మాజీ ప్రియురాలి కోసం మంచులో.. 21 గంటల పాటు మోకరిల్లిన ప్రేమికుడు..!
అందుకే ఆమెకు ఇలా క్షమాపణలు చెబుతున్నానని చెప్పాడు. పోలీసు అధికారులు కూడా సంఘటనా స్థలానికి చేరుకుని ఆ వ్యక్తిని బలవంతంగా అక్కడి నుంచి తరలించే ప్రయత్నం చేశారు. కానీ అతను వారి మాటలను కూడా ఏ మాత్రం అంగీకరించలేదు.
Updated on: Apr 05, 2023 | 4:45 PM
ప్రేమ భావన మనసుకు ఎంతో సంతోషాన్నిస్తుంది. ప్రేమలో ఉన్నవారికి విడిపోవడం చాలా కష్టమైన విషయం. చిన్న సమస్యకైనా, పెద్ద సమస్యకైనా విడిపోయినా మనసులో ఆ బాధ ఎప్పటికీ ఉంటుంది. పోగొట్టుకున్న ప్రేమను తిరిగి పొందడానికి అబ్బాయిలు, అమ్మాయిలు వివిధ మార్గాల్లో సర్కస్ చేస్తారు. తమ ప్రేమను, ప్రేమించిన వారిని ప్రసన్నం చేసుకునేందుకు అన్ని విధాలుగా ప్రయత్నిస్తారు. అయితే ఇక్కడ ఒక ప్రేమికుడు తన మాజీ ప్రియురాలి కోసం ఎవరూ చేయని సాహాసం చేశాడు. తనను విడిచిపెట్టిన లవర్‌ కోసం చలిలో, గాలిలో ఆమె కోసం ఎదురుచూడసాగాడు. అలా గంట, రెండు గంటలు కూడా కాదు. అతను మోకరిల్లి 21 గంటల పాటు ప్రేమకోసం నిరీక్షించాడు. ఈ ఘటన నైరుతి చైనాలోని సిచువాన్ ప్రావిన్స్‌లో చోటుచేసుకుంది. ఆ ప్రేమికుడు శరీరం గడ్డకట్టే చలిలో చేతిలో పుష్పగుచ్ఛంతో మోకరిల్లాడు.
నైరుతి చైనాలోని సిచువాన్ ప్రావిన్స్‌లోని డజౌలో మార్చి 28 మధ్యాహ్నం 1 నుండి మరుసటి రోజు ఉదయం 10 గంటల వరకు ఒక మహిళ కార్యాలయ భవనం ప్రవేశ ద్వారం వెలుపల ఒక వ్యక్తి గులాబీల గుత్తితో మోకరిల్లాడు. చల్లటి వాతావరణం కారణంగా ఆ వ్యక్తి కదలకుండా కూర్చున్నాడు. సమయం గడిచేకొద్దీ వాతావరణం మరింత దిగజారినప్పటికీ తన అభ్యర్థన విరమించుకోలేదు. చుట్టూ గుమిగూడిన ప్రజలు ఆ ప్రయత్నాన్ని విరమించుకోవాలని అతన్ని కోరారు. ఎవరూ చెప్పినా అతడు వారి మాటలు వినలేదు.. ఆ వ్యక్తి తన మాజీ ప్రియురాలి కోసం ఎదురు చూడసాగాడు. ఇంతకీ ఏం జరిగిందంటే…
కొద్ది రోజుల క్రితం అతని మాజీ ప్రియురాలు అతన్ని విడిచిపెట్టింది. అందుకే ఆమెకు ఇలా క్షమాపణలు చెబుతున్నానని చెప్పాడు. పోలీసు అధికారులు కూడా సంఘటనా స్థలానికి చేరుకుని ఆ వ్యక్తిని బలవంతంగా అక్కడి నుంచి తరలించే ప్రయత్నం చేశారు. కానీ అతను వారి మాటలను కూడా ఏ మాత్రం అంగీకరించలేదు. అలాంటి ప్రేమపూర్వక ప్రవర్తనను చూసిన సోషల్ మీడియా వినియోగదారులు ఒక్కొక్కరూ ఒక్కో రకంగా స్పందించారు.
మరిన్ని అంతర్జాతీయ వార్తల కోసం..
