Bank Holidays: డిసెంబర్‌లో 12 రోజులు బ్యాంకులు బంద్.. పూర్తి వివరాలు మీకోసం..!

December 2021 Bank Holidays: వచ్చే నెలలో బ్యాంకులకు ఏకంగా 12 రోజులు సెలవులు ఉన్నాయి. దీంతో వాటికి అనుగుణంగా మీ పనులు ప్లాన్ చేసుకోవడం మంచింది.

Bank Holidays In December 2021

Updated on: Nov 27, 2021 | 7:28 AM

December 2021 Bank Holidays: కొన్ని రోజుల తర్వాత, సంవత్సరంలో చివరి నెల డిసెంబర్‌ ప్రారంభం కానుంది. సంవత్సరం ముగిసేలోపు, మీరు మీ అన్ని ముఖ్యమైన పనులను పూర్తి చేయడం చాలా ముఖ్యం. ఇలాంటి పరిస్థితుల్లో బ్యాంకు పనుల కోసం అక్కడికి వెళ్లాలనే ఆలోచనలో ఉన్నారా అయితే, దానికంటే ముందు డిసెంబర్‌లో బ్యాంకులు ఎన్ని రోజులు పని చేయనున్నాయో తెలుసుకోవడం చాలా ముఖ్యం.

డిసెంబర్ 3న, సెయింట్ ఫ్రాన్సిస్ జేవియర్ పండుగ సందర్భంగా, పనాజీ ఒడ్డున బ్యాంకులు పూర్తిగా మూసివేయనున్నారు. డిసెంబరు 18న, యు సో సో థామ్ వర్ధంతి సందర్భంగా షిల్లాంగ్ బ్యాంకులు పనిచేయవు. క్రిస్మస్ పండుగ కోసం ఐజ్వాల్, షిల్లాంగ్‌లోని బ్యాంకులు డిసెంబర్ 24న మూసివేయనున్నారు.

కాగా, డిసెంబర్ 25న క్రిస్మస్ సందర్భంగా బెంగళూరు, భువనేశ్వర్ మినహా మిగిలిన అన్ని ప్రాంతాల్లో బ్యాంకులు మూతపడనున్నాయి. అయితే డిసెంబర్ 25 అంటే నాలుగో శనివారం వచ్చింది. 26 ఆదివారం కూడా రావడంతో వరుసగా రెండు రోజులు బ్యాంకులు పనిచేయవు. మరోవైపు, క్రిస్మస్ వేడుకల కారణంగా డిసెంబర్ 27న షిల్లాంగ్‌లో ఐజ్వాల్‌, డిసెంబర్ 30న యు కియాంగ్ నోంగ్‌బాకు బ్యాంకులు మూతపడనున్నాయి. ఇది కాకుండా, డిసెంబర్ 31 (నూతన సంవత్సరం సాయంత్రం) సందర్భంగా, ఐజ్వాల్‌లోని బ్యాంకులకు సెలవు.

ఈ పండుగలతో పాటు రెండో, నాలుగో శనివారం కూడా బ్యాంకులకు సెలవు ఉంటుంది. అలాగే, ఆదివారం కూడా బ్యాంకుల పని పనిచేయవు. వాస్తవానికి, డిసెంబర్ 11 (నెలలో రెండవ శనివారం), డిసెంబర్ 25 నెలలో నాల్గవ శనివారం బ్యాంకులు పనిచేయవు. అలాగే డిసెంబర్ 5, డిసెంబర్ 12, డిసెంబర్ 19, డిసెంబర్ 26 తేదీలు ఆదివారం కావడంతో బ్యాంకులకు సెలవు ఉంటుంది. దేశవ్యాప్తంగా బ్యాంకులు ఏకకాలంలో మూసివేయరని గమనించాలి. ఎందుకంటే కొన్ని సెలవులు స్థానికంగా ఉంటాయి.

డిసెంబర్‌ 2021లో బ్యాంకుల సెలవులు:

డిసెంబర్ 3 – సెయింట్ ఫ్రాన్సిస్ జేవియర్ ఫెస్టివల్ (పనాజీలో బ్యాంకులకు సెలవు)

డిసెంబర్ 5 – ఆదివారం

డిసెంబర్ 11 – రెండో శనివారం

డిసెంబర్ 12 – ఆదివారం

డిసెంబర్ 18 – యు సో సో థామ్ వర్ధంతి (షిల్లాంగ్‌లో బ్యాంకులకు సెలవు)

డిసెంబర్ 19 – ఆదివారం

డిసెంబర్ 26 – ఆదివారం

డిసెంబర్ 24 – క్రిస్మస్ పండుగ (ఐజ్వాల్‌లో బ్యాంకులు పనిచేయవు)

డిసెంబర్ 25 – నాల్గవ శనివారం, క్రిస్మస్ (బెంగళూరు, భువనేశ్వర్ మినహా అన్ని ప్రదేశాలలో బ్యాంకులకు సెలవు)

డిసెంబర్ 27 – క్రిస్మస్ వేడుకలు (ఐజ్వాల్‌లో బ్యాంకులకు సెలవు)

డిసెంబర్ 30 – యు కియాంగ్ నోంగ్‌బా (షిల్లాంగ్‌లో బ్యాంకులకు సెలవు)