Stock Market: మల్టీ రిటర్న్స్ ఇస్తున్న ఈ- బస్సుల తయారీ కంపెనీ.. మూడు నెలల్లో 115 శాతం పెరుగుదల..
2021 సంవత్సరంలో స్టాక్ మార్కెట్లో చాలా కంపెనీలు మెరుగైన రాబడిని ఇచ్చాయి. ఆటో, యుటిలిటీ వెహికల్ కంపెనీ షేర్లలో పెట్టుబడి పెట్టే పెట్టుబడిదారులకు లాభాలు వచ్చాయి...
Updated on: Dec 14, 2021 | 2:11 PM
2021 సంవత్సరంలో స్టాక్ మార్కెట్లో చాలా కంపెనీలు మెరుగైన రాబడిని ఇచ్చాయి. ఆటో, యుటిలిటీ వెహికల్ కంపెనీ షేర్లలో పెట్టుబడి పెట్టే పెట్టుబడిదారులకు లాభాలు వచ్చాయి. ఓ కంపెనీ స్టాక్ 3 నెలల్లో పెట్టుబడిదారుల డబ్బును రెట్టింపు చేసింది. ఒలెక్ట్రా గ్రీన్‌టెక్ స్టాక్ ఈరోజు 5 శాతం అప్పర్ సర్క్యూట్‌ను తాకింది. బీఎస్‌ఈలో ఈ షేరు 5 శాతం పెరిగి రూ.854.95కి చేరుకుంది. గత మూడు నెలల్లో ఈ ఆటో, యుటిలిటీ వెహికల్ కంపెనీ స్టాక్ 115 శాతం పెరిగింది. ఇది నవంబర్ 18, 2021న రికార్డు స్థాయిలో రూ.912కు చేరింది. ప్రస్తుతం, Olectra Greentech BSEలో టీ గ్రూప్ కింద ట్రేడింగ్ చేస్తోంది.
Olectra Greentech భారతదేశంలో అతిపెద్ద ఎలక్ట్రిక్ బస్సు తయారీ సంస్థ. 10,000 యూనిట్ల సామర్థ్యంతో దేశంలోనే అతిపెద్ద ఎలక్ట్రిక్ బస్సు ఫ్యాక్టరీని హైదరాబాద్‌లో ఏర్పాటు చేస్తోంది. 150 ఎకరాల్లో ఈ ఫ్యాక్టరీని రూ.600 కోట్లతో నిర్మించనున్నారు. Olectra Greentech 2003 నుంచి పాలిమర్ ఇన్సులేటర్లను తయారు చేస్తోంది. ఎలక్ట్రిక్ బస్సులను తయారు చేసేందుకు కంపెనీ BYD (చైనీస్ బ్యాటరీ, ఎలక్ట్రిక్ కార్ల తయారీ సంస్థ)తో జతకట్టింది. ఎలక్ట్రిక్ బస్సులు Olectra BYD అనే కంబైన్డ్ బ్రాండ్ పేరుతో విక్రయిస్తోంది. ఇది 30 సెప్టెంబర్, 2021 వరకు భారతదేశంలోని వివిధ స్టేట్ ట్రాన్స్‌పోర్ట్ అండర్‌టేకింగ్‌లు (STUలు), కొన్ని ప్రైవేట్ కంపెనీలకు మొత్తం 386 ఈ-బస్సులను విజయవంతంగా పంపిణీ చేసింది.
Olectra Greentech రేటింగ్ పెరిగింది రేటింగ్ ఏజెన్సీ ICRA సోమవారం సానుకూల దృక్పథంతో Olectra Greentech రేటింగ్‌ను పెంచింది. రేటింగ్ ఏజెన్సీ ప్రకారం, Olectra Greentech యొక్క e-బస్ విభాగం FY 2022 రెండవ భాగంలో పటిష్టంగా పని చేస్తుందని భావిస్తున్నారు. ఇది దాని రాబడి, మార్జిన్లలో వృద్ధికి తోడ్పడే అవకాశం ఉంది. ఈ-బస్ డివిజన్ కంపెనీ ఆర్డర్ బుక్ నవంబర్ 16, 2021 నాటికి 1,575 బస్సులకు పెరిగింది. జూన్ 30, 2020 నాటికి 792 బస్సులు ఉన్నాయి. Q3 FY2022లో 100-110 బస్సులను, Q4 FY2022లో 200-300 బస్సులను డెలివరీ చేయాలని కంపెనీ యోచిస్తోంది. దీంతో కంపెనీకి ఆదాయం, లాభాలు పెరిగే అవకాశం ఉంది. వృద్ధిని సాధించే అవకాశం ఉందని, బస్సుల సకాలంలో డెలివరీని రేటింగ్ ఏజెన్సీ పర్యవేక్షిస్తుందని ఏజెన్సీ తెలిపింది.
