Aadhaar Scam: వెలుగులోకి మరో కొత్త స్కామ్… ఆధార్ నెంబర్‌తోనే బ్యాంకు ఖాతా ఖాళీ..
ముఖ్యంగా ఆధార్ ద్వారా అందుబాటులోకి వచ్చిన ఏఈపీఎస్‌లోని లొసుగును ఆసరాగా చేసుకుని స్కామర్లు మీ బ్యాంక్ ఖాతా సున్నాకి చేరుస్తున్నారు. ఈ స్కామ్‌లో ఓటీపీ ప్రామాణీకరణకు ఎటువంటి ఆస్కారం లేదు. స్కామర్ మీ వేలిముద్ర డేటాకు ప్రాప్యత పొందడం ద్వారా మీ ఆధార్ నంబర్, మీకు ఖాతా ఉన్న బ్యాంక్ పేరు తెలుసుకోవడం ద్వారా మీ బ్యాంక్ ఖాతా నుండి డబ్బును దొంగిలించవచ్చు. ఏఈపీఎస్‌ ద్వారా సొమ్మును మీ ఖాతా నుంచి డెబిట్ చేసినప్పుడు మీకు ఎస్‌ఎంఎస్‌ నోటిఫికేషన్ కూడా అందదు.
Srinu | Edited By: Ram Naramaneni
Updated on: Oct 18, 2023 | 7:57 PM
ప్రస్తుత రోజుల్లో ఆన్‌లైన్‌ మోసాలు విపరీతంగా పెరిగాయి. గతంలో బందిపోట్లు మన సొమ్మును దోచుకున్నట్లు గానే పెరగిన టెక్నాలజీను ఉపయోగించి బ్యాంకుల్లో ఉంచుకున్న మన సొమ్మును స్కామర్లు తస్కరిస్తన్నారు. ముఖ్యంగా ఆధార్ ద్వారా అందుబాటులోకి వచ్చిన ఏఈపీఎస్‌లోని లొసుగును ఆసరాగా చేసుకుని స్కామర్లు మీ బ్యాంక్ ఖాతా సున్నాకి చేరుస్తున్నారు. ఈ స్కామ్‌లో ఓటీపీ ప్రామాణీకరణకు ఎటువంటి ఆస్కారం లేదు. స్కామర్ మీ వేలిముద్ర డేటాకు ప్రాప్యత పొందడం ద్వారా మీ ఆధార్ నంబర్, మీకు ఖాతా ఉన్న బ్యాంక్ పేరు తెలుసుకోవడం ద్వారా మీ బ్యాంక్ ఖాతా నుండి డబ్బును దొంగిలించవచ్చు. ఏఈపీఎస్‌ ద్వారా సొమ్మును మీ ఖాతా నుంచి డెబిట్ చేసినప్పుడు మీకు ఎస్‌ఎంఎస్‌ నోటిఫికేషన్ కూడా అందదు. ముఖ్యంగా స్కామర్లు మన ఆధార్ నెంబర్‌ తస్కరించి ఈ మోసాలను చేస్తున్నారు.
సైబర్ కేఫ్‌లు, జిరాక్స్‌ దుకాణాలు, హోటళ్లు మొదలైనవి ఆధార్ నంబర్‌లు దొంగిలించబడే ప్రధాన ప్రదేశాలుగా ఉంటాయి. బ్యాంకు పేరును తెలుసుకోవడానికి స్కామర్లు సాధారణంగా బాధితులను ఫోన్ చేసి ఏదోరకంగా తెలుసుకుంటారు. ఇప్పుడు ఏఈపీఎస్‌ ద్వారా సొమ్మును తస్కరించడానికి స్కామర్లు సృజనాత్మకంగా తయారయ్యారు. ముఖ్యంగా ల్యాండ్ రిజిస్ట్రీ కార్యాలయాలు లేదా సేవలను ప్రామాణీకరించడానికి వేలిముద్రలు ఉపయోగించే ఇతర వనరుల నుంచి వేలిముద్ర డేటాను పొందేందుకు ప్రయత్నిస్తారు. ఈ వేలిముద్ర డేటా కృత్రిమ సిలికాన్ బ్రొటనవేళ్లపై ముద్రిస్తారు. దీని ద్వారా ఏఈపీఎస్‌ను ఉపయోగించి డబ్బును తస్కరిస్తారు.
