Badvel By Election Result Highlights: వైసీపీ ఫ్యాను జోరుకు పత్తాలేని ప్రతిపక్షాలు.. బీజేపీ, కాంగ్రెస్ డిపాజిట్ గల్లంతు

బీజేపీని అసెంబ్లీ గేటు కూడా తాకనివ్వం.. ఎమ్మెల్యే రోజా..

బద్వేల్‌లో వైసీపీ ఘన విజయంపై ఎమ్మెల్యే రోజా మాట్లాడారు. బద్వేలు ప్రజలందరికి కృతజ్ఞతలు తెలిపారు. ఏపీలో బీజేపీని అసెంబ్లీ సీటు కాదు క‌దా.. గేటు కూడా తాకనివ్వం అంటూ ఆమె తెలిపారు. ఏ ఎన్నికలైనా.. సెంటర్ ఏదైనా వైసీపీదే విజయం అంటూ స్పష్టంచేశారు. తమ సంక్షేమ పథకాల అమలే ఈ గెలుపునకు నిదర్శనమని తెలిపారు. సింగిల్‌ హ్యాండ్‌తో గెలిపించిన ఘనత సీఎం జగన్‌కే దక్కిందని ఎమ్మెల్యే రోజా తెలిపారు.

బద్వేల్‌లో కథ మొత్తం నడిపింది టీడీపీనే: చీప్‌విప్‌ గడికోట శ్రీకాంత్‌ రెడ్డి..

బద్వేల్‌లో వైసీపీ గెలుపు అనంతరం ప్రభుత్వ చీప్‌ విప్‌ గడికోట శ్రీకాంత్ రెడ్డి మీడియాతో మాట్లాడారు. బద్వేల్ నియోజకవర్గంలో వైసీపీ విజయం ప్రజా విజయమని శ్రీకాంత్ రెడ్డి పేర్కొన్నారు. బద్వేల్‌లో కథ మొత్తం నడిపింది టీడీపీనే అని చీప్‌విప్‌ శ్రీకాంత్‌ రెడ్డి తెలిపారు.

సీఎం వైఎస్ జగన్‌ను కలిసిన వైసీపీ నేతలు..

సీఎం క్యాంప్‌ కార్యాలయంలో ముఖ్యమంత్రి వైఎస్‌ జగన్‌ను కలిసిన మంత్రులు పెద్దిరెడ్డి రామచంద్రారెడ్డి, బాలినేని శ్రీనివాస రెడ్డి, ప్రభుత్వ సలహాదారు (ప్రజా వ్యవహారాలు) సజ్జల రామకృష్ణారెడ్డి కలిశారు. బద్వేలు అసెంబ్లీ ఉప ఎన్నికలో ఘన విజయం సాధించిన డాక్టర్‌ దాసరి సుధ, పార్టీ నేతలను సీఎం వైఎస్‌ జగన్‌ ఈ సందర్భంగా అభినందించారు. వారితోపాటు చీఫ్‌ విప్‌ గడికోట శ్రీకాంత్‌ రెడ్డి, విప్‌ కొరుముట్ల శ్రీనివాసులు కూడా సీఎంని కలిశారు.

మూడు పార్టీలు గెలిచినా.. ఘన విజయం సాధించాం.. వైసీపీ అభ్యర్థి డాక్టర్ సుధా

సీఎం జగన్ సంక్షేమ పథకాలే తన గెలుపునకు కారణమని వైసీపీ అభ్యర్థి డాక్టర్ సుధా పేర్కొన్నారు. వాతావరణం ప్రతికూలత కారణంగా పోలింగ్ పర్సంటేజ్ పెరగలేదని.. ఇంకా మెజార్టీ వచ్చేదన్నారు. తెరవెనుక మూడు పార్టీలు కలిసి పనిచేసినా.. 2019 లో వచ్చిన మెజారిటీ కంటే డబుల్ మెజారిటీ సాధించామని సుధా స్పష్టంచేశారు. బద్వేలు నియోజకవర్గంలో పెండింగ్ లో ఉన్న పనులన్నీ పూర్తి చేయడమే తన లక్ష్యమని సుధా తెలిపారు. మొదటి నుంచి బిజేపీ పోటీ అని తాము అనుకోలేదన్నారు. బీజేపీకి గతంలో 700 ఓట్లు వచ్చాయి. క్యాడర్ కూడా లేని బీజేపీకి టీడీపీ నేతలను ఏజెంట్లుగా పెట్టుకుందని పేర్కొన్నారు. టీడీపీ, బీజేపీ, జనసేన కలిసి ఎన్ని ప్రయత్నాలు చేసినా.. చివరకి ఘన విజయం సాధించామని డాక్టర్ దాసరి సుధ తెలిపారు.

