బ్రేకింగ్: ‘బిగ్‌బాస్ 3’లోకి మరో హాట్ బ్యూటీ..!

పలు వివాదాల మధ్య గత వారం అట్టహాసంగా ప్రారంభమైంది ‘బిగ్‌బాస్ 3’. హౌస్‌లోకి వెళ్లిన 15మంది అప్పుడే తమ పర్ఫామెన్స్‌లను చూపిస్తున్నారు. ఇక మరో నాలుగు రోజుల్లో మొదటి ఎలిమినేషన్ కూడా ఉండబోతుంది. ఈ నేపథ్యంలో ఈ షోకు సంబంధించిన మరో బ్రేకింగ్ న్యూస్ చక్కర్లు కొడుతోంది. అదేంటంటే వైల్డ్‌కార్డ్ ఎంట్రీ. గత రెండు సీజన్లలో నవదీప్, పూజా రామచంద్రన్ వైల్డ్ కార్డు ఎంట్రీలు ఇవ్వగా.. ఈ సీజన్‌లో ఆ కార్డును మరో హాట్ బ్యూటీ కోసం ఫిక్స్ చేశారట.

Also Read: బిగ్‌బాస్ 3: అత్యంత పారితోషికం ఆ ముగ్గురికేనా..!

తన గ్లామరెస్ రోల్స్‌తో పలు సినిమాల్లో నటించిన మెప్పించిన శ్రద్ధా దాస్.. ఈ సీజన్‌లో వైల్డ్‌ కార్డ్ ద్వారా బిగ్‌బాస్‌లోకి రాబోతున్నట్లు సమాచారం. ఈ సీజన్‌లో ఇప్పటికే శ్రీముఖి, హిమజ, అషు రెడ్డిలు తమ గ్లామర్‌తో ఆకట్టుకుంటుండగా.. వారికి పోటీగా శ్రద్ధా కూడా రాబోతున్నట్లు తెలుస్తోంది. మరి ఇందులో నిజమెంతో తెలియాలంటే కొద్ది రోజులు ఆగాల్సిందే. కాగా ప్రస్తుతం బిగ్‌బాస్ షో రసవత్తరంగా కొనసాగుతోంది. మంగళవారం నాటి ఎపిసోడ్‌లో నటి హేమ, హిమజల మధ్య జరిగిన గొడవలో హిమజ ఏడ్చిన విషయం తెలిసిందే.