Sign In

By signing in or creating an account, you agree with Associated Broadcasting Company's Terms & Conditions and Privacy Policy.

Rashi Phalalu: ఆ రాశికి చెందిన ఐటీ ఉద్యోగులకు కొత్త ఆఫర్లు.. 12 రాశుల వారికి మంగళవారం రాశిఫలాలు..

భవిష్యత్తులో ఏం జరుగుతుందో తెలుసుకోవాలన్న ఆసక్తి ప్రతి ఒక్కరికీ ఉంటుంది. దీనికి ప్రపంచ వ్యాప్తంగా చాలా మంది విశ్వసించే విధానం జ్యోతిష్యం. జ్యోతిష్య శాస్త్రం మేరకు 12 రాశుల వారికి మంగళవారం (25.04.2023) రాశిఫలాలు ఎలా ఉన్నాయో తెలుసుకోండి..

Rashi Phalalu: ఆ రాశికి చెందిన ఐటీ ఉద్యోగులకు కొత్త ఆఫర్లు.. 12 రాశుల వారికి మంగళవారం రాశిఫలాలు..
Horoscope Today (25 April 2023)
Follow us
TV9 Telugu Digital Desk

| Edited By: Shaik Madar Saheb

Updated on: Apr 25, 2023 | 6:04 AM

మేషం (అశ్విని, భరణి, కృత్తిక 1): అదృష్టం పట్టే సూచనలు ఉన్నాయి. శుభ పరిణామాలు చోటు చేసుకుంటాయి. ఎంతో కాలంగా ఎదురుచూస్తున్న శుభవార్త వింటారు. మిత్రుల నుంచి ఆశించిన సహాయ సహకారాలు అందుతాయి. వృత్తి వ్యాపారాల్లో లాభాలు పెరుగుతాయి. ఉద్యోగంలో మీ ప్రతిభకు గుర్తింపు లభిస్తుంది. ఆరోగ్య సమస్య పరిష్కారం అవుతుంది. పలుకుబడి గల వారితో పరిచయాలు ఏర్పడతాయి. పిల్లలకు బాగుంటుంది.

వృషభం (కృత్తిక 2,3,4, రోహిణి, మృగశిర 1,2): బంధుమిత్రుల ఒత్తిడి కారణంగా కొద్దిగా ఇబ్బంది పడతారు. ఆర్థిక పరిస్థితి నిలకడగా ఉంటుంది. కానీ ఖర్చులు అదుపు తప్పుతాయి. ఉద్యోగ పరంగా కొత్త ఆఫర్లు వచ్చే అవకాశం ఉంది. ఒక ముఖ్యమైన ఉద్యోగ సమస్య పరిష్కారం అవుతుంది. కుటుంబ సభ్యులలో ఒకరి ఆరోగ్యం ఆందోళన కలిగిస్తుంది. వ్యక్తిగత ఆరోగ్యం బాగానే ఉంటుంది. ఇరుగుపొరుగుతో విభేదాలు తలెత్తే అవకాశం ఉంది. శుభవార్త వింటారు.

మిథునం (మృగశిర 3,4, ఆర్ద్ర, పునర్వసు 1,2,3): కుటుంబ పరంగా, ఉద్యోగ పరంగా బాగా ఒత్తిడికి గురవుతారు. ఆర్థిక పరిస్థితి ఆశాజనకంగానే ఉన్నప్పటికీ వ్యక్తిగత సమస్యలతో మనశ్శాంతి కరువు అవుతుంది. కొందరు సన్నిహితుల వల్ల ముఖ్యమైన పనులు సజావుగా పూర్తవుతాయి. కొత్త పరిచయాలు ఏర్పడతాయి. భాగస్వాములతో ఒక ముఖ్యమైన సమస్య పరిష్కారం అవుతుంది. ఐటీ వారికి ఆఫర్లు పెరుగుతాయి. ఉద్యోగ జీవితం సాఫీగా సాగిపోతుంది.

