Viral Video: చిట్టడవిలో అంతుచిక్కని రహస్యం.. చెట్టులోంచి ఏకధాటిగా వస్తోన్న నీరు..

అల్లూరి జిల్లా ఏజెన్సీలో ఓ వింత ఘటన కలకలం రేపుతోంది. చిట్టడవిలో చెట్టులోనుంచి ఏకధాటిగా ఉబికి వస్తోన్న నీటి ధర స్థానికులను భయాందోళనలకు గురిచేసింది.

Water From Tree

Shiva Prajapati |

Updated on: Jan 22, 2023 | 11:04 AM

అల్లూరి జిల్లా ఏజెన్సీలో ఓ వింత ఘటన కలకలం రేపుతోంది. చిట్టడవిలో చెట్టులోనుంచి ఏకధాటిగా ఉబికి వస్తోన్న నీటి ధర స్థానికులను భయాందోళనలకు గురిచేసింది. కట్టెలు తెచ్చేందుకు అడవికి వెళ్ళిన ఓ యువకుడి కంట బడ్డ ఈ దృశ్యం జనంలో అలజడి సృష్టించింది. ఓ చెట్టులో నుంచి నీరు ఏకధాటిగా బయటకు చిమ్ముతుండడం ఆశ్చర్యానికి గురిచేసింది. కూనవరం మండలం గొమ్ముగూడెం పంచాయతీలోని కుమారస్వామి గూడెం అటవీ ప్రాంతంలో ఈ వింత ఘటన జరిగింది.

గొమ్ముగుడెం అటవీ ప్రాంతంలో కట్టెలు కొట్టే ప్రయత్నంలో ఓ యువకుడు కత్తి తో చెట్టును నరకడంతో కత్తి తాకిన చోటనుంచి ఉన్నట్టుండి నీరు ఉబికి రావడం మొదలైంది. చుట్టూ చెట్లు తప్ప పెద్దగా మనుషులు తిరగని ప్రాంతం కావడంతో భయపడ్డ ఆ యువకులు దగ్గర్లోని గొమ్ముగూడెం గ్రామస్తులకు విషయం తెలియజేశారు.

ఘటనా స్థలానికి చేరుకున్న గ్రామస్తులు అడవిలో వింతని చూసి అవాక్కయ్యారు. చెట్టునుంచి నీరు ఎందుకొచ్చిందో తెలియక ఆశ్చర్యానికి గురౌతున్నారు.

ఇవి కూడా చదవండి