Horoscope Today: ఉద్యోగ, పెళ్లి ప్రయత్నాల్లో వారికి శుభవార్తలు.. 12 రాశుల వారికి దినఫలాలు

దిన ఫలాలు (మార్చి 31, 2025): మేష రాశి వారు ఉద్యోగంలో మీ పని తీరుతో అధికారులను బాగా ఆకట్టుకుంటారు. ఆదాయానికి, ఆరోగ్యానికి లోటుండకపోవచ్చు. వృషభ రాశికి చెందిన నిరుద్యోగులకు సొంత ఊర్లోనే ఆశించిన ఉద్యోగం లభించే అవకాశం ఉంది. మిథున రాశి వారు జీతభత్యాలకు సంబంధించి అధికారుల నుంచి శుభవార్తలు వింటారు. మేష రాశి మొదలు మీన రాశి వరకు 12 రాశుల వారికి సోమవారంనాటి రాశిఫలాలు ఎలా ఉన్నాయంటే..

మేషం (అశ్విని, భరణి, కృత్తిక 1)

ఉద్యోగంలో మీ పని తీరుతో అధికారులను బాగా ఆకట్టుకుంటారు. అధికారుల నుంచి ఆదరణ, ప్రోత్సాహం లభిస్తాయి. వృత్తి, వ్యాపారాల్లో మంచి మార్పులు చేపట్టి లబ్ధి పొందుతారు. ఆదాయానికి, ఆరోగ్యానికి లోటుండకపోవచ్చు. దూరపు బంధువులతో పెళ్లి సంబంధం కుదిరే అవకాశం ఉంది. వ్యక్తిగత, కుటుంబ సమస్యల పరిష్కారం మీద దృష్టి సారిస్తారు. ఆస్తి వివాదాన్ని కొద్ది ప్రయత్నంతో పరిష్కరించుకుంటారు. కొందరు మిత్రుల వల్ల ఆర్థికంగా నష్టపోయే అవకాశం ఉంది.

వృషభం (కృత్తిక 2,3,4, రోహిణి, మృగశిర 1,2)

ఉద్యోగంలో కూడా ఆశించిన స్థాయిలో అనుకూలతలు పెరుగుతాయి. వృత్తి జీవితం బాగా బిజీగా సాగిపోతుంది. వ్యాపారాల్లో శ్రమాధిక్యత ఉన్నా ప్రతిఫలం ఉంటుంది. ఆదాయం వృద్ధి చెందుతుంది. నిరుద్యోగులకు సొంత ఊర్లోనే ఆశించిన ఉద్యోగం లభించే అవకాశం ఉంది. పెళ్లి, ప్రేమ ప్రయత్నాల్లో సానుకూల స్పందన లభిస్తుంది. కొందరు బంధుమిత్రులకు ఆర్థికంగా సహాయం చేస్తారు. విద్యార్థులు కొద్ది శ్రమతో పురోగతి సాధిస్తారు. ప్ర్రముఖులతో పరిచయాలు ఏర్పడతాయి.

మిథునం (మృగశిర 3,4, ఆర్ద్ర, పునర్వసు 1,2,3)

మనసులోని ఒకటి రెండు కోరికలు నెరవేరుతాయి. అనుకున్న పనులు అనుకున్నట్టు పూర్తవుతాయి. జీతభత్యాలకు సంబంధించి అధికారుల నుంచి శుభవార్తలు వింటారు. వృత్తి, వ్యాపారాల్లో కార్యకలాపాలు బాగా పెరుగుతాయి. ముఖ్యమైన వ్యవహారాలన్నీ సంతృప్తికరంగా పూర్తవుతాయి. నిరుద్యోగులకు ఆశించిన సమాచారం అందుతుంది. అదనపు ఆదాయ ప్రయత్నాలకు సమయం అనుకూలంగా ఉంది. ఆరోగ్యం విషయంలో శ్రద్ధ పెట్టడం మంచిది. విద్యార్థులు వృద్ధిలోకి వస్తారు.

