Russia-Ukraine War: రణరంగం నుంచి క్షేమంగా తిరిగి వస్తున్న విద్యార్థులు.. వారు పడ్డ కష్టాలను తలచుకుంటూ..

Russia-Ukraine War: ఉక్రెయిన్‌లో చిక్కుకున్న భారతీయ విద్యార్థులు(Indian Students) హంగేరీ, కువైట్ మీదుగా ఈరోజు మధ్యాహ్నం 12 గంటలకు ముంబై(Mumbai) చేరుకున్నారు. ఇప్పటి వరకు ఐదవ విమానం ఉక్రెయిన్ నుంచి భారత్‌కు విద్యార్థులను తీసుకుని ముంబైకి చేరుకుంది. ప్రత్యేక ఎయిర్ ఇండియా విమానంలో(IAF Flight) 184 మంది విద్యార్థులు ఉన్నారు. వారిలో కొంతమంది విద్యార్థులు తమకు ఎదురైన బాధలను పంచుకున్నారు. ముంబైకి చెందిన సాహిల్ ఉక్రెయిన్‌లో ఎంబీబీఎస్ మూడో సంవత్సరం చదువుతున్నాడు. కేవలం 2 నెలలు మాత్రమే మిగిలి ఉన్నాయి. కానీ ఇంతలోనే రష్యా, ఉక్రెయిన్‌ యుద్ధం మొదలైంది. దాని కారణంగా అతను భారతదేశానికి అర్థంతరంగా తిరిగి రావలసి వచ్చింది.

8 రోజులు చాలా టెన్షన్‌లో ఉన్నామని, అయితే ఇప్పుడు సంతోషకరమైన రోజు వచ్చిందని సాహిల్ సోదరి చెప్పింది. ఈరోజు అతని పుట్టినరోజు అని, పుట్టినరోజు సందర్భంగా అతనికి బెస్ట్ గిఫ్ట్ లభించిందని సాహిల్ సోదరి చెప్పింది. తనకు 24వ తేదీన విమానం ఉందని, అయితే 3 గంటల క్రితమే దాడి జరిగినట్లు తేలిందని, అప్పటికే తాను రైలు నుంచి వెళ్లిపోయానని సాహిల్ చెప్పాడు. భారత రాయబార కార్యాలయం ఉన్న కైవ్‌లోని ఎంబసీకి తిరిగి వెళ్లాలని అతని స్నేహితులు నిర్ణయించుకున్నారు.

అక్కడ అతను రెండు మూడు రోజులు అక్కడ రాయబార కార్యాలయంలో ఉన్నాడు. కానీ తరువాత అతను వెళ్ళాలనుకుంటే, వెళ్ళవచ్చు అని రాయబార కార్యాలయం అధికారులు చెప్పారు. అనంతరం 14 మంది విద్యార్థులను విడదీసి అక్కడి నుంచి వెళ్లిపోయారు. బస్ బుక్ చేసుకున్నారు. సరిహద్దులోని హంగేరీకి చేరుకోగానే అక్కడ 13 14 గంటల పాటు క్యూలో నిలబడి సుదీర్ఘ ప్రక్రియను పూర్తి చేశాడు. ఆ తర్వాత ఈరోజు భారత్‌కు చేరుకున్నారు. క్షేమంగా ఇంటికి చేరుకున్నందుకు భారత ప్రభుత్వానికి కృతజ్ఞతలు తెలిపారు.

అదే సమయంలో, ముంబైలోని డోంబివ్లీలో నివసిస్తున్న అభిసూర్య, భారతదేశానికి చేరుకోవడానికి తనకు పూర్తి వారం పట్టిందని చెప్పాడు. అత్యంత ఆశ్చర్యకరమైన విషయం ఏమిటంటే.. వార్‌ జోన్‌లో ప్రాణాలను అరచేతిలో పెట్టుకుని సరిహద్దుకు చేరుకోవాల్సి వచ్చింది. ఆ తర్వాత ఎంబసీ సహాయం పొందాడు. ఇప్పుడు అతడు క్షేమంగా తన ఇంటికి చేరుకున్నాడు. ముంబైలోని విక్రోలిలో నివసిస్తున్న నితిన్ నథాని ఈరోజు ఉక్రెయిన్ నుండి భారతదేశానికి తిరిగి వచ్చారు. నితిన్ సులువుగా ఇండియాకు తిరిగొచ్చినట్లు చెప్పాడు. అతను ఎటువంటి ఇబ్బందులను ఎదుర్కోలేదు. కానీ అతని స్నేహితులు చాలా మంది ఇప్పటికీ చిక్కుకున్నారు. వారు నిరంతర జరుగుతున్న దాడుల నేపథ్యంలో ప్రాణాలు అరచేతిలో పెట్టుకుని కాలం వెళ్లదీస్తున్నట్లు తెలిపారు.

నితిన్ ప్రభుత్వానికి విజ్ఞప్తి చేస్తూ, తన స్నేహితులు చాలా మంది ఇంకా చిక్కుకుపోయారని, వారు సురక్షితంగా ఉండటం చాలా ముఖ్యం. అందుకే వీలయినంత త్వరగా వారిని కూడా ఇండియాకు తీసుకురావాలి. గుజరాత్‌లో నివసిస్తున్న విద్యార్థులను తీసుకెళ్లేందుకు గుజరాత్ ప్రభుత్వ ప్రతినిధులు ముంబై విమానాశ్రయానికి వచ్చారు. విద్యార్థుల కోసం ప్రత్యేక బస్సులు ఏర్పాటు చేశామని, వాటిని వారి ఇళ్లకు చేర్చాలన్నారు. ప్రయాణ సమయంలో అన్ని సౌకర్యాలు కల్పిస్తామన్నారు.

Read Also…

Russia-Ukraine War: నేను సైతం.. భర్త బాటలోనే ఉక్రెయిన్‌ అధ్యక్షుని భార్య ఒలెనా జెలెన్ స్కా