ఇవి కూడా చదవండి

కర్కాటకం (పునర్వసు 4, పుష్యమి, ఆశ్లేష): మీకు ఇవ్వాల్సిన డబ్బులు తీసుకొచ్చి ఇస్తారు. అవసరాలు తీరటమే కాకుండా, రుణ సమస్యను కూడా కొద్దిగా తగ్గించుకుంటారు. ఉద్యోగ పరిస్థితి చాలా వరకు అనుకూలంగా ఉంటుంది. కుటుంబంలో సామరస్య వాతావరణం నెలకొంటుంది. ఎవరికీ హామీలు ఉండవద్దు. ఆర్థిక సహాయం విషయంలో వాగ్దానాలు చేయవద్దు. మితిమీరిన ఔదార్యం మంచిది కాదు. అనుకోకుండా పెళ్లి సంబంధం కుదరవచ్చు.

సింహం (మఖ, పుబ్బ, ఉత్తర 1): వ్యాపారం మీద ఎక్కువగా శ్రద్ధ పెట్టే అవకాశం ఉంది. వ్యాపార సంబంధమైన లావాదేవీలతో క్షణం తీరిక ఉండదు. ఆదాయంలో పెరుగుదల కనిపిస్తోంది. వృత్తి ఉద్యోగాల్లో సంపాదన పెరగటానికి అవకాశం ఉంది. ఐటీ రంగానికి చెందిన నిపుణులకు మంచి ఆఫర్లు అంది వస్తాయి. నిరుద్యోగులకు ఉద్యోగం లభిస్తుంది. ఇతరులకు మేలు జరిగే పనులు చేస్తారు. ఆరోగ్యం నిలకడగా ఉంటుంది.

కన్య (ఉత్తర 2,3,4, హస్త, చిత్త 1,2): పాజిటివ్ గా వ్యవహరిస్తే అంతా మంచే జరుగుతుంది. మిమ్మల్ని తప్పుదోవ పట్టించి పబ్బం గడుపుకునే వారు ఉంటారు. ఎవరినైనా గుడ్డిగా నమ్మటం మంచిది కాదు. దగ్గర బంధువుల్లో ఒకరు ఆరోగ్యం ఆందోళన కలిగిస్తుంది. ఉద్యోగ జీవితం ప్రశాంతంగా, సానుకూలంగా గడిచిపోతుంది. ఆర్థిక పరిస్థితి ఆశాజనకంగా ఉంటుంది. ఆరోగ్యం చాలావరకు అనుకూలిస్తుంది. డబ్బు జాగ్రత్త.

తుల (చిత్త 3,4, స్వాతి, విశాఖ 1,2,3): ఉద్యోగంలో అధికారులతో సహనంతో వ్యవహరించాల్సి ఉంటుంది. సహచరుల నుంచి కూడా ఇబ్బందులు ఎదురవుతాయి. కుటుంబ వ్యవహారాలలో నిర్ణయాలు తీసుకోవాల్సి వస్తుంది. జీవిత భాగస్వామిని కూడా సంప్రదించడం మంచిది. బంధువులు కొందరు మీ మీద అపనిందలు వేసే అవకాశం ఉంది. ఆర్థిక పరిస్థితి కొద్దిగా ఒడిదుడుకులకు లోనవుతుంది. ఇంటా బయటా బాగా ఒత్తిడి ఉంటుంది.

వృశ్చికం (విశాఖ 4, అనూరాధ, జ్యేష్ఠ): నిరుద్యోగులకు మంచి కంపెనీ నుంచి ఆఫర్ వస్తుంది. వృత్తి ఉద్యోగాల్లో ఉన్నవారికి ఆశించిన స్థాయిలో అభివృద్ధి కనిపిస్తుంది. వ్యాపారంలో లాభాలు నిలకడగా ముందుకు సాగుతాయి. అదనపు ఆదాయానికి అవకాశం ఉంది. అనవసర ఖర్చులు తగ్గించుకోవడం మంచిది. మీ ఔదార్యాన్ని మిత్రులు అవకాశంగా తీసుకోవచ్చు. ఆరోగ్యం బాగానే ఉంటుంది. ప్రేమ వ్యవహారాల్లో ఒక అడుగు ముందుకు వేస్తారు.