బద్వేలు గెలుపుపై ఎమ్మెల్యే రోజా స్పందన..

బద్వేలు గెలుపుపై ఎమ్మెల్యే రోజా శుభాకాంక్షలు తెలిపారు.

ప్రజలు సీఎం జగన్ సంక్షేమ పథకాలను నమ్మారు: వైసీపీ అభ్యర్థి సుధ

ధృవీకరణ పత్రాన్ని అందుకున్న సుధ

బద్వేలు ఉప ఎన్నికలో ఘన విజయం సాధించిన వైసీసీ అభ్యర్థి డాక్టర్ దాసరి సుధకు ఎన్నికల అధికారులు ధృవీకరణ పత్రాన్ని అందజేశారు. ప్రజలకు సేవ చేసే అవకాశం కల్పించిన సీఎం వైఎస్ జగన్‌కు ధన్యవాదాలు తెలిపిన ఆమె.. జగన్ ప్రజా పాలనకు ఈ గెలుపు నిదర్శనమన్నారు.

వైసీపీ నేతల సంబరాలు

బద్వేల్‌లో భారీ విజయాన్ని సాధించడంపై ఆనందం వ్యక్తం చేశారు వైసీపీ నేతలు. సీఎం జగన్‌ ప్రవేశపెట్టిన సంక్షేమ పథకాల వల్లే భారీ విజయం సాధించగలిగామని తెలిపారు. 2024 ఎన్నికల్లోనూ ఇదే ఫలితాలు రిపీట్‌ అవుతాయని ధీమా వ్యక్తం చేస్తున్నారు వైసీపీ నేతలు.

బద్వేల్‌ ఫలితంతో బీజేపీ డీలా!

బద్వేల్‌ ఫలితం బీజేపీకి షాక్‌ ఇచ్చింది. కనీసం ప్రభావం చూపకపోగా.. డిపాజిట్‌ కూడా దక్కించుకోలేదు. దీంతో విజయవాడలోని పార్టీ ఆఫీస్‌ దగ్గర కార్యకర్తలు లేక ఖాళీగా కనిపిస్తోంది. కార్యకర్తలు పూర్తిగా డీలా పడిపోయారు. అటు.. రాష్ట్ర కార్యాయంలో అధ్యక్షులు సోము వీర్రాజు కూడా అందుబాటులో లేకుండా పోయారు.

వైసీపీ అభ్యర్థి సుధ 90 వేల 590 ఓట్ల భారీ ఆధిక్యం

బద్వేల్‌లో మొత్తం 13 రౌండ్ల కౌంటింగ్‌ ముగిసేసరికి వైసీపీ అభ్యర్థి సుధ 90 వేల 590 ఓట్ల భారీ ఆధిక్యంతో విజయం సాధించారు. మొత్తం 1 లక్షా 46 వేల 981 ఓట్ల పోల్‌ కాగా, వైసీపీకి 1 లక్షా 12 వేల 72 ఓట్లు లభించాయి. బీజేపీకి 21 వేల 661 ఓట్లు, కాంగ్రెస్‌కు 6217 ఓట్లు వచ్చాయి. నోటాకు 3649 ఓట్లు వచ్చాయి

వైసీపీ అభ్యర్థి సుధ ఘన విజయం

బద్వేల్‌లో వైసీపీ అభ్యర్థి సుధ భారీ విజయం సాధించారు. 90,089 ఓట్ల భారీ ఆధిక్యంతో విజయం సాధించారు. వైసీపీకి మొత్తం 1 లక్షా 11 వేల 710 ఓట్లు రాగా, బీజేపీకి 21 వేట 612 ఓట్లు లభించాయి. బద్వేల్‌లో మొత్తం 1 లక్షా 46 వేల 546 ఓట్లు పోలయ్యాయి. ఇందులో వైసీపీకి 1 లక్షా 11 వేల 710 ఓట్లు లభించాయి. బిజెపికి 21 వేల 621 ఓట్లు కాంగ్రెస్ కు 6 వేల 205 ఓట్లు వచ్చాయి. నోటాకు 3 వేల 635 ఓట్లు వచ్చాయి. దీంతో 90 వేల 089 ఓట్ల తేడాతో వైసీపీ విజయం సాధించింది.

90,089 ఓట్ల భారీ ఆధిక్యంతో వైసీపీ విజయం

బద్వేల్‌ ఉప ఎన్నికలో వైసీపీ అభ్యర్థి డాక్టర్ సుధ ఘన విజయం సాధించారు. 11వ రౌండ్‌ కౌంటింగ్‌ పూర్తయ్యేసరికి 90,089 ఓట్ల భారీ ఆధిక్యంతో విజయం సాధించారు వైసీపీ అభ్యర్థి సుధ.

