Child Aadhaar: ఆధారే ఆధారం.. పిల్లలకు ఆధార్ నమోదు చేయాలంటే ఆ పత్రం తప్పనిసరి..
ముఖ్యంగా బ్యాంకు రుణాల కోసం దరఖాస్తు చేయడం, కొత్త ఉద్యోగంలో చేరడం, కొత్త మొబైల్ నంబర్‌ను పొందడం నుండి ప్రావిడెంట్ ఫండ్‌ను పొందడం వరకు అన్నింటికీ ఆధార్ కావాల్సిందే. అయితే యూఐడీఏఐ జారీ చేసిన ఏకైక ఆధార్ గుర్తింపు సంఖ్యను కలిగి ఉండేందుకు కనీస వయోపరిమితి ఎంత అనేది చాలా మందికి కూడా పిల్లలకు కూడా ఆధార్ కార్డు ఉండవచ్చా? ఈ నేపథ్యంలో అప్పుడే పుట్టిన పిల్లలకు ఆధార్ కావాలంటే ఏం చేయాలి? స్కూల్లో జాయిన్‌ చేయాలన్నా ఆధార్ అడుగుతున్న ఈ రోజుల్లో చిన్నపిల్లలకు ఆధార్ నమోదు చేయాలంటే ఏయే పత్రాలు అవసరమో ఓ సారి తెలుసుకుందాం.
Srinu |
Updated on: Sep 07, 2023 | 4:15 PM
భారతదేశంలో ప్రతి అవసరానికి ఆధార్ తప్పనిసరిగా మారింది. ప్రభుత్వ పథకాల మంజూరు దగ్గర నుంచి ఇన్‌కమ్‌ ట్యాక్స్‌ ఫైలింగ్‌ వరకూ ప్రతి అవసరానికి ఆధార్ తప్పనిసరి అవుతుంది. ముఖ్యంగా బ్యాంకింగ్‌ రంగంలో ఆధార్ వచ్చాక కైవైసీ చేయడం చాలా సులభంగా మారింది. ఈ నేపథ్యంలో భారతదేశంలోని ప్రతి పౌరుడికి ఆధార్ కావాల్సిన పరిస్థితి నెలకొంది. ముఖ్యంగా బ్యాంకు రుణాల కోసం దరఖాస్తు చేయడం, కొత్త ఉద్యోగంలో చేరడం, కొత్త మొబైల్ నంబర్‌ను పొందడం నుండి ప్రావిడెంట్ ఫండ్‌ను పొందడం వరకు అన్నింటికీ ఆధార్ కావాల్సిందే. అయితే యూఐడీఏఐ జారీ చేసిన ఏకైక ఆధార్ గుర్తింపు సంఖ్యను కలిగి ఉండేందుకు కనీస వయోపరిమితి ఎంత అనేది చాలా మందికి కూడా పిల్లలకు కూడా ఆధార్ కార్డు ఉండవచ్చా? ఈ నేపథ్యంలో అప్పుడే పుట్టిన పిల్లలకు ఆధార్ కావాలంటే ఏం చేయాలి? స్కూల్లో జాయిన్‌ చేయాలన్నా ఆధార్ అడుగుతున్న ఈ రోజుల్లో చిన్నపిల్లలకు ఆధార్ నమోదు చేయాలంటే ఏయే పత్రాలు అవసరమో ఓ సారి తెలుసుకుందాం.
ఆధార్ ముఖ్యంగా పిల్లలు పాఠశాలలో అడ్మిషన్‌ను సులభతరం చేస్తుంది. అలాగే పిల్లల కోసం ఏదైనా ప్రభుత్వ పథకాన్ని పొందేందుకు కూడా ఆధార్‌ను కలిగి ఉండటం చాలా అవసరం. కాబట్టి యూఐడీఏఐ ప్రకారం ఆధార్ కార్డును పొందేందుకు కనీస వయోపరిమితి లేదు. అంటే అప్పుడే పుట్టిన బిడ్డకు కూడా ఆధార్ కార్డు కోసం దరఖాస్తు చేసుకోవచ్చు. ఐ సంవత్సరాల కంటే తక్కువ వయస్సు ఉన్న పిల్లలకు ఆధార్ కార్డు చేయడానికి ఎటువంటి రుసుము వసూలు చేయరు. ఐదు సంవత్సరాల కంటే తక్కువ వయస్సు ఉన్న పిల్లల కోసం ఒక ఆధార్‌ను పొందేందుకు మీరు సమీపంలోని ఆధార్ కేంద్రంలో ఉచిత ఆధార్ కోసం నమోదు చేసుకోవచ్చు. మీరు దాని నమోదు కోసం ఆన్‌లైన్‌లో కూడా సైన్ అప్ చేయవచ్చు. చిన్న పిల్లల వేలిముద్రలు, రెటీనా స్కాన్ చేయరు. అయితే పిల్లల జనన ధ్రువీకరణ పత్రం ఆధార్ నమోదుకు చాలా అవసరం. మీ వద్ద పిల్లల జనన ధ్రువీకరణ పత్రం కూడా లేకుంటే ఆసుపత్రి డిశ్చార్జ్ సర్టిఫికేట్ లేదా పాఠశాల ఐడీ కార్డ్ సరిపోతుంది. అదనంగా తల్లి లేదా తండ్రి తప్పనిసరిగా ఆధార్ కార్డుఉ, ఓటర్ ఐడీకార్డ్, డ్రైవింగ్ లైసెన్స్ లేదా పాస్‌పోర్ట్ వంటి చెల్లుబాటు అయ్యే ఐడీ పత్రాన్ని కలిగి ఉండాలి.
మీరు మీ పిల్లల ఆధార్ కార్డును ఐదు సంవత్సరాల కంటే ముందే తీసుకుంటే ఆ బిడ్డ ఐదు సంవత్సరాల కంటే తక్కువ వయస్సు ఉన్నంత వరకు మాత్రమే కార్డు చెల్లుబాటు అవుతుందని గుర్తుంచుకోవాలి. అయితే వాళ్లు ఐదేళ్లు పూర్తి చేసిన తర్వాత దానిని నవీకరించాల్సి ఉంటుంది. వారి వేలిముద్రలు, కళ్ల రెటీనా స్కాన్ సాధారణ ప్రక్రియను అనుసరించి నామమాత్రపు రుసుము వసూలు చేస్తారు. పిల్లల తల్లిదండ్రులు తమ పిల్లల ఆధార్‌కు వారి మొబైల్ నంబర్‌లను లింక్ చేయవచ్చు. వారి పిల్లల యాప్‌ను వారి స్మార్ట్‌ఫోన్‌లో తీసుకెళ్లడానికి ఎం ఆధార్ యాప్‌ని ఉపయోగించవచ్చు.
మరిన్ని జాతీయ వార్తల కోసం ఇక్కడ క్లిక్ చేయండి..