ధనుస్సు (మూల, పూర్వాషాఢ, ఉత్తరాషాఢ 1): ఉద్యోగరీత్యా స్థాన చలనానికి అవకాశం ఉంది. ఉద్యోగంలో అదనపు బాధ్యతలు అప్పగించడం జరుగుతుంది. సహచరుల నుంచి సహాయ సహకారాలు లభిస్తాయి. మిత్రుల సహాయంతో ముఖ్యమైన పనులు పూర్తి చేస్తారు. దూర ప్రాంతంలో ఉన్న వారితో పెళ్లి సంబంధం కుదిరే అవకాశం ఉంది. వ్యాపారంలో ఆచితూచి అడుగు వేయడం మంచిది. ఓ ముఖ్యమైన నిర్ణయం వల్ల డబ్బు నష్టపోయే సూచనలు ఉన్నాయి.

మకరం (ఉత్తరాషాఢ 2,3,4, శ్రవణం, ధనిష్ఠ 1,2): బంధువుల ద్వారా ఒక మంచి పెళ్లి సంబంధం కుదురుతుంది. ఆర్థిక పరిస్థితి ఆశించిన స్థాయిలో మెరుగుపడుతుంది. ఇతరులకు మేలు జరిగే పనులు చేస్తారు. ఉద్యోగ వాతావరణం సానుకూలంగా ఉంటుంది. వృత్తి వ్యాపారాల్లో కొద్దిగా అవరోధాలు ఎదురైనప్పటికీ చక్కని అభివృద్ధిని సాధిస్తారు. ఐటీ రంగం వారికి మంచి ఆఫర్లు వచ్చే అవకాశం ఉంది. అనారోగ్యం నుంచి ఉపశమనం లభిస్తుంది.

కుంభం (ధనిష్ఠ 3,4, శతభిషం, పూర్వాభాద్ర 1,2,3): ఉద్యోగం విషయంలో తొందరపడి ఎటువంటి నిర్ణయాలు తీసుకోవద్దు. అధికారుల నుంచి మీకు మంచి ప్రోత్సాహం లభిస్తుంది. లక్ష్యాలను పట్టుదలగా పూర్తి చేస్తారు. ఆర్థిక పరిస్థితి చాలా వరకు నిలకడగా ఉంటుంది. ఒకరిద్దరు మిత్రులకు సహాయం చేస్తారు. నిరుద్యోగులకు దూర ప్రాంతం నుంచి మంచి ఆఫర్ వచ్చే అవకాశం ఉంది. చదువుల విషయంలో పిల్లలు పురోగతి సాధిస్తారు. ఆరోగ్యం బాగానే ఉంటుంది.

మీనం (పూర్వాభాద్ర 4, ఉత్తరాభాద్ర, రేవతి): ఆధ్యాత్మిక చింతన పెరుగుతుంది. ఆలయాలు సందర్శిస్తారు. ఆర్థిక పరిస్థితి నిలకడగా ఉంటుంది. ఉద్యోగంలో చిన్న చిన్న చిక్కులు ఎదురవుతాయి. తోబుట్టువుల నుంచి బాగా ఒత్తిడి ఉంటుంది. బందు వర్గంలో ఒక మంచి పెళ్లి సంబంధం ఖాయం అవుతుంది. దూర ప్రాంతంలో ఉన్న పిల్లల నుంచి శుభవార్త అందుతుంది. అనవసర ఖర్చుల్ని తగ్గించుకోవాల్సి ఉంటుంది. ఆరోగ్యం చాలావరకు అనుకూలిస్తుంది.

Note: (ఇక్కడ ఇచ్చిన సమాచారం నమ్మకం మీద ఆధారపడి ఉంటుంది.. దీనికి శాస్త్రీయ ఆధారాలు లేవు. మనుషుల ఆసక్తిని నమ్మకాన్ని దృష్టిలో ఉంచుకుని ఇక్కడ అందించాం).
మరిన్ని జ్యోతిష్య వార్తల కోసం ఇక్కడ క్లిక్ చేయండి..