AP weather: బంగాళాఖాతంలో వాయు’గండం’.. ఏపీకి భారీ వర్షసూచన.. ముఖ్యంగా ఈ జిల్లాల్లో
ఏపీ రైతులకు అలెర్ట్. వర్ష సూచన చేసింది వాతావరణ శాఖ. మొక్కలు వేసినవాళ్లు కాస్త జాగ్రత్తగా ఉండండి. పొలాలకు నీళ్లు పెట్టాలనుకున్నవాళ్లు కాస్త ఒకటి, రెండు రోజులు ఆగితే బెటర్.
Andhra Rains: ఈ ఏడాది వరుణుడు దంచికొడుతున్న విషయం తెలిసిందే. ఇప్పటికే సాధారణం కన్నా భారీ వర్షపాతం నమోదయ్యింది. రుతుపవనాలతో పాటు అప్పపీడనాలు, వాయిగుండాల ఎఫెక్ట్‌తో బాగా వర్షాలు కురుస్తున్నాయి. తాజాగా మరో వెదర్‌ అప్‌డేట్ వచ్చేసింది. మళ్లీ వానలొస్తున్నాయి. వాయువ్య బంగాళాఖాతంలో వాయు’గండం’ వెంటాడుతుంది. ఇది అంతకంతకూ బలపడి తీవ్ర వాయిగుండంగా మారే ఛాన్స్ ఉందని తాజాగా ఐఎండీ తెలిపింది. ఈ వాయుగుండం.. ప్రజంట్ ఒరిస్సాలోని బాలాసోర్‌కు దగ్గర్లో ఉంది. గంటకు 20 కిమీ వేగంతో వాయివ్యంగా ప్రయాణిస్తోంది. మరికొద్ది గంటల్లో ఇంకాస్త బలపడి తీవ్ర వాయిగుండంగా మారే సూచన ఉందని భారత వాతావరణ శాఖ తెలిపింది. దీని ఎఫెక్ట్‌తో ఒరిస్సా, ఝూర్ఖండ్, చత్తీస్‌ఘడ్, వెస్ట్ బెంగాల్‌ రాష్రాలతో పాటు మన దగ్గర ఉత్తరాంధ్ర, దక్షిణ కోస్తాల్లో శని, ఆదివారాల్లో భారీ వర్షాలు పడే సూచనలు ఉన్నాయని వెల్లడించింది. విజయనగరం(Vizianagaram), విశాఖపట్నం(Vizag), తూర్పుగోదావరి, పశ్చిమగోదావరి, కృష్ణా, గుంటూరు, ప్రకాశం జిల్లాలకు వాతావరణ కేంద్రం ఎల్లో అలర్ట్ ప్రకటించింది. సముద్ర తీరాల్లో అలలు ఎగసిపడే అవకాశం ఉందని.. ఇక తీర వెంబడి భారీ గాలులు వీసే అవకాశం ఉందని ఐఎండీ హెచ్చరించింది.
మరిన్ని ఆంధ్రప్రదేశ్ వార్తల కోసం చూడండి..