వైసీపీ అభ్యర్థికి 85 వేల ఓట్ల ఆధిక్యత

బద్వేల్‌లో 10వ రౌండ్‌ కౌంటింగ్‌ పూర్తయింది. పదో రౌండ్‌ కౌంటింగ్‌ ముగిసేసరికి వైసీపీ అభ్యర్థికి 85 వేల 505 ఓట్ల ఆధిక్యత లభించింది. పదో రౌండ్‌లో వైసీపీకి 10 వేల 52 ఓట్లు లభించాయి. బీజేపీకి 1,554 ఓట్లు , కాంగ్రెస్‌కు 449 ఓట్లు మాత్రమే లభించాయి.

బద్వేల్‌లో వైసీపీ భారీ విజయం

బద్వేల్‌లో వైసీపీ భారీ విజయం సాధించింది. అధికారికంగా మరో మూడు రౌండ్ల ఫలితాలు వెలువడాల్సి వుంది. అయినప్పటికీ ఉప పోరులో విజయం అమెను వరించింది.

తొమ్మిదో రౌండ్ వైసీపీదే

బద్వేల్‌లో తొమ్మిదో రౌండ్ కౌంటింగ్‌ పూర్తయింది. ఇప్పటి వరకు వైసీపీకి 77 వేల 7 ఓట్ల ఆధిక్యత లభించింది. 9వ రౌండ్‌లో వైసీపీకి 11,354 ఓట్లు రాగా, బీజేపీకి 2,839, కాంగ్రెస్‌కు 439 ఓట్లు లభించాయి.

8వ రౌండ్ పూర్తి..

ఇప్పటిదాకా మొత్తం లెక్కించిన ఓట్లు 1,11,266 ఓట్లు వైసీపీ … 84,682 బీజేపీ …16,190 కాంగ్రెస్ … 5,026

వైసీపీ అభ్యర్థి డాక్టర్ సుధాకు 68,492 ఓట్ల ఆధిక్యత.

8వ రౌండ్‌ ఫలితాలు

బద్వేల్‌ ఉప పోరు ఫలితాల్లో రౌండ్ రౌండ్‌కి అధికార పార్టీ హవా కొనసాగుతోంది. ఇప్పటివరకు ఎనిమిది రౌండ్లు ముగిశాయి. 8వ రౌండ్‌లో వైసీపీ అభ్యర్థి సుధాకు 9,691 ఓట్లు రాగా, బీజేపీ అభ్యర్థి సురేష్‌కు 1,964 ఓట్లు, కాంగ్రెస్‌ అభ్యర్థి కమలమ్మకు 774 ఓట్లు పోలయ్యాయి. దీంతో మొత్తంగా 68,492 ఓట్ల ఆధిక్యంలో వైఎస్సార్‌సీపీ అభ్యర్థి డాక్టర్ సుధా కొనసాగుతున్నారు.

8వ రౌండ్‌లో వైసీపీకి 68 వేల ఆధిక్యం

బద్వేల్‌ లో 8వ రౌండ్‌ కౌంటింగ్‌ ముగిసింది. 8వ రౌండ్‌ కౌంటింగ్‌ ముగిసేసరికి వైసీపీ అభ్యర్థి సుధ 68 వేల 492 ఓట్ల ఆధిక్యంలో కొనసాగుతున్నారు. ఇప్పటి వరకు వైసీపీకి 84 వేల 682 ఓట్లు రాగా, బీజేపీకి 16 వేల 190 ఓట్లు వచ్చాయి. కాంగ్రెస్‌కు 5 వేల 26 ఓట్లు మాత్రమే వచ్చాయి. నోటాకు 2 వేల 830 ఓట్లు వచ్చాయి.

ఏడు రౌండ్లు ముగిసే సరికి వైసీపీకి 74,991 ఓట్లు

బద్వేల్‌లో ఏడో రౌండ్‌ ముగిసింది. ఏడో రౌండ్‌లో వైసీపీ అభ్యర్థి సుధాకు 10,726, బీజేపీ అభ్యర్థి సురేష్‌కు 1,924, కాంగ్రెస్‌ అభ్యర్థి కమలమ్మకు 841 ఓట్లు పోలయ్యాయి. ఏడు రౌండ్లు ముగిసే సరికి వైఎస్సార్‌సీపీ 74,991 ఓట్లు సాధించింది.

ఏడో రౌండ్‌‌లోనూ ఫ్యాను గాలి

బద్వేల్‌ ఉప ఎన్నికల్లో వైసీపీ దూసుకుపోతోంది. ఏడు రౌండ్లు పూర్తయ్యేసరికి వైసీసీ అభ్యర్థి డాక్టర్ సుధా 60,826 ఓట్ల ఆధిక్యంలో కొనసాగుతోంది.

