World Thalassemia Day 2022: తలసేమియా వ్యాధితో బాధపడుతున్నారా..? ఎలాంటి జాగ్రత్తలు తీసుకోవాలి? ఏం తినాలి..? ఏం తినకూడదు

World Thalassemia Day 2022: తలసేమియా వ్యాధి గురించి ప్రజలకు అవగాహన కల్పించేందుకు ప్రతి సంవత్సరం మే 8న ప్రపంచ తలసేమియా దినోత్సవాన్ని జరుపుకుంటారు. తలసేమియా (Thalassemia) అనేది రక్త రుగ్మత. ఇది జన్యుపరమైన వ్యాధి. ఇది తల్లిదండ్రుల నుండి పిల్లలకు వస్తుంది. ఈ వ్యాధిలో రక్తంలో హిమోగ్లోబిన్ తగ్గుతుంది. ఈ సమయంలో రోగి శరీరంలో రక్తం లేకపోవడం.. అటువంటి పరిస్థితిలో అనేక ఇతర ఆరోగ్య సమస్యలను కూడా ఎదుర్కొవాల్సి ఉంటుంది. ఇది రక్తహీనత, అలసటకు కారణమవుతుంది. తలసేమియాతో బాధపడేవారికి తరచుగా రక్తమార్పిడి అవసరం. ఈ సమయంలో, ఆహారం, పానీయాల విషయంలో మరింత శ్రద్ధ వహించాల్సిన అవసరం ఉందని వైద్య నిపుణులు చెబుతున్నారు. తలసేమియా రోగి ఎలాంటి ఆహారం తీసుకోవాలి ?ఆహారంలో ఏవి చేర్చుకోవాలి.. దేనికి దూరంగా ఉండాలి అనే విషయాలను తెలుసుకుందాం.

ఫోలిక్ ఆమ్లం:

తలసేమియా వ్యాధితో బాధపడేవారు ఫోలిక్ యాసిడ్ అధికంగా ఉండే ఆహారాన్ని తీసుకోవాలి. మీరు బఠానీలు, బేరి, బచ్చలికూర, పైనాపిల్, దుంప, అరటి, బీన్స్ మొదలైన వాటిని తినవచ్చు. ఇవి శరీరంలో కొత్త రక్త కణాలను తయారు చేయడంలో సహాయపడతాయి.

ఇవి కూడా చదవండి

Excessive Sweating: అధిక చెమటతో ఇబ్బంది పడుతున్నారా? ఈ పద్ధతులతో ఉపశమనం పొందండి

విటమిన్ బి 12:

విటమిన్ బి12 అధికంగా ఉండే ఆహారాన్ని తీసుకోవాలి. పాలు, ఆకు కూరలు తీసుకోవాలి. కూరగాయలను బాగా ఉడికించి తినండి.

విటమిన్- సి:

తలసేమియా సమయంలో విటమిన్ సి అధికంగా ఉండే ఆహారాన్ని తీసుకోవాలి. సిట్రస్ పండ్లలో విటమిన్ సి అధిక మొత్తంలో లభిస్తుంది. సిట్రస్ పండ్లలో మీరు నారింజ, కివి, నిమ్మ, క్యాప్సికం, స్ట్రాబెర్రీ మొదలైన వాటిని తీసుకోవచ్చు.

ఐరన్ రిచ్ ఫుడ్స్:

తలసేమియా వ్యాధిగ్రస్తులు ఐరన్ అధికంగా ఉండే ఆహారాన్ని తీసుకోవాలి. దీంతో శరీరంలో హిమోగ్లోబిన్‌ పెరుగుతుంది. ఐరన్ లోపం శరీరం నుండి తొలగిపోతుంది. మీరు బచ్చలికూర, యాపిల్స్, ఎండుద్రాక్ష, బచ్చలికూర, బీట్‌రూట్, దానిమ్మ, అత్తి పండ్లను, బాదం వంటి ఐరన్‌ అధికంగా ఉండే ఆహారాలను తీసుకోవచ్చు. వీటిని తీసుకోవడం వల్ల శరీరంలో రక్తకణాలు పెరుగుతాయి. మీరు వైద్యుడిని సంప్రదించిన తర్వాత ఐరన్-రిచ్ సప్లిమెంట్లను కూడా తీసుకోవచ్చు.

వీటికి దూరంగా ఉండండి:

తలసేమియా రోగులు కొన్ని పదార్థాల వినియోగానికి దూరంగా ఉండాలి. ఇందులో మైదా, పప్పు, బంగాళదుంప, బెండకాయ, ఓక్రా, ఫాస్ట్ ఫుడ్, జంక్ ఫుడ్, బేకరీ ఉత్పత్తులు, అధిక మొత్తంలో ఉప్పు, టీ, కాఫీ వంటి కెఫిన్ పానీయాలు మొదలైనవి వాటికి దూరంగా ఉండటం మంచిది.

మరిన్ని హెల్త్ వార్తల కోసం ఇక్కడ క్లిక్ చేయండి

(నోట్‌: ఇందులోని అంశాలన్ని కేవలం అవగాహన కోసం మాత్రమే. వైద్య నిపుణుల సలహాలు, సూచనల మేరకు అందించడం జరుగుతుంది. ఇందులోని అంశాలను పాటించాలంటే ముందుగా వైద్యులను సంప్రదించండి.)