Tirumala: అలెర్ట్.. తిరుమలలో ఆ రోజున వీఐపీ బ్రేక్ దర్శనాలు రద్దు
దీపావళి ఆస్థానం సందర్భంగా ఈనెల 31న తిరుమలలో వీఐపీ బ్రేక్ దర్శనాలను TTD రద్దు చేసింది. ఈనెల 30న సిఫారసు లేఖలు స్వీకరించబోమని ప్రకటన జారీ చేసింది. ఈ విషయాన్ని దృష్టిలో ఉంచుకుని సహకరించాలని భక్తులకు టీటీడీ రిక్వెస్ట్ చేసింది.
నెల 31వ తేదిన తిరుమల శ్రీవారి ఆలయంలో దీపావళి ఆస్థానం సందర్భంగా స్వయంగా వచ్చే ప్రోటోకాల్ ప్రముఖులు మినహా వీఐపీ బ్రేక్ దర్శనాలను టీటీడీ రద్దు చేసింది. ఇందుకు సంబంధించి 30వ తేది బుధవారం తిరుమలలో సిఫార్సు లేఖలు స్వీకరించబడవని వెల్లడించింది. ఈ విషయాన్ని దృష్టిలో ఉంచుకుని సహకరించాలని భక్తులకు టీటీడీ విజ్ఞప్తి చేస్తోంది.
నవంబరులో తిరుమలలో విశేష పర్వదినాలు ఇవే..
తిరుమలలో నవంబరు నెలలో జరుగనున్న విశేష పర్వదినాల వివరాలు ఇలా ఉన్నాయి.
• నవంబరు 1న కేదారగౌరీ వ్రతం
• నవంబరు 3న భగినీహస్త భోజనం, శ్రీ తిరుమలనంబి శాత్తుమొర
• నవంబరు 5న నాగుల చవితి, పెద్ద శేష వాహనం.
• నవంబరు 6న శ్రీ మనవాళ మహామునుల శాత్తుమొర
• నవంబరు 8న వార్షిక పుష్పయాగానికి అంకురార్పణ
• నవంబరు 9న శ్రీ వారి పుష్పయాగం, అత్రి మహర్షి వర్ష తిరునక్షత్రం, పిళ్లైలోకాచార్య వర్ష తిరు నక్షత్రం, పోయిగైయాళ్వార్ వర్ష తిరు నక్షత్రం, పూదత్తాళ్వార్ వర్ష తిరు నక్షత్రం, వేదాంత దేశికుల శాత్తుమొర
• 10న పేయాళ్వార్ వర్ష తిరు నక్షత్రం
• నవంబరు 11న శ్రీ యాజ్ఞవల్క్య జయంతి
• నవంబరు 12న ప్రబోధన ఏకాదశి
• నవంబరు 13న కైశిక ద్వాదశి ఆస్థానం, చాతుర్మాస్య వ్రత సమాప్తి
• నవంబరు 15న కార్తీక పౌర్ణమి
• 28న ధన్వంతరి జయంతి
• 29న మాస శివరాత్రి
మరిన్ని ఆంధ్రప్రదేశ్ వార్తల కోసం ఇక్కడ క్లిక్ చేయండి..