ఆరో రౌండ్‌‌లోనూ వైసీపీ అధిక్యత

బద్వేల్‌లో ఆరో రౌండ్‌ కౌంటింగ్‌ పూర్తయింది. ఆరో రౌండ్‌లో వైసీపీకి 47,589 ఓట్ల ఆధిక్యత లభించింది.

వైసీపీ నేతలు, కార్యకర్తల సంబరాలు

బద్వేలు ఉప ఎన్నికల్లో ఫ్యాన్‌ గాలికి ఇతర పార్టీల గుర్తులన్నీ కొట్టుకుపోతున్నాయి. ఇప్పటికే మెజార్టీ భారీగా వస్తుండడంతో వైసీపీ నేతలు, కార్యకర్తలు సంబరాలు చేసుకుంటున్నారు. స్వీట్లు పంచుకుంటూ ఆనందం వ్యక్తం చేస్తున్నారు. ఇది ప్రభత్వం చేపడుతున్న సంక్షేమ పథకాలకు ప్రజలు ఇస్తున్న గుర్తింపని కొనియాడుతున్నారు.

ఐదో రౌండ్‌‌లోనూ అదే జోరు

బద్వేలు ఉప ఎన్నిక ఫలితాల్లో అధికార పార్టీ వైసీపీ భారీ విజయం దిశగా దూసుకుపోతోంది. ఐదో రౌండ్‌ ముగిసే సమయానికి 42,824 ఓట్ల ఆధిక్యంలో వైసీపీ కొనసాగుతోంది.

ప్రతి రౌండ్‌లోనూ ఫ్యాను గాలి

ప్రతి రౌండ్‌లోనూ ఫ్యాను పార్టీ గాలి వీస్తోంది. నాలుగో రౌండ్ పూర్తయ్యేసరికి అధికార పార్టీ వైసీపీ అభ్యర్థి డాక్టర్ సుధా 30,412 ఓట్ల అధిక్యంలో కొనసాగుతున్నారు. నాలుగు రౌండ్ల పూర్తయ్యేసరికి వైసీపీకి 41,099 ఓట్లు పోలవ్వగా, బీజేపీ అభ్యర్థి సురేశ్‌కు 8,504 ఓట్లు, కాంగ్రేస్ అభ్యర్థి కమలమ్మకు 2,305 ఓట్లు వచ్చాయి. కాగా, నోటాకు 1,448 ఓట్లు రావడం విశేషం. ఇదిలావుంటే, ఇప్పటివరకు మొత్తం లెక్కించిన ఓట్లు 54,672.

ప్రతి రౌండ్‌లోనూ వైసీపీదే హవా

ప్రతి రౌండ్‌లోనూ వైసీపీ ఆధిక్యత కొనసాగిస్తోంది. మూడో రౌండ్‌లో వైసీపీకి 31,232 ఓట్లు రాగా, బీజేపీ అభ్యర్థికి 6,263 ఓట్లు వచ్చాయి. కాంగ్రెస్‌ అభ్యర్థికి 1,812 ఓట్లు మాత్రమే లభించాయి.

నాలుగో రౌండ్‌లో వైసీపీకి 30,412 ఓట్ల ఆధిక్యత

బద్వేల్‌లో నాలుగు రౌండ్ల కౌంటింగ్‌ పూర్తయింది. నాలుగో రౌండ్‌ పూర్తయ్యేసరికి వైసీపీ అభ్యర్థి సుధ 30 వేల 412 ఓట్ల ఆధిక్యంలో కొనసాగుతున్నారు.

వైసీపీదే జోరు

ఫస్ట్ రౌండ్ లో లెక్కించిన మొత్తం ఓట్లు 13,434.

వైసీపీ అభ్యర్థి సుధా కు 10,478 ఓట్లు.

వైసీపీ మెజారిటీ 8,790 ఓట్లు.

బీజేపీ అభ్యర్థి పనతల సురేశ్‌సకు 1,688 ఓట్లు.

కాంగ్రెస్ అభ్యర్థి కమలమ్మకు 580 ఓట్లు పోలయ్యాయి.

Badvel Countng Ist

మూడో రౌండ్‌లో 23 వేల 700 ఓట్ల ఆధిక్యం

బద్వేల్‌లో వైసీపీ దూసుకెళుతోంది. మూడు రౌండ్లు ముగిసేసరికి వైసీపీ అభ్యర్థి 23 వేల 700 ఓట్ల ఆధిక్యంలో ఉన్నారు. తొలి రౌండ్‌లోనే 8 వేల 790 ఓట్ల ఆధిక్యం లభించింది.

