చెన్నై విమానాశ్రయంలో కొత్త టెర్మినల్.. రూ. 1,260 కోట్లతో తమిళ సంస్కృతికి అద్దంపట్టేలా నిర్మాణం..
కొత్త టెర్మినల్ కూడా ప్రయాణీకులకు సాఫీగా మారేందుకు బహుళ-స్థాయి కార్ పార్కింగ్ భవనానికి దగ్గరగా ఏర్పాటు చేశారు. ఇంకా కొత్త భవనం మెట్రో రైలు నుండి విమానాశ్రయం టెర్మినల్ వరకు ప్రయాణీకులు సాఫీగా వెళ్లేందుకు వీలు కల్పిస్తుంది.
Updated on: Apr 06, 2023 | 8:09 PM
ఏప్రిల్ 8 శనివారం రోజున చెన్నై విమానాశ్రయంలోని కొత్త ఇంటిగ్రేటెడ్ టెర్మినల్ భవనాన్ని ప్రధాని నరేంద్ర మోదీ ప్రారంభించనున్నారు. శనివారం మధ్యాహ్నం 3 గంటలకు చెన్నై విమానాశ్రయానికి చేరుకునే ప్రధాని, అక్కడ కొత్త ఇంటిగ్రేటెడ్ టెర్మినల్ భవనాన్ని ప్రారంభిస్తారు. ఈ మేరకు కొత్త టెర్మినల్ భవనంపై పౌర విమానయాన మంత్రిత్వ శాఖ చేసిన ట్వీట్ను షేర్ చేశారు ప్రధాన మంత్రి. ప్రయాణీకుల నిర్వహణ సామర్థ్యాన్ని పెంచడానికి విమానాశ్రయం కొత్త టెర్మినల్ నిర్మాణం ఐదు సంవత్సరాల క్రితం ప్రారంభించబడింది.
ఈ టెర్మినల్, చెన్నై విమానాశ్రయం ప్రతి సంవత్సరం 35 మిలియన్ల ప్రయాణికులను నిర్వహించగల సామర్థ్యాన్ని కలిగి ఉంటుందని అంచనా. ఇంకా ఇక్కడ గంటకు 45 విమానాల రాకపోకలకు వీలుంది. ప్రాజెక్టును పూర్తి చేసేందుకు ప్రభుత్వం రూ.2,500 కోట్లు పెట్టుబడి పెట్టింది.
మొత్తం 1.97 లక్షల చదరపు మీటర్ల విస్తీర్ణంలో ఉన్న కొత్త టెర్మినల్ ఇతర దేశాల నుండి రాకపోకలు నిర్వహిస్తుంది. ఈ నిర్మాణం లేఅవుట్, మెరుగైన వాస్తుశిల్పం కలిగి ఉంటుంది. ప్రయాణీకులకు అనుకూలంగా ఉంటుందని భావిస్తున్నారు. 108 ఇమ్మిగ్రేషన్ కౌంటర్లు, 80 చెక్-ఇన్ కౌంటర్లు, ఎనిమిది సెల్ఫ్-చెక్-ఇన్ స్టేషన్లు, ఆరు సెల్ఫ్ బ్యాగేజ్ డ్రాప్ కౌంటర్లు ఉంటాయి.
ఎయిర్పోర్ట్స్ అథారిటీ ఆఫ్ ఇండియా (AAI) కొత్త టెర్మినల్కు కార్యకలాపాలను మార్చడానికి ముందుగా ట్రయల్స్ ప్రారంభించింది. ఈ ట్రయల్స్ సమయంలో ప్రయాణీకుల రద్దీ, కౌంటర్, సామాను బెల్ట్లు, భద్రతా తనిఖీలు, ఇమ్మిగ్రేషన్ వంటి వివిధ కార్యకలాపాలు ఇతర అంశాలతో పాటు పరీక్షించబడ్డాయి.
కొత్త టెర్మినల్ కూడా ప్రయాణీకులకు సాఫీగా మారేందుకు బహుళ-స్థాయి కార్ పార్కింగ్ భవనానికి దగ్గరగా ఏర్పాటు చేశారు. ఇంకా కొత్త భవనం మెట్రో రైలు నుండి విమానాశ్రయం టెర్మినల్ వరకు ప్రయాణీకులు సాఫీగా వెళ్లేందుకు వీలు కల్పిస్తుంది.
కొత్త టెర్మినల్ పూర్తిగా అందుబాటులోకి వచ్చిన తర్వాత ప్రస్తుత పాత భవనాన్ని పునర్నిర్మిస్తారని సమాచారం. స్టీల్, గాజుతో చేసిన ప్రస్తుత అంతర్జాతీయ డిపార్చర్ ఫ్లోర్ దేశీయ టెర్మినల్గా మార్చబడుతుంది. కొన్ని విమానయాన సంస్థలు రద్దీ సమయాల్లో టెర్మినల్ను క్లియర్ చేయడానికి కార్యకలాపాలు ప్రారంభించినప్పుడు తమ షెడ్యూల్లను మార్చుకుంటాయి.
మరిన్ని జాతీయ వార్తల కోసం..
