హైదరాబాద్ లో మరో ఘటన .. చెరువులోకి కొట్టుకుపోయిన నవీన్

బాలికను మింగిన నేరెడ్‌మెట్ నాల ఘటన మరువక ముందే హైదరాబాద్ లో మరో దారుణం జరిగింది. రాత్రి కురిసిన భారీ వర్షానికి సరూర్‌నగర్‌ చెరువులోకి ఒక వ్యక్తి కొట్టుకుపోయాడు. సదరు వ్యక్తి అల్మాస్‌గూడకు చెందిన నవీన్‌కుమార్‌(45)గా గుర్తించారు. నవీన్ ఎలక్ట్రీషియన్ గా పనిచేస్తున్నాడు. సరూర్‌నగర్ నుండి తపోవన్ కాలని వైపు నవీన్ వెళ్తుండగా ఈ దుర్ఘటన చోటుచేసుకుంది. తపోవన్ కాలనీ దగ్గర రోడ్డు పై నవీన్ బైక్ వరద నీటిలో మొరాయించింది. స్కూటీపై వెనక ఉన్న వ్యక్తి బైక్ దిగి నెడుతున్న సమయంలో ప్రమాదవశాత్తు నవీన్ నీటి ఉధృతికి పక్కనే ఉన్న సరూర్‌నగర్ చెరువుకి కొట్టుకుపోయాడు. పన్నెండు గంటలు దాటుతున్నా నవీన్ జాడ కనిపించడంలేదు. డీఆర్ఎఫ్, ఎన్డీఆరెఫ్ బృందాలు నవీన్ జాడ కనిపెట్టేందుకు సెర్చ్ ఆపరేషన్ కొనసాగిస్తున్నాయి.