వైసీపీకి 8,790 ఓట్ల ఆధిక్యత

బద్వేల్‌లో తొలి రౌండ్‌లో వైసీపీకి భారీ ఆధిక్యత లభించింది. వైసీపీకి 8,790 ఓట్ల ఆధిక్యత లభించింది. తొలి రౌండ్‌లో వైసీపీకి 10 వేల 478 ఓట్లు రాగా, బీజేపీ అభ్యర్థికి 1,688 ఓట్లు వచ్చాయి. కాంగ్రెస్‌ అభ్యర్థికి 580 ఓట్లు వచ్చాయి.

కలసపాడు ఓట్ల లెక్కింపు షురూ

కలసపాడు మండలం ఓట్ల లెక్కింపు ప్రక్రియ మొదలైంది.

పోస్టల్‌ బ్యాలెట్‌ ఓట్ల లెక్కింపు పూర్తి

బద్వేల్‌లో పోస్టల్‌ బ్యాలెట్‌ ఓట్ల లెక్కింపు పూర్తయ్యింది. పోస్టల్‌ బ్యాలెట్‌లో వైఎస్సార్‌సీపీ ఆధిక్యంలో ఉంది. ఈవీఎంల ఓట్ల లెక్కింపు ప్రారంభమైంది. కలసపాడు మండలం ఓట్ల లెక్కింపు ప్రక్రియ మొదలైంది.

మొదటి రౌండ్‌లో వైసీపీ ఆధిక్యం

బద్వేల్‌లో కౌంటింగ్‌ కొనసాగుతోంది. మొదట కలసపాడు మండలం నుంచి కౌంటింగ్‌ జరుగుతోంది. మొదటి రౌండ్‌లో ఇక్కడ వైసీపీ ఆధిక్యం సాధించింది.

4వ టేబుల్‌లో వైసీపీకి 322 మెజారిటీ

బద్వేల్ ఉప ఎన్నిక కౌంటింగ్ కొనసాగుతోంది. 4వ టేబుల్‌లో 500 ఓట్లకు గాను వైసీపీ 322 ఓట్ల మెజారిటీని సాధించింది.

వైసీపీ ఆధిక్యం 

బద్వేల్ ఉప ఎన్నిక పోస్టల్ బ్యాలెట్ కౌంటింగ్‌లో వైసీపీ ఆధిక్యం

పోస్టల్ బ్యాలెట్స్‌‌లో వైసీపీదే హవా

బద్వేల్‌లో కౌంటింగ్‌ మొదలైంది. మొదట పోస్టల్ బ్యాలెట్స్‌తో ఓట్ల లెక్కింపును ప్రారంభించారు. రిటర్నింగ్ అధికారి, అభ్యర్థుల సమక్షంలో పోస్టల్ బ్యాలెట్లను లెక్కిస్తున్నారు అధికారులు. మొత్తం 235 ఓట్లు పోలయ్యాయి. వీటి లెక్కింపు తర్వాత ఈవీఎం ఓట్లను లెక్కించనున్నారు అధికారులు.

మూడంచెల భద్రతా వ్యవస్థః కడప ఎస్పీ

బద్వేల్ అసెంబ్లీ నియోజకవర్గ ఉప ఎన్నిక కౌంటింగ్ కోసం ప్రత్యేక భద్రత ఏర్పాట్లు చేశామని కడప జిల్లా ఎస్పీ అన్బురాజన్ తెలిపారు. 400 మంది పోలీస్ అధికారులు, సిబ్బందితో పటిష్ట భద్రతా ఏర్పాట్లు చేశామన్నారు. అదనపు ఎస్‌పి, 6 మంది డిఎస్‌పిలు, 12 మంది సిఐలు, 22 మంది ఎస్ఐలు, కేంద్ర బలగాల సిబ్బంది కౌటింగ్ విధుల్లో పాల్గొంటున్నారన్నారు. గెలుపొందిన అభ్యర్థులు విజయోత్సవ ర్యాలీలు నిర్వహిస్తే చర్యలు తీసుకుంటామని ఎస్పీ అన్బురాజన్ హెచ్చరించారు.

Sp Anbu Rajan

ఉప ఎన్నిక ఫలితంపై సర్వత్రా ఉత్కంఠ

బద్వేల్ ఉప ఎన్నిక బరిలో అధికార పార్టీ వైసీపీ అభ్యర్థిగా డాక్టరు దాసరి సుధ, బీజేపీ అభ్యర్థి పనతల సురేష్, కాంగ్రెస్‌ అభ్యర్థి, మాజీ ఎమ్మెల్యే కమలమ్మతో పాటు మరో 12 మంది అభ్యర్థులు పోటీలో ఉన్నారు. 2019 ఎన్నికల్లో బద్వేల్ అసెంబ్లీ నియోజకవర్గానికి సంబంధించి 77.64 శాతం పోలింగ్‌ నమోదైంది. అప్పట్లో 2,04,618 ఓట్లు ఉండగా 1,58,863 ఓట్లు పోలయ్యాయి. ఎన్నికల ఫలితాలపై అందరిలో ఆసక్తి ఉంది.

