అయ్యా బాబోయ్‌… కిలో బంగాళాదుంప ఖరీదు రూ.50వేలు.. ఎందుకంటే ఇది వెరీ వెరీ స్పెషలట..!
ఈ ఆలు ధర కిలో రూ.100 లేదా రూ.200ల రూపాయలో కాదు, కిలో ఆలుగడ్డ ధర రూ.50,000వేలు.. అంటే, మీరు ఒక కేజీ బంగాళదుంప ధరతో తులం బంగారం కొనుగోలు చేయవచ్చు.
Updated on: Dec 03, 2022 | 1:00 PM
బంగాళాదుంపను సాధారణంగా కూరగాయలలో రారాజు అని పిలుస్తారు. బంగాళాదుంప ధర మార్కెట్లో తక్కువగానే ఉంటుంది. సీజన్‌ను బట్టి రూ.5 నుండి రూ.35 వరకు ఉంటుంది. అయితే ఇతర కూరగాయలతో పోలిస్తే బంగాళదుంప ధర చాలా తక్కువగానే ఉంటుంది, కానీ, ఈ రోజు మనం తెలుసుకోబోతున్నది అత్యంత ఖరీదైన ఒక రకమైన బంగాళాదుంప గురించి. ఈ ఆలు ధర కిలో రూ.100 లేదా రూ.200ల రూపాయలో కాదు, కిలో ఆలుగడ్డ ధర రూ.50,000వేలు.. అంటే, మీరు ఒక కేజీ బంగాళదుంప ధరతో తులం బంగారం కొనుగోలు చేయవచ్చు. ఇక అంత్యంత ఖరీదైన కూరగాయల విషయానికి వస్తే, ఈ బంగాళదుంప ఖచ్చితంగా ఆ జాబితాలో నెం.1 స్థానాన్ని ఆక్రమిస్తుంది అనటంలో అతిశయోక్తి లేదు.
ఈ అత్యంత ఖరీదైన బంగాళాదుంప పేరు లే బోనోట్. ఇది భారతదేశంలో కాకుండా ఫ్రాన్స్‌లో పండే బంగాళాదుంప జాతి. ఇది ఫ్రెంచ్ ద్వీపం ఐల్ డి నోయిర్‌మౌటియర్‌లో ప్రత్యేకంగా పెరుగుతుంది. ఈ బంగాళాదుంపను పండించడానికి ఒక ప్రత్యేక రకమైన ఇసుక నేలను ఉపయోగిస్తారు. దీనిని పెంచడానికి సముద్రపు పాచి ఎరువుగా ఉపయోగిస్తారు. లే బోనోట్ 50 చదరపు మీటర్ల భూమిలో మాత్రమే పెరుగుతుంది.
ఈ బంగాళదుంప అర కిలో 250 యూరోలు అంటే దాదాపు 22 వేల నుంచి 23 వేల రూపాయల వరకు ఉంటుంది. ఈ బంగాళదుంప ధర పెరుగుతూనే ఉంది. అయితే, ఇక్కడ మరో ఆశ్చరకర విషయం ఏంటంటే.. ఈ ఖరీదైన బంగాళాదుంప సంవత్సరానికి కేవలం10 రోజులు మాత్రమే అందుబాటులో ఉంటుంది. ఈ ఉప్పగా ఉండే బంగాళదుంపలు తరచుగా ఇంట్లో సలాడ్లు,సూప్‌లను తయారు చేయడానికి ఉపయోగిస్తారు. ఇది అనేక వ్యాధులపై ప్రభావాన్ని చూపుతుంది.
మరిన్ని అంతర్జాతీయ వార్తల కోసం ఇక్కడ క్లిక్ చేయండి
