జో బైడెన్ ప్రమాణ స్వీకారానికి దూరం, 20న వాషింగ్టన్ కు వీడ్కోలు పలకనున్న డొనాల్డ్ ట్రంప్, ఇక నేరుగా ఫ్లోరిడాకు

జో బైడెన్ ప్రమాణ స్వీకారానికి దూరం, 20న వాషింగ్టన్ కు వీడ్కోలు పలకనున్న డొనాల్డ్ ట్రంప్, ఇక నేరుగా ఫ్లోరిడాకు

అమెరికా అధ్యక్ష పదవి నుంచి వైదొలగుతున్న డోనాల్డ్ ట్రంప్ ఇక తట్టాబుట్టా సర్దుకోనున్నారు. ఈ నెల 20 న నూతన అధ్యక్షునిగా జో బైడెన్..

Umakanth Rao

| Edited By: Pardhasaradhi Peri

Jan 16, 2021 | 9:26 AM

అమెరికా అధ్యక్ష పదవి నుంచి వైదొలగుతున్న డోనాల్డ్ ట్రంప్ ఇక తట్టాబుట్టా సర్దుకోనున్నారు. ఈ నెల 20 న నూతన అధ్యక్షునిగా జో బైడెన్ ప్రమాణ స్వీకారం చేయనున్న నేపథ్యంలో ఆయన ఈ కార్యక్రమానికి గైర్ హాజరు కానున్నారు. ఆ రోజున వాషింగ్టన్ ను వీడి శివార్లలోని జాయింట్ బేస్  ఏంద్రూస్ వద్ద జరిగే వీడ్కోలు కార్యక్రమానికి హాజరై అక్కడ కొద్దిసేపు ప్రసంగించే అవకాశాలున్నాయి. ఫ్లోరిడాలోని పామ్ బీచ్ లో వైట్ హౌస్ కు చెందిన కొంతమంది సిబ్బంది ఆయన కార్యక్రమాలను పర్యవేక్షిస్తారని వైట్ హౌస్ వర్గాలు తెలిపాయి. ఇనాగురేషన్ డే రోజున వైట్ హౌస్ లో బైడెన్ తో సమావేశం కావాలని కొందరు అధికారులు సూచించినప్పటికీ ట్రంప్ ఇందుకు నిరాకరించారు. అమెరికాలో రెండుసార్లు అభిశంసనకు గురైన తొలి అధ్యక్షునిగా పేరు తెచ్చుకున్న ఈయన తనకు తాను క్షమాభిక్ష విధించుకుంటారట.

ప్రతినిధుల సభలో అభిశంసన తీర్మానం నుంచి గట్టెక్కుతాననుకున్న ట్రంప్ ఆశాభంగం చెందక తప్పలేదు.  చివరి క్షణంలోనైనా తనకు అదృష్ట యోగం పట్టవచ్చునని  ట్రంప్ ఎంతో ఆశించారు. కానీ నిరాశే ఎదురయింది.  ప్రతినిధుల సభలో 10 మంది రిపబ్లికన్లు కూడా ట్రంప్ అభిశంసన వైపే మొగ్గు చూపారు. క్యాపిటల్ హిల్ అల్లర్లకు బాధ్యుడని వారు గట్టిగా విశ్వసించారు.   ఇక సెనేట్ లో ఈయన అభిశంసనకు సంబంధించి విచారణ జరగనుంది.

Also Read:

దేశవ్యాప్తంగా కరోనా వ్యాక్సినేషన్ ప్రోగ్రామ్, ఈ ఉదయం పదిన్నరకు వీడియో కాన్ఫరెన్స్ ద్వారా ప్రారంభించనున్న ప్రధాని మోదీ

Mission Mangal: జపాన్‌లో విడుదల కానున్న మరో భారతీయ చిత్రం.. ఫిబ్రవరిలో విడుదల కానున్న ‘మిషన్‌ మంగళ్‌’..

India Vs Australia 2020: ఆస్ట్రేలియా తొలి ఇన్నింగ్స్ 369 పరుగులకు ఆలౌట్.. 95 పరుగుల తేడాతో ఐదు వికెట్లు చేజార్చుకున్న ఆసీస్..

Follow us on

Related Stories

Most Read Stories

Click on your DTH Provider to Add TV9 Telugu