కర్కాటకం (పునర్వసు 4, పుష్యమి, ఆశ్లేష)

ఒకటి రెండు వివాదాలు, సమస్యలు పరిష్కారమవుతాయి. మానసికంగా ఊరట లభిస్తుంది. కొద్ది ప్రయత్నంతో ముఖ్యమైన వ్యవహారాలన్నీ పూర్తవుతాయి. వృత్తి, ఉద్యోగాల్లో అధికారులకు మీ మీద నమ్మకం బాగా పెరుగుతుంది. వృత్తి జీవితం బాగా బిజీ అయిపోతుంది. అనేక మార్గాల్లో ఆదాయం పెరుగుతుంది. ఆరోగ్యం నిలకడగా సాగిపోతుంది. ఇంటా బయటా ఒత్తిడి ఉంటుంది. ముఖ్యమైన వ్యవహారాల్ని పట్టుదలగా పూర్తి చేస్తారు. విద్యార్థులు తేలికగా విజయాలు సాధిస్తారు.

సింహం (మఖ, పుబ్బ, ఉత్తర 1)

వృత్తి, ఉద్యోగాల్లో శ్రమాధిక్యత ఉంటుంది. అధికారులు అదనపు బాద్యతలు అప్పగించే అవకాశం ఉంది. వృత్తి జీవితంలో యాక్టివిటీ బాగా పెరుగుతుంది. వ్యాపారాల్లో ఆర్థిక సమస్యలు తగ్గుముఖం పడతాయి. కుటుంబపరంగా శుభ పరిణామాలు చోటు చేసుకుంటాయి. కొద్ది ప్రయత్నంతో ఒకటి రెండు వ్యక్తిగత సమస్యలు పరిష్కారమవుతాయి. మంచి పరిచయాలు ఏర్పడతాయి. ఆర్థిక పరి స్థితి నిలకడగా సాగిపోతుంది. వృథా ఖర్చుల్ని తగ్గించుకోవడం మంచిది. ఆరోగ్యం బాగానే ఉంటుంది.

కన్య (ఉత్తర 2,3,4, హస్త, చిత్త 1,2)

వృత్తి, ఉద్యోగాల్లో పనిభారం ఉన్నప్పటికీ ప్రతిఫలం ఉంటుంది. అధికారుల నుంచి మంచి గుర్తింపు కూడా లభిస్తుంది. వ్యాపారాల్లో ఆర్థిక ఒత్తిళ్ల నుంచి కొద్దిగా విముక్తి లభిస్తుంది. ఆదాయం బాగా పెరిగే అవకాశం ఉంది. ఆర్థిక వ్యవహారాల్లో కొంచెం కఠినంగా ఉండడం మంచిది. ఉచిత సహాయాలకు దూరంగా ఉండాల్సిన అవసరం ఉంది. ఇంటా బయటా ఒత్తిడి ఉంటుంది. ఆరోగ్యం బాగానే ఉంటుంది. నిరుద్యోగులకు ఒకటి రెండు శుభవార్తలు అందుతాయి. విద్యార్థులకు శ్రమ తప్పకపోవచ్చు.

తుల (చిత్త 3,4, స్వాతి, విశాఖ 1,2,3)

ఉద్యోగ జీవితంలో ఆశించిన మార్పులు చోటు చేసుకుంటాయి. అధికారులతో అనుకూలతలు పెరుగుతాయి. వృత్తి, వ్యాపారాల్లో రాబడి అంచనాలను మించుతుంది. కొన్ని ముఖ్యమైన వ్యవహా రాలు, పనులు విజయవంతంగా పూర్తవుతాయి. ఏ ప్రయత్నం చేపట్టినా సఫలమవుతుంది. కుటుంబ జీవితం హ్యాపీగా సాగిపోతుంది. కొద్ది ప్రయత్నంతో వ్యక్తిగత సమస్యలు తగ్గుముఖం పడతాయి. అదనపు ఆదాయ ప్రయత్నాలు సత్ఫలితాలనిస్తాయి. విద్యార్థులు బాగా వృద్ధిలోకి వస్తారు.

వృశ్చికం (విశాఖ 4, అనూరాధ, జ్యేష్ట)

ఉద్యోగంలో మీ సమర్థతకు గుర్తింపు లభిస్తుంది. అధికారులకు మీ పని తీరు బాగా నచ్చుతుంది. వృత్తి, వ్యాపారాలు నల్లేరు మీద బండిలా సాగిపోతాయి. అదనపు ఆదాయ ప్రయత్నాలు బాగా కలిసి వస్తాయి. ఆర్థిక అవసరాలు చాలావరకు తీరిపోతాయి. రావలసిన డబ్బు చేతికి అందుతుంది. ముఖ్యమైన పనులు, వ్యవహారాల్లో శ్రమాధిక్యత ఉంటుంది. వ్యక్తిగత సమస్యలు తగ్గు ముఖం పడతాయి. ఆరోగ్యం నిలకడగా ఉంటుంది. మిత్రుల వల్ల డబ్బు నష్టపోయే అవకాశం ఉంది.

