Car Insurance: కారు ఇంజిన్‌లో నీరు చేరి ఫెయిల్ అయితే బీమా క్లెయిమ్ సాధ్యమేనా? నిపుణులు ఏమంటున్నారు?
ప్రస్తుతం బీమా రంగంలో ఎన్నో మార్పులు వచ్చాయి. వ్యక్తిగత బీమా సదుపాయాల నుంచి వాహనాల బీమా వరకు స్కీమ్‌లో అందుబాటులో ఉన్నాయి. ఇప్పుడున్న రోజుల్లో వాహనాలకు కూడా బీమా సదుపాయం ఉండటం చాలా ముఖ్యం. వర్షం కురిసి రోడ్డు నీళ్లలో ఉన్నప్పుడో, అపార్ట్‌మెంట్‌లోని..
Updated on: Jul 20, 2023 | 4:30 AM
ప్రస్తుతం బీమా రంగంలో ఎన్నో మార్పులు వచ్చాయి. వ్యక్తిగత బీమా సదుపాయాల నుంచి వాహనాల బీమా వరకు స్కీమ్‌లో అందుబాటులో ఉన్నాయి. ఇప్పుడున్న రోజుల్లో వాహనాలకు కూడా బీమా సదుపాయం ఉండటం చాలా ముఖ్యం. వర్షం కురిసి రోడ్డు నీళ్లలో ఉన్నప్పుడో, అపార్ట్‌మెంట్‌లోని బేస్‌మెంట్‌లో పార్క్ చేసిన కారు నీట మునిగినప్పుడో చాలా జాగ్రత్తగా వహించాలి. ఏ కారణం చేతనైనా కారు ఇంజిన్‌ను స్టార్ట్ చేయవద్దు. ఇది ఇంజిన్ దెబ్బతింటుంది. కార్ ఇన్సూరెన్స్ క్లెయిమ్ చేయడం సాధ్యం కాదు . మీరు వాహనం కోసం సమగ్ర బీమా పాలసీని కలిగి ఉన్నప్పటికీ, ఏమీ సహాయం చేయదు. ఆన్‌లైన్ ఇన్సూరెన్స్ మార్కెట్ పోర్టల్ అయిన Policy Bazaar.com లో మోటార్ ఇన్సూరెన్స్ హెడ్ నితిన్ కుమార్ దీని గురించి కొన్ని విలువైన సమాచారాన్ని పంచుకున్నారు.
‘మీరు బిల్డింగ్‌ సెల్లర్‌లోగానీ, ఇతర ప్రాంతాల్లో కారు పార్క్ చేసినప్పుడు వర్షం కారణంగా నీరంతా కారులోపలికి వెళ్తుంది. చివరకు కారు నీటిలో మునిగిపోయే సంఘటనలు కూడా ఉంటాయి. అలా జరిగినప్పుడు మీరు నేరుగా బీమా కంపెనీకి తెలియజేయాలి. మీరు మీ కారును సమీపంలోని సర్వీస్ సెంటర్ లేదా గ్యారేజీకి తీసుకెళ్లాలి. కారు నీటిలో మునిగి ఉన్నప్పుడు మీరు ఇంజిన్‌ను స్టార్ట్ చేయడానికి ప్రయత్నిస్తే ఇంజిన్ హైడ్రోస్టాటిక్‌గా లాక్ అవుతుంది. అటువంటి పరిస్థితిలో ఇంజిన్ ఫెయిల్ అయితే బీమా కంపెనీ దానిని కవర్ చేయదు. ఎందుకంటే ఇంజిన్‌లో నీరు నిండినప్పుడు దాన్ని స్టార్ట్ చేస్తే అది ఉద్దేశపూర్వక నష్టంగా పరిగణించబడుతుంది’ అని నితిన్ కుమార్ చెప్పారు. నడుస్తున్న కారు ఇంజిన్‌లోకి నీరు ప్రవేశించినప్పుడు ఇంజిన్ దెబ్బతింటుంది. అటువంటి సమయంలో హైడ్రోస్టాటిక్ లాక్ ఏర్పడుతుంది. అయితే ఇంజిన్‌ను స్టార్ట్ చేసే ముందు నిపుణుల సహాయం తీసుకోవడం మంచిదంటున్నారు.
బీమా చేయించుకునేటప్పుడు జాగ్రత్త అవసరం:
కారుకు చిన్నపాటి డ్యామేజ్ అయినా రిపేర్ చేయడానికి చాలా ఖర్చు అవుతుంది. ప్రమాదాలు, వరదలు వంటివి మాత్రమే కాకుండా కారుకు చాలా నష్టం కలిగిస్తుంది. ఈ సందర్భంలో కారు సరిగ్గా కవర్ చేయబడితే, నష్టానికి అయ్యే ఖర్చును కవర్ చేయవచ్చు. ఒక సమగ్ర బీమా పాలసీ వరదలు, అగ్నిప్రమాదం, దొంగతనం వంటి ప్రమాదాలను కవర్ చేస్తుంది. కొత్త కారు అయితే దాదాపు అన్ని రకాల నష్టాలు కవర్ చేయబడతాయి. పాత కారు కవరేజీ తక్కువగా ఉంటుంది. ప్లాస్టిక్, రబ్బరు భాగాలు దెబ్బతిన్నట్లయితే క్లెయిమ్‌లో సగం మాత్రమే సాధ్యమవుతుంది. సమగ్ర కారు బీమా పాలసీ అన్నింటినీ కవర్ చేయకపోవచ్చు. ఇంజిన్ రక్షణ, కారులో ఉండే ఇతర విలువైన వస్తువుల కవర్, రోడ్‌సైడ్ అసిస్టెన్స్, కీ, లాక్‌కవర్, వ్యక్తిగత వస్తువులకు నష్టం మొదలైన వాటి కోసం విడిగా బీమా యాడ్-ఆన్‌లను పొందడం మంచిదని పాలసీ బజార్‌లోని బీమా నిపుణులు అంటున్నారు.
మరిన్ని బిజినెస్ వార్తల కోసం ఇక్కడ క్లిక్ చేయండి
