Success Story: ఆత్మవిశ్వాసంతో ముందుకు సాగాలనుకునే యువతకు వంశీ జీవితం నిజమైన స్ఫూర్తి!

తూర్పు గోదావరి జిల్లాలోని మారుమూల గ్రామం సామాన్య కుటుంబంలో జన్మించిన వంశీ అందుకూరి జీవితం, కష్టాలను ఎదుర్కొంటూ కలల్ని సాకారం చేసుకున్న ఓ స్ఫూర్తిదాయక ప్రయాణం. ఆర్థిక సమస్యలు ఎదురైనా, విశాఖపట్నం, హైదరాబాద్‌లో విద్యను పూర్తిచేసిన వంశీ, మొబైల్ యాప్ టెస్టింగ్‌తో కెరీర్‌ను ప్రారంభించాడు. తరువాత వెబ్, మొబైల్ డెవలప్‌మెంట్‌లో నైపుణ్యం పెంచుకుని, తన కలలను నిజం చేసుకోవాలని నిర్ణయించుకుని వ్యాపార రంగంలోకి అడుగుపెట్టాడు. ఈ రోజు సాంకేతికత, మీడియా, ఆటోమోటివ్ రంగాల్లో అంతర్జాతీయ గుర్తింపు పొందిన వంశీ, యువతకు ప్రేరణగా నిలుస్తున్నాడు.

టెక్ వరల్డ్‌లో ట్రెండ్‌సెట్టర్ వన్‌సీ టెక్నాలజీస్:

2018లో తన స్వంత సాఫ్ట్‌వేర్ కంపెనీని ప్రారంభించిన వంశీ, తన విజన్‌ను మరింత విస్తృతం చేస్తూ 2021లో దాన్ని వన్‌సీ టెక్నాలజీస్‌గా మళ్ళీ బ్రాండింగ్ చేశాడు. తక్కువ సమయంలోనే ఈ సంస్థ అంతర్జాతీయ స్థాయికి ఎదిగి, ప్రస్తుతం దుబాయ్, మలేషియా, థాయ్‌లాండ్, కంబోడియా, యూరప్, కెనడా, అమెరికా తదితర దేశాల్లో సేవలు అందిస్తూ.. 48కు పైగా ప్రముఖ సంస్థలకు సర్వర్ సర్వీసులు ఇస్తోంది. టెక్ రంగంలో భారత యువత ప్రతిభను ప్రపంచానికి చాటిచెప్పిన వంశీ, యువ టెక్ లీడర్‌గా గుర్తింపు పొందాడు.

బ్రాండ్‌లకు గ్లోబల్ గ్లామర్ వన్‌సీ మీడియా:

వంశీకి బ్రాండ్‌లను జనాలకు చేరువ చేయడంలో ఉన్న టాలెంట్ గురించి తెలిసే వన్‌సీ మీడియాని స్టార్ట్ చేశాడు. ఈ కంపెనీ ప్రపంచవ్యాప్తంగా జరిపిన ఈవెంట్స్‌తో అందరి చూపును తనవైపు తిప్పుకుంది:

. జైపూర్‌లో గ్రాండ్ అవార్డ్స్ నైట్

. న్యూయార్క్‌లో స్టైలిష్ ఫ్యాషన్ షో

. దుబాయ్‌లో లగ్జరీ యాచ్ నెట్‌వర్కింగ్ ఈవెంట్

ఈ ఈవెంట్స్ ద్వారా వన్‌సీ మీడియా, బ్రాండ్‌లను ఆకర్షణీయంగా చూపడంలో, జనాలతో కనెక్ట్ అవడంలో కొత్త ఒరవడిని సెట్ చేసింది. వంశీ ఈ రంగంలో తన క్రియేటివిటీని అద్భుతంగా చూపించాడు.

కార్లకు స్టైల్ రివల్యూషన్ ఏక్సిల్ ఏస్తటిక్స్:

చిన్ననాటి నుంచే స్పీడ్ కార్లపై ఆసక్తితో ఉన్న వంశీ, తన ప్యాషన్‌ని వ్యాపారంగా మలిచే దిశగా అడుగులు వేశాడు. హైదరాబాదులో ప్రారంభించిన “ఏక్సిల్ ఎస్తెటిక్స్” కంపెనీ, కారు మోడిఫికేషన్ రంగంలో ప్రత్యేక స్థానం సంపాదించుకుంటోంది. ప్రస్తుతం భారతదేశంతో పాటు దుబాయ్, యూరప్, అమెరికా మార్కెట్లలో విస్తరించేందుకు వ్యూహాత్మక ప్రణాళికలు రూపొందిస్తోంది.