బద్వేల్‌లో కౌంటింగ్‌ ప్రారంభం

బద్వేల్‌లో కౌంటింగ్‌ ప్రారంభమైంది. మొత్తం నాలుగు హాళ్లలో 28 టేబుళ్లు ఏర్పాటు చేశారు. 10 రౌండ్లలో కౌంటింగ్ పూర్తవుతుంది. ఇక్కడ మొత్తం ఓటర్ల సంఖ్య 2 లక్షల 15 వేల 240 మంది. అయితే ఈసారి 1 లక్షా 47 వేల 213 ఓట్లు పోలయ్యాయి. 68.39 శాతం పోలింగ్‌ నమోదైంది. వైసీపీ, బీజేపీ మధ్యే ప్రధాన పోటీ నెలకొంది.

తొలి మూడు గంటల్లో అభ్యర్థుల భవితవ్యం

బద్వేల్ కౌంటింగ్‌ ప్రారంభమైన తొలి మూడు గంటల్లో అభ్యర్థుల భవితవ్యం తేలిపోనుంది. మొత్తం 281 పోలింగ్ కేంద్రాలకు ఒకేచోట కౌంటింగ్‌ నిర్వహిస్తున్నట్లు ఎన్నికల అధికారులు తెలిపారు. అభ్యర్థుల సమక్షంలోనే స్ట్రాంగ్‌ రూమ్‌లను తెరుస్తామని.. కొన్ని టేబుళ్ళకు రౌండ్ లు పెరిగే అవకాశం ఉందని.. సూపర్ వైజర్, మైక్రో అబ్జర్వర్ల పర్యవేక్షణలో కౌంటింగ్ జరగనుందన్నారు. రౌండ్ వారీగా ఫలితాలను డిస్‌ ప్లే చేస్తామని.. వర్షం వల్ల కౌటింగ్ కు ఏలాంటి ఇబ్బందులు లేకుండా ఏర్పాట్లు చేశామన్నారు.

బద్వేల్ నియోజకవర్గంలో గత విజేతలు

బద్వేల్ నియోజకవర్గంలో గత విజేతలు

2019 – జి.వెంకటసుబ్బయ్య (వైఎస్సార్సీపీ) 2014 – త్రివేది జయరాములు (వైఎస్సార్సీపీ) 2009 – పీఎం కమలమ్మ (కాంగ్రెస్) 2004 – దేవసాని చిన్న గోవింద రెడ్డి (కాంగ్రెస్) 2001 – ఉప ఎన్నిక కొనిరెడ్డి విజయమ్మ (టీడీపీ) 1999 – బిజివేముల వీరారెడ్డి (టీడీపీ) 1994 – బిజివేముల వీరారెడ్డి (టీడీపీ) 1989 – వడ్డెమాను శివరామక్రిష్ణారావు (కాంగ్రెస్) 1985 – బిజివేముల వీరారెడ్డి (టీడీపీ) 1983 – బిజివేముల వీరారెడ్డి (ఐసీజే) 1978 – వడ్లమాను శివరామక్రిష్ణారావు (జేఎన్పీ) 1972 – బిజివేముల వీరారెడ్డి (కాంగ్రెస్) 1967 – బీవీ రెడ్డి (కాంగ్రెస్) 1962 – వడ్డమాని చిదానందం (ఎస్ డబ్ల్యు ఏ) 1955 – రత్నసభాపతి పెట్టి భండారు (కాంగ్రెస్) 1952 – వి.చిదానందం (ఇండిపెండెంట్)

బాలయోగి గురుకుల పాఠశాలలో కౌంటింగ్‌

కొన్నిగంటల్లో బద్వేల్‌ బాద్‌షా ఎవరో తేలిపోనుంది. బద్వేల్లోని బాలయోగి గురుకుల పాఠశాలలో కౌంటింగ్‌ కేంద్రాన్ని ఏర్పాటు చేశారు. ఉదయం 8 గంటలకు ఓట్ల లెక్కింపు ప్రక్రియ ప్రారంభంకానుంది. నాలుగు హాళ్లలో 28 టేబుళ్లు ఏర్పాటు చేశారు. 10 రౌండ్లలో కౌంటింగ్‌ పూర్తవుతుంది. రౌండ్‌ వారీగా ఫలితాలను డిస్‌ప్లే చేస్తారు. ఈసారి పోస్టల్‌ బ్యాలెట్‌ రెండు కేటగిరీలు ఉంటాయి. అవి సర్వీస్‌ ఓట్లు, వయోవృద్ధుల ఓట్లు. కౌంటింగ్‌ మొదలయ్యే వరకు సర్వీస్‌ ఓట్లను అనుమతిస్తారు.