ధనుస్సు (మూల, పూర్వాషాఢ, ఉత్తరాషాఢ 1)

అనుకోకుండా కొద్దిపాటి అదృష్టం కలిసి వస్తుంది. ఆకస్మిక ధన ప్రాప్తికి అవకాశం ఉంది. వృత్తి, ఉద్యోగాల్లో అధికార యోగానికి అవకాశం ఉంది. వ్యాపారాలు లాభసాటిగా సాగిపోతాయి. ఇంటికి ఇష్టమైన బంధువుల రాకపోకలుంటాయి. ఆదాయం అనేక విధాలుగా వృద్ధి చెందుతుంది. ఆర్థిక పరిస్థితి ఇతరులకు సహాయం చేసే స్థితిలో ఉంటుంది. సొంత పనుల మీద శ్రద్ధ పెట్టడం మంచిది. నిరుద్యోగులకు మంచి ఆఫర్లు వస్తాయి. ఆహార, విహారాల్లో కాస్తంత జాగ్రత్తగా ఉండడం మంచిది.

మకరం (ఉత్తరాషాఢ 2,3,4, శ్రవణం, ధనిష్ట 1,2)

వృత్తి, ఉద్యోగాల్లో అనుకూలతలు పెరుగుతాయి. అధికారుల నుంచి ఆదరణ లభిస్తుంది. ఇంటా బయటా గౌరవ మర్యాదలకు లోటుండదు. వ్యాపారాల్లో ఆశించిన స్థాయిలో లాభాలు పొందు తారు. ఆదాయం కొద్దిగా పెరుగుతుంది. ఖర్చుల్ని తగ్గించుకోవడం మంచిది. తల్లి తండ్రుల నుంచి ఆశించిన సహాయ సహకారాలు అందుతాయి. గృహ, వాహన ప్రయత్నాలు ఒక కొలిక్కి వస్తాయి. నిరుద్యోగులకు ఉద్యోగ యోగం పడుతుంది. కొద్ది శ్రమతో విద్యార్థులు ఉత్తమ ఫలితాలు సాధిస్తారు.

కుంభం (ధనిష్ట 3,4, శతభిషం, పూర్వాభాద్ర 1,2,3)

వృత్తి, ఉద్యోగాలు ప్రోత్సాహకరంగా సాగిపోతాయి. అధికారులకు బాగా ఉపయోగపడతారు. వ్యాపారాలు లాభసాటిగా ఉంటాయి. ఉద్యోగ, పెళ్లి ప్రయత్నాల్లో ఒకటి రెండు శుభవార్తలు వింటారు. ఇంటా బయటా అనుకూలతలు పెరుగుతాయి. తలపెట్టిన వ్యవహారాలన్నీ కొద్ది వ్యయ ప్రయాస లతో పూర్తవుతాయి. కుటుంబ జీవితం హ్యాపీగా సాగిపోతుంది. ఆదాయం బాగా అనుకూలంగా ఉంటుంది. రావలసిన సొమ్ము సకాలంలో చేతికి అందుతుంది. ఆర్థిక లావాదేవీలకు దూరంగా ఉండాలి.

మీనం (పూర్వాభాద్ర 4, ఉత్తరాభాద్ర, రేవతి)

వృత్తి, ఉద్యోగాల్లో ప్రాధాన్యం, ప్రాభవం కొనసాగుతాయి. వ్యాపారాలు ఆశాజనకంగా సాగిపోతాయి. ముఖ్యమైన పనులు, వ్యవహారాల్లో శ్రమాధిక్యత, వ్యయ ప్రయాసలుండే అవకాశం ఉంది. ఆర్థిక ప్రయత్నాలు చాలావరకు సఫలమవుతాయి. అనవసర ఖర్చుల్ని తగ్గించుకోవడం మంచిది. సొంత పనుల మీద మరింతగా శ్రద్ధ పెంచాల్సి ఉంటుంది. పిల్లలు ఘన విజయాలు సాధిస్తారు. నిరుద్యోగులు శుభవార్తలు వింటారు. గట్టి పట్టుదలతో వ్యక్తిగత సమస్యల్ని పరిష్కరించుకుంటారు.