పన్ను సేకరణ 47% పెరిగింది
రిఫండ్ సర్దుబాటు చేయకుండా స్థూల ప్రాతిపదికన పన్ను వసూలు గురించి చూస్తే కనుక, ఈ సంవత్సరం ఏప్రిల్ నుండి సెప్టెంబర్ వరకు ఇది రూ.6,45,679 కోట్లు. అదే ప్రాతిపదికన, గత సంవత్సరం ఇదే కాలంలో మొత్తం పన్ను వసూలు రూ.4,39,242 కోట్లు, అందువల్ల సేకరణ సంవత్సరానికి 47% ఎక్కువ.
2019 నుండి స్థూల పన్ను సేకరణ 16.75% పెరిగింది..
కానీ కోవిడ్‌కు ముందు సంవత్సరంతో పోలిస్తే, ప్రత్యక్ష పన్ను వసూళ్లు 16.75% మాత్రమే ఎక్కువగా ఉన్నాయి. 2019 లో స్థూల పన్ను సేకరణ రూ.5,53,063 కోట్లు. స్థూల పన్ను సేకరణలో రూ.3,58,806 కోట్ల కార్పొరేషన్ పన్ను, సెక్యూరిటీస్ లావాదేవీ పన్ను (STT) తో సహా రూ.2,86,873 కోట్ల వ్యక్తిగత ఆదాయ పన్ను ఉన్నాయి.
పన్ను వసూలులో 3,19,239 కోట్ల TDS
విశేషమేమిటంటే, రూ.6,45,679 కోట్ల స్థూల పన్ను సేకరణలో రూ.2,53,353 కోట్ల ముందస్తు పన్ను, రూ.3,19,239 కోట్ల పన్ను మినహాయింపు ఉన్నాయి. 41,739 కోట్ల స్వీయ మదింపు పన్ను అదేవిధంగా రూ.25,558 కోట్ల సాధారణ అంచనా పన్ను కూడా ఉంది. ప్రభుత్వం డివిడెండ్ డిస్ట్రిబ్యూషన్ పన్ను (డిటిటి) రూ.4,406 కోట్లు మరియు ఇతర చిన్న పన్నులు రూ.1383 కోట్లు ఏప్రిల్ నుండి సెప్టెంబర్ 22 వరకు వసూలు చేసింది.
గత సంవత్సరం కంటే అడ్వాన్స్ పన్ను 51.50% ఎక్కువ
ఈ ఆర్థిక సంవత్సరం ప్రారంభ నెలలు సవాలుగా ఉన్నాయని ప్రభుత్వం చెప్పింది. కానీ, రెండవ త్రైమాసికంలో రూ.1,72,071 కోట్ల ముందస్తు పన్ను వసూలు జరిగింది. ఇది ఒక సంవత్సరం క్రితం రూ.1,13,571 కోట్ల ముందస్తు పన్ను వసూలు కంటే 51.50% ఎక్కువ.