గెలుపు గ్యారంటీ ధీమా!

ఈసారి వైసీపీ అభ్యర్ధిగా దివంగత ఎమ్మెల్యే సతీమణి డాక్టర్ సుధ పోటీలో వుండడంతో అధికార పార్టీ నేతలు ప్రచారం చేశారు. గెలుపు గ్యారంటీ కావడంతో అంతగా శ్రమించిన దాఖలాలు లేవు.

ఫ్యాను గుర్తు పార్టీ హవా

బి.కోడూరు మండలంలో 75.41 శాతం పోలింగ్‌ నమోదై రెండో స్థానంలో నిలిచింది. మొత్తం 15,069మంది ఓటర్లుండగా.. 11,365ఓట్లు పోలయ్యాయి. ఇక్కడ 2009 నుంచి టీడీపీ మాజీ ఎమ్మెల్యే విజయమ్మ ప్రభావం ఉన్నప్పటికి .. 2014, 2019ఎన్నికల్లో వైసీపీ విజయంతో ఫ్యాను గుర్తు పార్టీ హవా కొనసాగుతోంది. ఇది ఒకింత బీజేపీకి మైనస్..కావచ్చనే సంకేతాలున్నాయి.

పోరుమామిళ్ల మండలంలో వైసీపీకే ఛాన్స్!

పోరుమామిళ్ల మండలంలో 48,005మంది ఓటర్లుండగా…ఈసారి బైపోల్‌లో 30,801 ఓట్లు పోలయ్యాయి. అంటే అత్యల్పంగా ఓటింగ్ నమోదైంది ఇక్కడే. ఇక్కడ స్థానికుల్ని వైసీపీ ఏజెంట్లు భయపెట్టారని బీజేపీ ఆరోపించింది. స్థానికేతురులతో దొంగ ఓట్లు వేయించారనే విమర్శలు చేసింది.

కాశినాయన మండలంలో కనిపించని కషాయం

కాశినాయన మండలంలో బీజేపీకి పెద్దగా పట్టులేకపోవడం.. వైసీపీ పటిష్టంగా ఉండటంతో.. ఇక్కడ వైసీపీ అభ్యర్ధి డాక్టర్ సుధాకు ఓటింగ్ శాతం పెరిగే ఛాన్సుంది. అయితే బీజేపీ మాత్రం వరికుంట్లలో వైసీపీ నేతలు దొంగఓట్లు వేశారన్న ఆరోపణలతో ఆందోళన కూడా చేపట్టారు. ఈ మండలంలో 22295 ఓటర్లుంటే…16254 ఓట్లు పోలయ్యాయి. 72.90శాతం పోలింగ్ నమోదైంది.

కలసపాడు మండలంలో ఎవరికి ప్లస్

కలసపాడు మండలంలో ఓటింగ్‌ ఎవరికి ప్లస్ అవుతుందో …ఏ పార్టీకి మైనస్ అవుతుందో ఊహించని పరిస్థితి నెలకొంది. ఇక్కడ కాస్తో ..కూస్తో పట్టున్న టీడీపీ పోటీలో లేకపోవడంతో…ఆ ఓటు బ్యాంక్‌ని ఈసారి ఎన్నికల్లో బీజేపీ కాపాడుకునే ప్రయత్నం చేసింది. ఎగువ తంబళ్లపల్లె, బ్రహ్మణపల్లె గ్రామాల్లో వైసీపీకి బలంతో పాటు స్థానిక నాయకత్వం గట్టిగా పనిచేసింది. కలసపాడు మండలంలో మొత్తం 25,260మంది ఓటర్లుండగా…ఈసారి 17,748 ఓట్లు పోలయ్యాయి. ఇక్కడ 70.26శాతం పోలింగ్ శాతం నమోదైంది.

గోపవరం మండలంలో గట్టిపోటీ

ఇక గోపవరం మండలంలోని కాల్వపల్లి, శ్రీనివాసపురం, గోపవరం, సండ్రపల్లి, రామాపురం, బ్రహ్మణపలల్లిలో టీడీపీకి గట్టి నాయకత్వం ఉంది. మాజీ ఎమ్మెల్యే కూడా కొంత ప్రభావం చూపగలరు. ఇవే కారణాలు వైసీపీకి కొంత మైనస్‌ పాయింట్‌ అని చెప్పాలి. శ్రీనివాసవురంలో సీఎం రమేష్ క్యాడర్ ఉండటం వల్ల…బీజేపీకి బాగా ఓట్లు పడ్డాయనే టాక్ ఉంది. సో ఈ రెండు పరిణామాల వల్ల వైసీపీకి ఓటు షేరింగ్‌లో కొంత ఎఫెక్ట్‌ పడే ఛాన్సుంది. 44,480మంది ఓటర్లుంటే..ఈసారి 27,617మంది ఓటేశారు. దీంతో మండలంలో 62.08శాతం పోలింగ్ నమోదైంది.

