Courier Fraud: కొరియర్ ద్వారా కొత్త మోసం.. నిర్లక్ష్యం ఉంటే మీ ఖాతా ఖాళీయే..!
ఆన్లైన్లో షాపింగ్ చేసే సమయంలో జాగ్రత్తగా ఉండాలి. నిర్లక్ష్యంగా ఉంటే నిలువునా మోసపోయే ప్రమాదం ఉంది. లేనిపోని లింక్లపై క్లిక్ చేయవద్దు. అలాంటి లింకులు ఏమైనా కనిపిస్తే జాగ్రత్తగా ఉండాలని సైబర్ క్రైమ్ నిపుణులు సూచిస్తున్నారు. మీకు పార్శిల్కు సంబంధించిన ఏదైనా సమాచారం కావాలంటే కొరియర్ కంపెనీ అధికారిక వెబ్సైట్కి వెళ్లి అక్కడ అందించిన వివరాలను ఉపయోగించండి..
Updated on: Aug 21, 2023 | 3:19 PM
ఆన్లైన్ షాపింగ్ ఇప్పుడు సర్వసాధారణంగా మారింది. చిన్న చిన్న వస్తువులను కూడా ఆన్లైన్లో కొనడం అలవాటు చేసుకుంటున్నాం. అదేవిధంగా ఆన్లైన్ సంబంధిత సైబర్ క్రైమ్ కేసులు ఎక్కువగా నమోదవుతున్నాయి. ఏటీఎం కార్డు వివరాలు పొందడం, నకిలీ లింక్ ద్వారా హ్యాక్ చేయడం, తప్పుడు హామీలు ఇచ్చి డబ్బులు దండుకోవడం ఇలా రకరకాలుగా మోసాలు చేస్తున్నారు. నేరగాళ్లు జనాలను మోసం చేసేందుకు రకరకాల మార్గాలనే అన్వేషిస్తుంటారు. ఒక్కోసారి మనం అంచనా వేయలేని సందర్భాలు ఎదురవుతాయి. ఇప్పుడు కొరియర్ కంపెనీ పేరుతో మోసం చేసిన ఘటన వెలుగులోకి వచ్చింది.
మీరు ఆన్లైన్లో షాపింగ్ చేసినప్పుడు రవాణా లేదా కొరియర్ కంపెనీ వస్తువులను మీ ఇంటి వద్దకే అందజేస్తుంది. డెలివరీకి కొంత సమయం ఉంటుంది. సాధారణంగా ఇది 1 నుంచి 5 రోజులు పడుతుంది. వీలైనంత త్వరగా పార్శిల్ పొందడానికి మీరు Google ద్వారా కొరియర్ కంపెనీ కస్టమర్ కేర్ నంబర్ కోసం శోధించవచ్చు.
మీరు Google నుంచి పొందిన నంబర్కు కాల్ చేసినా మోసపోతారు. అలాగే మీకు సదరు కోరియర్ నుంచి కాల్ వస్తుంది. వీలైనంత త్వరగా పార్శిల్ను పంపుతామని చెబుతారు. ఫోన్కి సమాధానం ఇచ్చిన వ్యక్తి త్వరలో పార్శిల్ డెలివరీకి ఏర్పాట్లు చేస్తానని చెబుతాడు. కానీ మీరు అదనంగా రూ.5 చెల్లించాల్సి ఉంటుందని మీ మొబైల్కు క్యూఆర్ కోడ్ వస్తుంది. మీరు ఆ QR కోడ్ని ఉపయోగించి చెల్లిస్తే, రూ. 5కి బదులుగా, రూ. 5,000, రూ.10,000 మొదలైన అదనపు మొత్తం ఖాతా నుంచి తీసివేయబడుతుంది. దీని ద్వారా మీరు మోసపోతారు.
అందుకే ఆన్లైన్లో షాపింగ్ చేసే సమయంలో జాగ్రత్తగా ఉండాలి. నిర్లక్ష్యంగా ఉంటే నిలువునా మోసపోయే ప్రమాదం ఉంది. లేనిపోని లింక్లపై క్లిక్ చేయవద్దు. అలాంటి లింకులు ఏమైనా కనిపిస్తే జాగ్రత్తగా ఉండాలని సైబర్ క్రైమ్ నిపుణులు సూచిస్తున్నారు.
మీకు పార్శిల్కు సంబంధించిన ఏదైనా సమాచారం కావాలంటే కొరియర్ కంపెనీ అధికారిక వెబ్సైట్కి వెళ్లి అక్కడ అందించిన వివరాలను ఉపయోగించండి. గూగుల్లో సెర్చ్ చేస్తున్నప్పుడు జాగ్రత్తగా ఉండండి. అనేక నకిలీ వెబ్సైట్ల నుంచి మోసాలు జరుగుతున్నాయి. మీ బ్యాంక్ ఖాతా వివరాలను ఎవరితోనూ పంచుకోవద్దు. అలాగే డెబిట్ కార్డ్ లేదా క్రెడిట్ కార్డ్ నంబర్ల CVV లేదా OTPని ఎవరితోనూ షేర్ చేయవద్దు.
మోసం జరిగితే వెంటనే మీరు భారత ప్రభుత్వానికి చెందిన హెల్ప్లైన్ నంబర్ 1930కి కాల్ చేయాలి. ఏదైనా రకమైన సైబర్ మోసం జరిగితే మీరు cybercrime.gov.in లో ఫిర్యాదు చేయవచ్చు. దీంతో వారు విచారణ చేపట్టి మీకు న్యాయం చేస్తారు.
మరిన్ని బిజినెస్ వార్తల కోసం ఇక్కడ క్లిక్ చేయండి
