Home Loan: హోమ్ లోన్‌ తీసుకోవాలనుకుంటున్నారా.? తక్కువ వడ్డీకి రుణం ఇచ్చే బ్యాంకులివే..
బ్యాంకుల మధ్య పెరిగిన పోటీ నేపథ్యంలో వడ్డీ రేట్లను కూడా బాగా తగ్గిస్తూ వస్తున్నారు. సులభమైన వాయిదాల్లో లోన్‌ను చెల్లించే వెసులుబాటు కల్పించడంతో హోమ్ లోన్స్‌కు డిమాండ్ పెరుగుతోంది. ఎక్కువ కాలం వాయిదాలను ఎంపిక చేసుకొని తక్కువ మొత్తంలో ఈఎమ్‌ఐ చెల్లించేలా బ్యాంకులు అవకాశం కల్పిస్తున్నాయి. మరి మీరు కూడా ప్రస్తుతం హోన్‌ లోన్‌ తీసుకోవాలని చూస్తుంటే. తక్కువ వడ్డీ రేటుకే హోమ్ లోన్స్‌ని...
Narender Vaitla | Edited By: Janardhan Veluru
Updated on: Nov 13, 2023 | 7:39 AM
సొంతింటి కలను నిజం చేసుకోవాలనే కోరిక ప్రతీ ఒక్కరికీ ఉంటుంది. అందుకోసం ఎన్నో ఏళ్లు కృషి చేస్తుంటారు. సంపాదించినదాంట్లో కొంత మొత్తాన్ని దాచుకుంటూ ఇంటి నిర్మాణం చేపడుతుంటారు. ఇక బ్యాంకింగ్‌ రంగం విస్తరించడం, బ్యాంకులు తక్కువ వడ్డీకే రుణాలు అందిస్తుండడంతో చాలా మంది హోమ్ లోన్స్ తీసుకుంటూ తమ సొంతింటి కలను నిజం చేసుకుంటున్నారు.
బ్యాంకుల మధ్య పెరిగిన పోటీ నేపథ్యంలో వడ్డీ రేట్లను కూడా బాగా తగ్గిస్తూ వస్తున్నారు. సులభమైన వాయిదాల్లో లోన్‌ను చెల్లించే వెసులుబాటు కల్పించడంతో హోమ్ లోన్స్‌కు డిమాండ్ పెరుగుతోంది. ఎక్కువ కాలం వాయిదాలను ఎంపిక చేసుకొని తక్కువ మొత్తంలో ఈఎమ్‌ఐ చెల్లించేలా బ్యాంకులు అవకాశం కల్పిస్తున్నాయి. మరి మీరు కూడా ప్రస్తుతం హోన్‌ లోన్‌ తీసుకోవాలని చూస్తుంటే. తక్కువ వడ్డీ రేటుకే హోమ్ లోన్స్‌ని అందిస్తున్న కొన్ని బ్యాంకులకు సంబంధించిన వివరాలు మీకోసం..
* దేశంలోనే అతిపెద్ద ప్రభుత్వ రంగ బ్యాంక్‌ అయిన స్టేట్‌ బ్యాంక్‌ ఆఫ్‌ ఇండియా.. ప్రస్తుతం హోమ్ లోన్స్‌పై 8.40 శాతం నుంచి వడ్డీ రేట్లను అందిస్తోంది. ఇక హోమ్ లోన్స్‌పై 0.17 శాతం ప్రాసెసింగ్ ఫీజును వసూలు చేస్తుంది. ఇక హౌసింగ్ లోన్స్‌పై ఎస్‌బీఐ బ్యాంక్‌ వడ్డీపై 60 బేసిస్‌ పాయింట్ల తగ్గింపును అందిస్తుంది. స్టేట్‌ బ్యాంక్‌ ఆఫ్‌ ఇండియా ఈ ఆఫర్‌ను డిసెంబర్ 31వ తేదీ వరకు అందుబాటులో ఉంచనుంది.
* బ్యాంక్‌ ఆఫ్‌ బరోడా ప్రస్తుతం హోమ్ లోన్స్‌పై 8.60 శాతం వడ్డీ రేటును అందిస్తోంది. హోమ్ లోన్స్‌పై 0.50 ప్రాసెసింగ్ ఫీజును కూడా వసూలు చేస్తున్నారు. ప్రాసెసింగ్ ఫీజు గరిష్టంగా రూ. 25,000 వరకు ఉంటుంది. ఇక వడ్డీ రేట్లు కస్టమర్ సిబిల్ స్కోర్‌పై ఆధారపడి ఉంటుంది. సిబిల్ స్కోర్ 750 పాయింట్స్‌ కంటే ఎక్కువగా ఉంటే.. వడ్డీ రేటు 8.60 శాతంగా ఉంటుంది. సిబిల్ 750 కంటే తక్కువ ఉంటే వడ్డీ రేటు పెరుగుతుంది.
* ఇక ప్రభుత్వ రంగ బ్యాంకులకు పోటీగా ప్రైవేట్ సంస్థలు సైతం తక్కువ వడ్డీకే రుణాలు అందిస్తున్నాయి. దేశంలో అతిపెద్ద ప్రైవేట్ రంగ బ్యాంక్‌ అయిన ఐసీఐసీఐ బ్యాంక్‌ హోమ్ లోన్స్‌ని 9 శాతం వడ్డీ రేటును అందిస్తోంది. సిబిల్ స్కోర్ 750 నుంచి 800 వరకు ఉన్న వారికే ఈ వడ్డీ రేటు వర్తిస్తుంది. ఇంతకంటే సిబిల్ తక్కువ ఉంటే.. వడ్డీ రేటు 9.25 శాతంగా ఉంటుంది.
* ఇండియన్‌ బ్యాంక్‌ ప్రస్తుతం హోమ్ లోన్స్‌పై 8,50 శాతం నుంచి 9.90 శాతం వరకు వడ్డీని అందిస్తోంది. అలాగే హోమ్ లోన్స్ పై 0.23 శాతం ప్రాసెసింగ్ ఫీజును బ్యాంకు వసూలు చేస్తుంది. అయితే సిబిల్ స్కోర్ ఆధారంగా వడ్డీ రేటు మారుతుంది. సిబిల్ స్కోర్ ఆధారంగా వడ్డీ రేట్లలో మార్పు ఉంటుంది.
మరిన్ని బిజినెస్ వార్తల కోసం క్లిక్ చేయండి..
