మోత మోగిస్తున్న బంగారం, వెండి ధరలు.. రికార్డు స్థాయిలో పరుగులు

ఇటీవల భారీగా తగ్గుతూ వచ్చిన బంగారం, వెండి ధరలు ఇప్పుడు చుక్కలు చూపిస్తున్నాయి. రికార్డు స్థాయిలో దూసుకుపోతున్నాయి.

భారీగా తగ్గుతుందని అనుకున్నంతనే మహిళలకు బ్యాడ్‌న్యూస్‌ అయిపోయింది. గత నాలుగైదు రోజుల నుంచి రికార్డు స్థాయిలో పెరుగుతోంది. 

ఆగస్ట్‌ 12న 24 క్యారెట్ల 10 గ్రాముల బంగారంపై ఏకంగా 1040 రూపాయలు పెరిగింది. అదే 22 క్యారెట్లపై 950 రూపాయలు ఎగబాకింది.

ధరలు పెరిగిన తర్వాత హైదరాబాద్‌లో 24 క్యారెట్ల 10 గ్రాముల బంగారం ధర 1,54,860 రూపాయలు ఉండగా, 22 క్యారెట్ల 10 గ్రాముల ధర  1,41,950.

ప్రస్తుతం ప్రపంచవ్యాప్తంగా సానుకూల వాతావరణం నెలకొనడంతో పాటు బంగారానికి మంచి డిమాండ్ ఉండడంతో బంగారం ధరలు భారీగా పెరుగుతున్నాయి.

ఈ ధరలు ప్రాంతాలను బట్టి తేడా ఉండవచ్చు. అలాగే ఆయా రాష్ట్రాల జీఎస్టీ, ఇతర ఛార్జీలను బట్టి ధరలలో మార్పులు ఉండవచ్చని గమనించండి.