ఆధార్ లాక్‌తో సొమ్ము భద్రం
ఈ స్కామ్ నుంచి సురక్షితంగా ఉండటానికి ఆధార్ కార్డ్ హోల్డర్లు తప్పనిసరిగా తమ బయోమెట్రిక్ డేటాను ఎం ఆధార్ యాప్ లేదా యూఐడీఏఐ వెబ్‌సైట్‌ని ఉపయోగించి లాక్ చేసుకోవచ్చు. ఏఈపీఎస్‌ డిఫాల్ట్‌గా అన్ని ఆధార్ కార్డ్ హోల్డర్‌ల కోసం ప్రారంభించారు. బయోమెట్రిక్ డేటా కూడా డిఫాల్ట్‌గా అన్లాక్ అవుతుంది. వినియోగదారులు సురక్షితంగా ఉండటానికి గమనించి ఆ డేటాను నిలిపివేయడం చాలా ముఖ్యం. ముఖ్యంగా ఏఈపీఎస్‌ను నిలిపివేయడానికి, మీ ఆధార్ కార్డ్ యొక్క బయోమెట్రిక్ డేటాను లాక్ చేయడానికి మీ స్మార్ట్‌ఫోన్‌లో ఎం ఆధార్ డౌన్‌లోడ్ చేసుకోవాలి. సైన్ అప్ చేయడానికి మీ ఆధార్-లింక్‌ చేసిన మొబైల్ నంబర్‌ను ఉపయోగించాలి. అనంతరం మీ ఆధార్ వివరాలను ధ్రువీకరించాలి. అనంతరం బయోమెట్రిక్‌ను లాక్ చేయవచ్చు. మీకు అవసరమైనప్పుడు యాప్‌ని ఉపయోగించి బయోమెట్రిక్‌లను అన్లాక్ చేయవచ్చు. వినియోగదారులు తమ ఆధార్ నంబర్, ఓటీపీను ఉపయోగించి ఆన్‌లైన్‌లో సేవలకు సైన్ అప్ చేయకుండా నిరోధిస్తుంది. కాబట్టి ఎం ఆధార్ యాప్‌ను ఎలా ఉపయోగించాలో? ఓ సారి తెలుసుకుందాం.
ఆధార్ లాక్, అన్లాక్ ఇలా
- ఎం ఆధార్ యాప్‌ని తెరిచి, యూజర్ ఐడీ, పాస్‌వర్డ్ ఉపయోగించి లాగిన్ అవ్వాలి.
- అనంతరం ప్రొఫైల్‌పై క్లిక్ చేయండి
- ముఖ్యంగా కుడి ఎగువ మూలలో ఉంచిన మెనూ ఎంపికను సెలెక్ట్‌ చేసుకోవాలి.
- అనంతరం ‘బయోమెట్రిక్ సెట్టింగ్‌లు’పై క్లిక్ చేయండి
- ‘ఎనేబుల్ బయోమెట్రిక్ లాక్’ ఎంపికపై టిక్ ఉంచండి
- అనంతరం ‘సరే’పై నొక్కాలి. ఆధార్‌లో నమోదు చేసిన మొబైల్ నంబర్‌కు ఓటీపీ వస్తుంది.
- ఓటీపీను నమోదు చేసిన వెంటనే బయోమెట్రిక్ వివరాలు వెంటనే లాక్ అవుతాయి.
ఆధార్ అన్లాక్ ఇలా
- ఎం ఆధార్ యాప్‌ని తెరిచి మెనూను క్లిక్ చేయాలి.
- డ్రాప్-డౌన్ నుంచి ‘బయోమెట్రిక్ సెట్టింగ్‌లు’పై క్లిక్ చేయాలి.
- మెసేజ్ రీడింగ్ “మీ బయోమెట్రిక్స్ తాత్కాలికంగా అన్లాక్ అవుతుంది. మీ ఫోన్ స్క్రీన్‌లపై ఫ్లాష్ అవుతుంది.
- అనంతరం ‘అవును’పై నొక్కాలి. మీ బయోమెట్రిక్ వివరాలు 10 నిమిషాల పాటు అన్లాక్ అవుతాయి.
మరిన్ని జాతీయ వార్తల కోసం
