PM Suraksha Bima: కేవలం రూ.20లకే రూ.2 లక్షల బెనిఫిట్.. మోడీ సర్కార్‌ అద్భుతమైన స్కీమ్‌!

PM Suraksha Bima: ఈ పథకంలో పాలసీదారు ప్రమాదవశాత్తు మరణిస్తే ఆ కుటుంబానికి రూ.2 లక్షలు చెల్లిస్తారు. మరోవైపు ప్రమాదంలో పాలసీదారు రెండు కళ్లు పోగొట్టుకుంటే కుటుంబానికి రూ.2 లక్షలు చెల్లిస్తారు. అదే విధంగా రెండు చేతులు, రెండు కాళ్లు వైకల్యం కలిగి..

Subhash Goud |

Updated on: Nov 17, 2024 | 8:20 PM

ప్రస్తుత కాలంలో చాలా మందికి అనారోగ్య సమస్యలు పెరిగిపోతున్నాయి. భవిష్యత్ ప్రణాళికలో బీమా ఉండటం ఎంతో మేలు. చాలా మంది ఆదాయం లేకపోవడంతో బీమా కొనుగోలు చేయలేకపోతున్నారు. వాటిని దృష్టిలో ఉంచుకుని మోదీ ప్రభుత్వం ప్రధాన మంత్రి బీమా యోజనను తీసుకొచ్చింది. ఈ పథకంలో మీరు 20 రూపాయలకు 20 లక్షల రూపాయల బీమా పొందవచ్చు.

భారత ప్రభుత్వం నిర్వహిస్తున్న ప్రధాన మంత్రి సురక్ష బీమా యోజన 2015లో ప్రారంభమైంది. ఇందులో కేవలం 20 రూపాయలతోనే రూ.2 లక్షల వరకు బీమా ప్రయోజనం పొందవచ్చు. ఇది ప్రమాద బీమా పథకం. ఈ పథకం కింద 2 లక్షల వరకు బీమా కవరేజీ పొందవచ్చు. 18 సంవత్సరాల నుండి 70 సంవత్సరాల మధ్య ఉన్న భారతీయ పౌరులు ఎవరైనా ప్రధాన మంత్రి సురక్ష బీమా యోజనలో పెట్టుబడి పెట్టవచ్చు. ఈ పథకం వార్షిక ప్రీమియం రూ.20 మాత్రమే ఈ పాలసీని ప్రతి సంవత్సరం రెన్యూవల్ చేసుకోవాలి.

ఇది కూడా చదవండి: Health Tips: నీళ్లు తాగినా మళ్లీ దాహం వేస్తోందా? ఇది తీవ్రమైన వ్యాధికి సంకేతమా?

ఇవి కూడా చదవండి

ఈ పథకం ద్వారా మీరు ఎలాంటి ప్రయోజనాలను పొందుతారు?

ఈ పథకంలో పాలసీదారు ప్రమాదవశాత్తు మరణిస్తే ఆ కుటుంబానికి రూ.2 లక్షలు చెల్లిస్తారు. మరోవైపు ప్రమాదంలో పాలసీదారు రెండు కళ్లు పోగొట్టుకుంటే కుటుంబానికి రూ.2 లక్షలు చెల్లిస్తారు. అదే విధంగా రెండు చేతులు, రెండు కాళ్లు వైకల్యం కలిగి ఉంటే, బీమా చేయబడిన కుటుంబానికి పరిహారంగా రూ.2 లక్షలు అందుతుంది. బీమా చేయించుకున్న వ్యక్తి ప్రమాదంలో కాలు, చేయి లేదా కన్ను పోగొట్టుకుంటే రూ.లక్ష లభిస్తుంది.