EV Scooter: లక్ష రూపాయాల్లో లక్షణమైన స్కూటర్ విడుదల.. ఫీచర్స్ తెలిస్తే ఎగిరిగంతేస్తారంతే..!

భారతదేశంలో ఇటీవల కాలంలో ఎలక్ట్రిక్ వాహనాల వినియోగం బాగా పెరిగింది. ముఖ్యంగా ఈ స్కూటర్ల అమ్మకాలు తారాస్థాయికు చేరాయి. దీంతో చాలా కంపెనీలు మధ్యతరగతి ప్రజలకు అందుబాటులో ఉండే సరికొత్త ఫీచర్స్‌తో ఈవీ స్కూటర్స్‌ను లాంచ్ చేస్తున్నారు. ఈ నేపథ్యంలో ఇటీవల నిర్వహించిన ఆటో ఎక్స్‌పో-2025లో ప్రముఖ కంపెనీ ఫెర్రాటో డీఫై-22 పేరుతో సూపర్ ఈవీ స్కూటర్‌ను లాంచ్ చేసింది. ఈ నేపథ్యంలో ఈ స్కూటర్ గురించి మరిన్ని వివరాలను తెలుసుకుందాం.

Ferrato Defi 22

Nikhil |
Updated on: Jan 26, 2025 | 6:30 PM

ఓపీజీ మొబిలిటీ గతంలో ఒకాయ ఈవీగా ఉండే ఈ కంపెనీ ఇటీవల భారత్ మొబిలిటీ గ్లోబల్ ఎక్స్‌పో-2025 లో ఫెర్రాటో డిఫై-22 ఎలక్ట్రిక్ స్కూటర్ను ప్రారంభించి ఆ కంపెనీ లైనప్‌ను విస్తరించింది . ఈ మోడల్ ప్రారంభ ధర రూ. 99,999(ఎక్స్-షోరూమ్). అయితే నామమాత్రపు బుకింగ్ మొత్తం రూ. 499తో జనవరి 17, 2025 నుంచి ప్రీ- బుకింగ్లు ఇప్పటికే ప్రారంభమయ్యాయి. ఈ స్కూటర్ డిజైన్ గురించి చెప్పాలంటే ఈ స్కూటర్ సైడ్ ప్యానెల్‌పై కంపెనీ బ్యాడ్జింగ్‌తో ఎక్స్‌టెండెడ్ ఫ్రంట్ ఆప్రాన్ ఆకర్షిస్తుంది. అలాగే ఎల్ఈడీ హెడ్ ల్యాంప్, డ్యూయల్-లెవల్ ఫ్లోర్ బోర్డ్, సైడ్ ప్యానెల్ పై లైన్స్, సింగిల్-పీస్ గ్రాబ్ రైల్, ఆకట్టుకునే టెయిల్ ల్యాంప్ వంటి ఫీచర్లు ఈ స్కూటర్ ప్రత్యేకతగా ఉన్నాయి.

ఫెర్రాటో డీఫై-22 1.2 కేడబ్ల్యూహెచ్ మోటారుతో వస్తుంది. ఈ స్కూటర్ గరిష్టంగా 70 గంటకు కిలోమీటర్ వేగంతో దూసుకుపోతుంది. జ్యూస్డ్ బ్యాటరీపై, మోడల్ ఐసీఏటీ- సర్టిఫైడ్ 80 కిలోమీటర్ల పరిధిని అందిస్తుంది. ఇక బ్యాటరీ ప్యాక్ విషయానికొస్తే ఈ స్కూటర్ 2.2 కేడబ్ల్యూహెచ్ ఎల్ఎఫ్‌పీ బ్యాటరీతో పని చేస్తుంది. ఫెర్రాటో డీఫై-22 స్కూటర్‌లో మూడు రైడింగ్ మోడ్‌లు అందుబాటులో ఉంటాయి. ఎకో, సిటీ, స్పోర్ట్స్ మోడ్స్‌లో ఈ స్కూటర్‌పై దూసుకుపోవచ్చు. ఈ స్కూటర్ 12 అంగుళాల అల్లాయ్ వీల్స్ప నడుస్తుంది. అలాగే 7 అంగుళాల టచ్ స్క్రీన్ డిస్ప్లే ఈ స్కూటర్ ప్రత్యేకత.

ఈ స్కూటర్‌లో స్మార్ట్ ఫోన్ కనెక్టివిటీ, నావిగేషన్, మ్యూజిక్ వంటి ఫీచర్లను ఆశ్వాదించవచ్చు. సస్పెన్షన్ డ్యూటీల విషయానికొస్తే ఈ స్కూటర్ టెలిస్కోపిక్ ఫ్రంట్ ఫోర్క్స్, వెనుక వైపున డ్యూయల్ షాక్ అబ్జార్బర్లు ఉన్నాయి. రెండు చక్రాలపై డిస్క్ బ్రేక్ల ద్వారా ఈ స్కూటర్ వేగాన్ని నియంత్రించవచ్చు. ఈ స్కూటర్ 25 లీటర్ అండర్ సీట్ స్టోరేజ్ కెపాసిటీని అందిస్తుంది. డీఫై-22 ఏడు డ్యూయల్-టోన్ కలర్ ఆప్షన్లలో అందుబాటులో ఉంది. షాంపైన్ క్రీమ్, బ్లాక్ ఫైర్, కోస్టల్ ఐవరీ, యూనిటీ వైట్, రెసిలెన్స్ బ్లాక్, డోవ్ గ్రే మరియు మ్యాట్ గ్రీన్ వంటి రంగుల్లో కొనుగోలుకు సిద్దంగా ఉంటుంది. అయితే బుకింగ్స్ ప్రారంభమైనా ఈ స్కూటర్ డెలివరీలు ఎప్పటి నుంచి ప్రారంభం అవుతాయో? కంపెనీ ప్రతినిధులు అధికారికంగా ప్రకటించలేదు.

ఇవి కూడా చదవండి