Nellore district: వాగులో వెలసిన గంగమ్మ ! నట్టనడి ప్రవాహంలో అద్భుత దృశ్యం

అసలే వర్షాకాలం. గంగమ్మ తల్లి దయ వల్ల దండిగా కురుస్తున్నాయి వర్షాలు. ఎటు చూసినా.. వాగులూ వంకలూ నిండుగా పొంగుతున్నాయి. ఇంతలో ఎక్కడి నుంచి వచ్చిందో ఓ గంగమ్మ విగ్రహం.. వాగు మధ్యలో దర్శనమిచ్చింది. ఎంత ప్రవాహమైనా సరే.. కదలకుండా కూర్చుంది. నెల్లూరు జిల్లా- కొడవలూరు మండలం- గండవరం గ్రామంలో ఈ దృశ్యం ఆవిష్కృతమైంది. తొలుత అక్కడుకు వెళ్లిన పిల్లలు నీట చిక్కిన ఈ విగ్రహాన్ని ఆశ్చర్యకరంగా చూడ్డం మొదలు పెట్టారు. దీంతో ఊరూ వాడా ఈ విషయం తెలిసిపోయింది. అందరూ వచ్చి చూశారు. కదలకుండా అక్కడే కూర్చున్నట్టు కనిపించే ఈ విగ్రహం గంగమ్మదనీ.. ఆ తల్లి చల్లని చూపు తమ ఊరి మీద పడింది కాబట్టే.. ఇలా నట్టనడి ప్రవాహంలో కదలకుండా కూర్చున్నదనీ అన్నారు. ఆమెకు దండాలు పెట్టి తిరిగి ఎవరిళ్లకు వారెళ్లిపోయారు.

ఇంతకీ ఈ విగ్రహం ఎందుకొచ్చిందీ అని వీరంతా ఆలోచించగా వారి మైండ్‌లోకి గ్రామ దేవాలయం వచ్చింది. వారి గ్రామంలోనే ప్రసిద్ధ ఉదయకాలేశ్వర స్వామి ఆలయముంది. ఇక్కడి శివుడ్ని వెతుక్కుంటూ ఆ గంగమ్మ తల్లే కదలి వచ్చిందని నమ్ముతున్నారు గ్రామస్తులు. ఇంత ప్రవాహంలోనూ తల్లి విగ్రహం కదల్లేదంటే.. ఇదంతా ఆమెకు మన ఊరిపై ఉన్న కరుణా కటాక్షాలే కారణమంటున్నారు గ్రామస్తులు.

Also Read: కవలల హత్యకేసులో మిస్టరీ వీడింది.. హత్య చేసింది ఎవరంటే…?

దేశంలో పెరుగుతున్న కరోనా కేసులు.. గత 24 గంటల్లో 518 మంది మృత్యువాత..