Bank Locker: బ్యాంక్ లాకర్ కీ పోగొట్టుకున్నారా? అప్పుడేం చేయాలి? నిబంధనలు ఏంటి?
Bank Locker: జాయింట్ లాకర్ హోల్డర్ విషయంలో లాకర్‌ను తెరిచేటప్పుడు లేదా పగలగొట్టేటప్పుడు అందరూ తప్పనిసరిగా హాజరు కావాలి. లేదా గైర్హాజరైన వ్యక్తి తరపున అనుమతి లేఖను బ్యాంకుకు సమర్పించాలి. బ్యాంక్ లాకర్ కీని కోల్పోయిన తర్వాత..
Updated on: Nov 17, 2024 | 9:03 PM
Bank Locker: సాధారణంగా కొన్ని విలువైన వస్తువులు లేదా పత్రాలను సురక్షితంగా ఉంచడానికి బ్యాంకుల్లో లాకర్లను తెరుస్తారు. ప్రతి లాకర్‌కు ప్రత్యేక కీ ఉంటుంది. ఇది సంబంధిత పత్రాలను సమర్పించి, బ్యాంక్ అనుమతితో లాకర్‌ను పర్యవేక్షించిన తర్వాత మాత్రమే అందుబాటులో ఉంటుంది. ఈ లాకర్ కీలు లేదా లాకర్ సేవలకు సంబంధించి బ్యాంకులు వారి స్వంత నిబంధనలు, షరతులను కలిగి ఉంటాయి వీటిని తప్పనిసరిగా పాటించాలి. కానీ మీరు ఈ లాకర్ కీని పోగొట్టుకుంటే ఏమి జరుగుతుంది?
మీరు మీ బ్యాంక్ లాకర్ కీని పోగొట్టుకుంటే, మీరు ముందుగా బ్యాంకుకు తెలియజేయాలి. దీని కోసం మీరు సమీపంలోని పోలీస్ స్టేషన్‌లో ఎఫ్‌ఐఆర్ నమోదు చేయాలి. అయితే కీ పోయిన తర్వాత లాకర్ ఆపరేట్ చేయలేరా? ప్రతి బ్యాంకు ప్రత్యామ్నాయ కీని ఏర్పాటు చేస్తుంది. లేదా అలాంటి సందర్భాలలో ఉపయోగించడానికి రెండవ లాకర్‌ను అందిస్తుంది. కీ అందుబాటులో లేనట్లయితే బ్యాంక్ లాకర్‌ను పగలగొట్టి, దానిలోని వస్తువులను లేదా పేపర్స్‌ను మరొక లాకర్‌కు పంపించాల్సి ఉంటుంది. ఇది మీకు కొత్త లాకర్‌కి మరో కీని ఇస్తుంది. అంతే కాదు, లాకర్‌ని పగలగొట్టడం, రిపేర్ చేయడం వంటి ఖర్చులను కూడా లాకర్ ఎవరి పేరు మీద జారీ అయ్యిందో వారే భరించాల్సి ఉంటుందని గుర్తించుకోవాలి.
ఇది కూడా చదవండి: PM Suraksha Bima: కేవలం రూ.20లకే రూ.2 లక్షల బెనిఫిట్.. మోడీ సర్కార్‌ అద్భుతమైన స్కీమ్‌!
జాయింట్ లాకర్ హోల్డర్ విషయంలో లాకర్‌ను తెరిచేటప్పుడు లేదా పగలగొట్టేటప్పుడు అందరూ తప్పనిసరిగా హాజరు కావాలి. లేదా గైర్హాజరైన వ్యక్తి తరపున అనుమతి లేఖను బ్యాంకుకు సమర్పించాలి. బ్యాంక్ లాకర్ కీని కోల్పోయిన తర్వాత కస్టమర్, బ్యాంక్ ప్రతినిధి సమక్షంలో పగులగొట్టడం లేదా తెరవడం లాంటివి చేస్తారు. ఖాతాదారుడు వరుసగా మూడు సంవత్సరాలు బ్యాంకు లాకర్ అద్దెను చెల్లించకపోతే, లాకర్‌ను పగలగొట్టి వస్తువును జప్తు చేసే హక్కు బ్యాంకు అధికారులకు ఉంటుంది. అంతేకాకుండా మొత్తం అద్దె చెల్లించినప్పటికీ, కస్టమర్ ఈ లాకర్‌ను వరుసగా 7 సంవత్సరాలు ఆపరేట్ చేయకపోతే, అదే జరగవచ్చు.
ఇది కూడా చదవండి: Hair Care Tips: చిన్న వయస్సులోనే జుట్టు రాలుతుందా..? ఈ మూడు ప్రధాన కారణాలు!
మరిన్ని బిజినెస్ వార్తల కోసం ఇక్కడ క్లిక్ చేయండి
