Anand Mahindra: అక్కడికి వెళ్తే ఆ పిజ్జా రెస్టారెంట్‌లోనే భోజనం చేస్తా.. ఆనంద్ మహీంద్రా ట్వీట్..

పారిశ్రామికవేత్త ఆనంద్ మహీంద్రా(Annand Mahindra) ఒక స్ఫూర్తిదాయకమైన ట్వీట్ చేశారు. పంజాబ్‌ అమృత్‌సర్‌లోని పిజ్జా రెస్టారెంట్‌(pizza restaurant) గురించి ఆయన ట్వీట్ చేశారు. 17, 11 సంవత్సరాల వయస్సు ఉన్న ఇద్దరు సోదరుల ఉన్నారు. వీరి తండ్రి డిసెంబరు 2021లో చనిపోయారు. అప్పటి నుండి ఈ సోదరులిద్దరూ స్వయంగా పిజ్జా రెస్టారెంట్‌ను నడుపుతున్నారు. వీరిలో ఒకరి పేరు జష్దీప్, మరొకరి పేరు అన్ష్దీప్. ఈ ఇద్దరు సోదరులు తమ రెస్టారెంట్‌కి చేరుకోవడానికి రోజూ 25 కి.మీ. ప్రయాణించేవారు. ఈ రెస్టారెంట్‌ను వారు అద్దె భవనంలో నిర్వహిస్తు్న్నారు.

ఈ ఇద్దరు పిల్లల ధైర్యం, ఉత్సాహం గురించి మహీంద్రా ట్వీట్ చేశారు.”నేను ఎక్కడ చూసినా అత్యంత ధైర్యవంతులైన పిల్లల్లో ఈ పిల్లలు కూడా ఉన్నారు. త్వరలో ఆ రెస్టారెంట్‌కి వెళ్లేందుకు జనాలు బారులు తీరతారని ఆశిస్తున్నట్లు ఆ ట్వీట్‌లో మహీంద్రా తెలిపారు. మహీంద్రా అమృత్‌సర్‌తో తనకున్న అనుబంధం గురించి, ఆహార ఎంపికల గురించి కూడా ట్వీట్ చేశారు. మహీంద్రా గ్రూప్ సీఈఓ మాట్లాడుతూ తాను అమృత్‌సర్‌ని ప్రేమిస్తున్నానని, సాధారణంగా నగరంలో ప్రపంచంలోనే అత్యుత్తమ జిలేబీ కోసం ఎదురు చూస్తున్నానని చెప్పారు. ఈ నగరాన్ని సందర్శించినప్పుడల్లా ఈ స్థలాన్ని తన భోజన స్థలాలకు చేర్చుకుంటానని చెప్పాడు.

మహీంద్రా ట్వీట్, యూట్యూబ్ వీడియో రెండూ సోషల్ మీడియాలో వినియోగదారుల హృదయాలను గెలుచుకున్నాయి. సోషల్ మీడియాలో చాలా మంది ఈ సోదరులను స్ఫూర్తిగా అభివర్ణించారు. వారు త్వరలో విజయం సాధించాలని కోరుకున్నారు. మహీంద్రా ఎలక్ట్రిక్ వెహికల్ ఛార్జింగ్ స్టేషన్‌లో ఉద్యోగం ఇవ్వడం ద్వారా ఢిల్లీలోని వికలాంగ వ్యక్తికి సహాయం చేస్తానని ఆనంద్ మహీంద్రా ఇటీవలే తన వాగ్దానాన్ని నెరవేర్చారు. అతని పేరు బిర్జు రామ్. గత ఏడాది డిసెంబర్‌లో మహీంద్రా గ్రూప్ ఛైర్మన్‌గా ఉన్న బిర్జు రామ్ జుగాడ్‌తో తయారు చేసిన వాహనం వీడియో ఆన్‌లైన్‌లో వైరల్ కావడంతో అతని దృష్టికి వచ్చింది.

These kids are amongst the pluckiest I’ve seen anywhere. May they soon have lines of people waiting to get in to the restaurant. I love Amritsar & usually look forward to the world’s best Jalebis in the city, but I’m going to add this place to my food binge when I’m next in town. pic.twitter.com/J4i3IPW3IO

— anand mahindra (@anandmahindra) February 5, 2022

Read Also.. White Label ATM: వైట్ లేబుల్ ఏటీఎం అంటే ఏంటో తెలుసా.. వాటి ద్వారా డ్రా చేసుకోవచ్చా..