ఏక్సిల్ ఎస్తెటిక్స్ ప్రత్యేకతలలో అడ్వాన్స్‌డ్ సస్పెన్షన్ సిస్టమ్స్, షాక్‌ప్రూఫ్ బంపర్స్, లగ్జరీ ఇంటీరియర్స్, ఆల్-టెరైన్ వెహికల్ మేకోవర్స్ వంటి హైఎండ్ కస్టమైజేషన్లు ఉన్నాయి. వంశీ తన ఇంజినీరింగ్ నైపుణ్యాన్ని స్టైలిష్ డిజైన్‌తో మిళితం చేసి, కార్ మోడిఫికేషన్ రంగంలో కొత్త ట్రెండ్‌కి ఆవిష్కర్తగా నిలిచాడు. ప్యాషన్‌ను ప్రొఫెషన్‌గా మార్చిన వంశీ, యూత్‌కి ప్రేరణగా మారుతున్నాడు.

మహిళలకు అండగా “యూనిటీ డ్రైవ్” మిషన్:

వ్యాపార విజయాల్లో ముందున్న వంశీ సమాజానికి సేవ చేయాలన్న ఆలోచనతో “యూనిటీ డ్రైవ్” అనే రోడ్‌షోను ప్రారంభించాడు. ఏక్సిల్ ఎస్తెటిక్స్, వన్‌సీ మీడియా సంస్థలతో కలిసి నిర్వహిస్తున్న ఈ కార్యక్రమం, మహిళలను శక్తివంతంగా తీర్చిదిద్దే దిశగా కృషి చేస్తోంది. మహిళల్లోని ప్రతిభను గుర్తించి, వారిని ప్రోత్సహించడం ద్వారా వారి సత్తాను ప్రపంచానికి చాటి చెబుతుందనే లక్ష్యంతో ఇది ముందుకెళ్తోంది. చదువు, మెంటార్షిప్‌, ఆర్థిక స్వాతంత్ర్యానికి అవసరమైన అవకాశాలు కల్పించడంలో కూడా ఇది విశేషంగా దృష్టి సారిస్తోంది.

వర్క్‌షాపులు, అవగాహన కార్యక్రమాల ద్వారా మహిళల్లో ఆత్మవిశ్వాసం పెంచే దిశగా యూనిటీ డ్రైవ్ కొనసాగుతోంది. ఈ ఆవిష్కరణాత్మక సామాజిక ప్రయత్నం ద్వారా వంశీ కేవలం వ్యాపార విజేతగానే కాకుండా, సమాజాన్ని దిశానిర్దేశం చేసే నాయకుడిగా కూడా నిలుస్తున్నాడు. ఈ ప్రయాణం ఇప్పుడు యువతకు మాత్రమే కాదు, సామాజిక మార్పు కోరుకునే ప్రతి ఒక్కరికీ స్ఫూర్తిగా మారుతోంది.

యువతకు స్ఫూర్తిగా వంశీ విజయం:

ఒక చిన్న గ్రామం నుంచి ప్రపంచ స్థాయికి ఎదిగిన వంశీ అందుకూరి జర్నీ, యువతకు స్ఫూర్తిగా నిలుస్తోంది. వన్‌సీ టెక్నాలజీస్‌ ద్వారా టెక్ రంగంలో వినూత్న ఆవిష్కరణలు, వన్‌సీ మీడియా ద్వారా బ్రాండింగ్‌లో నూతన దిశ, ఏక్సిల్ ఎస్తెటిక్స్‌తో కార్ల డిజైన్‌లో స్టైల్‌కు కొత్త రూపు ఇచ్చాడు. ఇదే కాదు, “యూనిటీ డ్రైవ్” పేరుతో సామాజిక బాధ్యతను తన చర్యల ద్వారా చూపిస్తూ, యువత ముందు ఆదర్శంగా నిలుస్తున్నాడు. ఒక సాధారణ గ్రామీణ యువకుడు, ఎన్నో కష్టాలను దాటుకుని, తన కలలను నిజం చేసుకుంటూ, యూత్‌కి ఒక ఐకాన్‌గా నిలిచాడు. కలలు కనడం ఒక్కటే కాదు… వాటిని నెరవేర్చాలన్న పట్టుదల ఉంటే, ఎన్ని కష్టాలు వచ్చినా వెనకడుగు వేయాల్సిన పనిలేదు. వంశీ కథ ఇదే చెబుతోంది “మనసులో కల ఉండాలి, మనస్ఫూర్తిగా కృషి చేయాలి.. అప్పుడు ఆకాశమే హద్దవుతుంది!”.

మరిన్ని బిజినెస్ వార్తల కోసం ఇక్కడ క్లిక్ చేయండి..