Visakhapatnam: రక్షణ మంత్రి పర్యటనలో కాల్పుల కలకలం.. AR కానిస్టేబుల్‌కు తీవ్ర గాయాలు!
విశాఖపట్నంలో కేంద్ర రక్షణ మంత్రి పర్యటన సందర్భంగా కలకలం రేగింది. గాజువాక, INS డేగ సమీపంలో భద్రతా విధుల్లో ఉన్న ఒక AR కానిస్టేబుల్ తన SLR గన్ మిస్‌ఫైర్ అవ్వడంతో తీవ్రంగా గాయపడ్డారు. తోటి సిబ్బంది వెంటనే ఆయనను ఆసుపత్రికి తరలించారు. ఈ ఘటనపై పోలీసులు దర్యాప్తు ప్రారంభించారు, ప్రమాదవశాత్తు జరిగిందా అనే కోణంలో విచారణ చేస్తున్నారు.
Updated on: Oct 06, 2026 | 5:49 PM
విశాఖపట్నం: విశాఖపట్నం గాజువాక పరిధిలో తీవ్ర కలకలం రేపిన ఘటన చోటుచేసుకుంది. రక్షణ శాఖ మంత్రి పర్యటన నేపథ్యంలో భద్రతా విధుల్లో ఉన్న ఓ AR కానిస్టేబుల్ తన వద్ద ఉన్న SLR గన్ మిస్‌ఫైర్ కావడంతో తీవ్రంగా గాయపడినట్లు సమాచారం. ఈ ఘటన INS డేగ సమీపంలో చోటుచేసుకుంది. ఈ ఘటనపై పోలీసులు దర్యాప్తు చేపట్టారు.
కేంద్ర రక్షణ శాఖ మంత్రి పర్యటన సందర్భంగా విశాఖలో పోలీసులు, భద్రతా సిబ్బంది విస్తృతంగా విధులు నిర్వహిస్తున్నారు. ఇందులో భాగంగా INS డేగ సమీపంలో AR కానిస్టేబుల్ విధులు నిర్వర్తిస్తున్న సమయంలో ఈ ఘటన జరిగినట్లు సమాచారం. ఏఆర్ కానిస్టేబుల్ వద్ద ఉన్న SLR గన్ నుంచి అనుకోకుండా కాల్పులు జరిగినట్లు ప్రాథమికంగా తెలుస్తోంది. దీంతో ఆయన తీవ్రంగా గాయపడ్డాడు.
కాల్పుల శబ్దంతో అప్రమత్తమైన తోటి సిబ్బంది వెంటనే ఘటనాస్థలికి చేరుకున్నారు. రక్తపు మడుగులో పడి ఉన్న కానిస్టేబుల్‌ను హుటాహుటిన చికిత్స కోసం విశాఖలోని కిమ్స్ ఆసుపత్రికి తరలించారు. ప్రస్తుతం ఆయనకు వైద్యులు చికిత్స అందిస్తున్నట్లు తెలుస్తోంది.
ఈ ఘటనపై ఉన్నతాధికారులు సమాచారం సేకరిస్తున్నారు. గన్ ఎలా మిస్‌ఫైర్ అయింది? ఆయుధాన్ని పరిశీలిస్తున్న సమయంలో ప్రమాదం జరిగిందా? లేక మరేదైనా కారణం ఉందా? అనే కోణాల్లో అధికారులు విచారణ చేపట్టినట్లు సమాచారం. ఘటన జరిగిన ప్రాంతాన్ని పరిశీలించి వివరాలను సేకరిస్తున్నారు.
రక్షణ శాఖ మంత్రి పర్యటన సందర్భంగా భద్రతా ఏర్పాట్లు కొనసాగుతున్న సమయంలో ఈ ఘటన చోటుచేసుకోవడంతో అధికారులు అప్రమత్తమయ్యారు. అయితే ఇది ప్రమాదవశాత్తు జరిగిన మిస్‌ఫైర్‌గా ప్రాథమికంగా భావిస్తున్నట్లు తెలుస్తోంది. కానిస్టేబుల్ ఆరోగ్య పరిస్థితి, ఘటనకు సంబంధించిన పూర్తి వివరాలు అధికారికంగా వెల్లడించాల్సి ఉంది.
మరిన్ని క్రైమ్ వార్తల కోసం ఇక్కడ క్లిక్ చేయండి..