అట్లూరు మండలంలో వైసీపీదే హవా

అట్లూరు మండలం…ఇక్కడ వైసీపీదే ఏకచత్రాధిపత్యం. పార్టీ ఏర్పడిన నాటి నుంచి మండలంలోని ఓటర్లంతా ఎమ్మెల్సీ గోవిందరెడ్డి మాటనే శిరసావహిస్తారు. దానికి తోడు ఇతర పార్టీలకు చెందిన పెద్ద నాయకులెవరూ లేకపోవడం వల్ల …వైసీపీదే హవా. ఒక్క కొండూరు సర్పంచ్‌ స్థానం మాత్రం టీడీపీ డబ్బు ఖర్చు చేసి గెలుచుకోవడం వల్లే బీజేపీ ఇతర పార్టీలకు ఇక్కడ ఓట్లు పడే ఛాన్సే లేనట్లు కనిపిస్తోంది. అట్లూరు మండలంలో మొత్తం 14,701 ఓట్లు పోలయ్యాయి. ఓటింగ్ శాతం 75.73గా నమోదైంది.

బద్వేల్ రూరల్‌ మండలంలో పోటా-పోటీ

బద్వేల్ రూరల్‌ మండలం విషయానికి వస్తే గతంలో YCP-TDPకి ఇక్కడ సమాన పట్టుంది. ఈసారి మాత్రం ఇక్కడ…బీజేపీ కాస్త బలపడినట్లుగా కనిపిస్తోంది. ముఖ్యంగా బీజేపీ ఎంపీ సీఎం రమేష్‌కి చెందిన నాయుడు సామాజికవర్గం అంతా బీజేపీ వైపు ఉండటం… బీజేపీ ఏజెంట్లను కూడా గట్టివాళ్లను పెట్టడం వల్ల ఇక్కడ కమలం అభ్యర్ధికి అధికంగా ఓట్లు పడే ఛాన్సుంది. మొత్తం 40719 ఓటర్లుండగా …28727 ఓట్లు పోలయ్యాయి. 70.54శాతం పోలింగ్ శాతం నమోదైంది.

బద్వేల్ అర్బన్‌లో వారిదే హవా

బద్వేల్ అర్బన్ …ఇది మొదట్నుంచి టీడీపీ స్థానబలం ఉన్న ప్రాంతం. కాని వైసీపీ క్రమంగా పుంజుకుంటూ వచ్చింది. మొన్న జరిగిన ఎన్నికల నాటికి బద్వేల్ మున్సిపాలిటిలీలో 3స్థానాలు మినహా అన్నింటిని వైసీపీనే కైవసం చేసుకునే స్థాయికి ఎదిగింది. ప్రస్తుతం జరిగిన ఎన్నికలో మున్సిపల్ వైస్‌ ఛైర్మెన్‌గా ఉన్నటువంటి యాదవ సామాజికవర్గానికి చెందిన గోపాలస్వామి వల్ల వైసీపీకి ఓట్లు పడే అవకాశం ఉన్నప్పటికి అడా చైర్మెన్ గురుమోహన్ ప్రభావం తగ్గే అవకాశం ఉంది. ఇక మున్సిపల్‌ చైర్మెన్‌గా ఉన్నటువంటి రాజగోపాల్‌రెడ్డిపై భూకబ్జాల విమర్శలు వైసీపీ క్యాండెట్‌కి కొంత మైనస్ అయ్యే ఛాన్సుంది. మార్కెట్ యార్డ్ మాజీ చైర్మెన్ కరెంట్ రమణారెడ్డిపై కూడా స్థానికంగా ప్రజల్లో కొంత వ్యతిరేకత ఉంది. ఈపరిణామాలన్ని …బీజేపీకి కొంత అనుకూలంగా మారే ఛాన్సుంది.

మండలాల వారిగా పార్టీల బలాబలాలు

బద్వేల్‌ నియోజకవర్గంలో మొత్తం 7 మండలాలు ఉన్నాయి. ఏ మండలం ఓటర్లు ఇవాళ్టి ఫలితాల్లో విజేతను నిర్ణయించడంలో కీలక పాత్ర పోషిస్తారంటే…అది అక్కడున్న స్థానిక నాయకత్వంపైనే ఆధారపడినట్లుగా కనిపిస్తోంది. బద్వేల్‌ నియోజకవర్గంలోని బద్వేల్ అర్బన్‌, రూరల్‌తో పాటు అట్లూరు, గోపవరం, కలసపాడు, పోరుమామిళ్ల, కాశీనాయన , బి.కోడూరు మండలాలు ఉన్నాయి.