Rupert Murdoch: 93 ఏళ్ల వయసులో ఐదో పెళ్లికి రెడీ అయిన ప్రముఖ వ్యాపారవేత్త.. 67 ఏళ్ల ప్రియురాలితో త్వరలో పెళ్లి!
ప్రముఖ ఆస్ట్రేలియన్-అమెరికన్ బిలియనీర్, దిగ్గజ వ్యాపారవేత్త రూపర్ట్ మర్దోక్ మరోమారు వార్తల్లో నిలిచారు. 93 ఏళ్ల వయసులో మళ్లీ పెళ్లికి రెడి అయిపోయారు. ఇటీవల తన ప్రియురాలు 67 ఏళ్ల ఎలీనా జుకోవాతో ఎంగేజ్‌ మెంట్‌ చేసుకున్న సంగతి తెలిసిందే. దీంతో ఆయన ఐదో పెళ్లి చేసుకోబోతున్నట్లు అమెరికా స్థానిక మీడియా సంస్థలు వెల్డించాయి. ఈ జంట వచ్చే జూన్‌లో కాలిఫోర్నియాలోని మర్దోక్ ఎస్టేట్‌లో వివాహం చేసుకోబోతున్నట్లు సమాచారం. పెళ్లి పనులు కూడా మొదలు పెట్టారని, ఆహ్వానాలు కూడా పంపించినట్లు తెలుస్తోంది..
Updated on: Mar 08, 2024 | 5:44 PM
వాషింగ్టన్‌, మార్చి 8: ప్రముఖ ఆస్ట్రేలియన్-అమెరికన్ బిలియనీర్, దిగ్గజ వ్యాపారవేత్త రూపర్ట్ మర్దోక్ మరోమారు వార్తల్లో నిలిచారు. 93 ఏళ్ల వయసులో మళ్లీ పెళ్లికి రెడి అయిపోయారు. ఇటీవల తన ప్రియురాలు 67 ఏళ్ల ఎలీనా జుకోవాతో ఎంగేజ్‌ మెంట్‌ చేసుకున్న సంగతి తెలిసిందే. దీంతో ఆయన ఐదో పెళ్లి చేసుకోబోతున్నట్లు అమెరికా స్థానిక మీడియా సంస్థలు వెల్డించాయి. ఈ జంట వచ్చే జూన్‌లో కాలిఫోర్నియాలోని మర్దోక్ ఎస్టేట్‌లో వివాహం చేసుకోబోతున్నట్లు సమాచారం. పెళ్లి పనులు కూడా మొదలు పెట్టారని, ఆహ్వానాలు కూడా పంపించినట్లు తెలుస్తోంది. ఇప్పటికే నాగులు పెళ్లిళ్లు చేసుకున్న ఈ బిలియనీర్ ఐదో పెళ్లికి సిద్ధం అయ్యారు. ఎలీనా జుకోవాతో ఆరోసారి ఎంగేజ్‌మెంట్‌ చేసుకున్నారు. గతేడాది ఆన్‌ లెస్లీ స్మిత్‌తో ఎంగేజ్‌మెంట్‌ జరిగింది. అయితే నెల వ్యవధిలోనే ఆ బంధానికి ముగింపు పలికారు. ఆ తర్వాత తన మాజీ భార్యల్లో ఒకరైన విన్‌డీ డెంగ్‌ ఇచ్చిన ఓ పార్టీలో మర్దోక్‌కు జుకోవా పరిచయమైంది. వీరి పరిచయం కాస్తా ప్రేమగా మారింది. అప్పటి నుంచి డేటింగ్‌లో ఉన్న ఈ జంట త్వరలోనే వివాహ బంధంలోకి అడుగుపెట్టనున్నారు. రష్యాకు చెందిన ఎలీనా జుకోవా అమెరికాకు వలస వచ్చారు. ఇది ఆమెకు రెండో పెళ్లి. గతంలో మాస్కో ఆయిల్‌ బిలియనీర్ అలెగ్జాండర్‌తో వివాహం జరగగా.. వ్యక్తిగత కారణాల వల్ల వీరిద్దరూ విడిపోయారు. వీరికి ఓ కుమార్తె దాషా కూడా ఉంది. దాషా రష్యన్‌ ఓలిగార్క్‌ను పెళ్లి చేసుకుని విడిపోయారు.
ఇక మర్దోక్ విషయానికొస్తే.. ఇప్పటికే ఆయన నలుగురిని పెళ్లి చేసుకురి వారితో తెగదెంపులు చేసుకున్నారు. ఆయన మొదట ఆస్ట్రేలియాకు చెందిన పాట్రిషియా బుకర్‌ను వివాహం చేసుకున్నారు. 1960లో విడిపోయారు. ఆ తర్వాత జర్నలిస్ట్‌ అన్నా మరియా మన్‌, చైనా వ్యాపారవేత్త విన్‌డీ డెంగ్‌, అమెరికా మోడల్‌ జెర్రీ హాల్‌తో వివాహాలే, విడాకులు చకచకా అయిపోయాయి. నాలుగో భార్య జెర్రీ హాల్‌తో విడిపోయిన 7 నెలలు పూర్తికాకముందే ఆయన లెస్లీతో నిశ్చితార్థం చేసుకుని అందరినీ ఆశ్చర్యానికి గురి చేశారు. వీరి నిశ్చితార్థం జరిగిన వారాల వ్యవధిలోనే విడిపోయారు. రెండో భార్యతో విడిపోయిన సందర్భంలో ఆయన ఏకంగా 1.7 బిలియన్‌ డాలర్లు భరణంగా చెల్లించారు. ఇది అత్యంత ఖరీదైన భరణాల్లో ఒకటిగా నలిచిపోయింది.
రూపర్ట్ మర్దోక్ 1950ల్లో న్యూస్‌ ఆఫ్‌ ది వరల్డ్‌, ది సన్‌ అనే వార్తా పత్రికలను స్థాపించడం ద్వారా మీడియా కెరీర్‌ ప్రారంభించారు. ఆ తర్వాత న్యూయార్క్‌ పోస్ట్‌, వాల్‌ స్ట్రీట్‌ జర్నల్‌ వంటి పబ్లికేషన్స్‌ను కొనుగోలు చేశారు. 1996లో ఫాక్స్‌ న్యూస్‌ను, 2013లో న్యూస్‌కార్ప్‌ను స్థాపించారు. 2011లో వెలుగులోకి వచ్చిన ఫోన్‌ హ్యాకింగ్‌ కుంభకోణం కారణంగా న్యూస్‌ ఆఫ్‌ ది వరల్డ్‌ పత్రికను మూతపడింది. గతేడాది సెప్టెంబరులో కుమారులకు వ్యాపార బాధ్యతలు అప్పిగించిన మర్దోక్.. ప్రస్తుతం ఆ సంస్థలకు గౌరవ ఛైర్మన్‌గా వ్యవహరిస్తున్నారు.
మరిన్ని అంతర్జాతీయ వార్తల కోసం క్లిక్‌ చేయండి.
