CM KCR: జాతీయ సమైక్యత దినోత్సవం.. ఉమ్మడి రాష్ట్రంలో తెలంగాణకు అన్యాయం జరిగింది.. సీఎం కేసీఆర్

National Integration Day 2023 Live: తెలంగాణ వ్యాప్తంగా జాతీయ సమైక్యత దినోత్సవ వేడుకలు ఘనంగా జరుగుతున్నాయి. సెప్టెంబర్ 17 తెలంగాణ విలీన దినోత్సవాన్ని తెలంగాణ ప్రభుత్వం జాతీయ సమైక్యత దినోత్సవంగా ఘనంగా నిర్వహిస్తున్న విషయం తెలిసిందే. జాతీయ సమైక్యత దినోత్సవ వేడుకల్లో భాగంగా తెలంగాణ ముఖ్యమంత్రి కే చంద్రశేఖర్ రావు పబ్లిక్ గార్డెన్‌లో జాతీయ జెండాను ఆవిష్కరించారు. అనంతరం భద్రతా బలగాల నుంచి గౌరవ వందనాన్ని స్వీకరించారు. అనంతరం సీఎం కేసీఆర్ మాట్లాడారు. గాంధీ, నెహ్రూ, సర్ధార్ వల్లాభాయ్ పటేల్ వల్లే తెలంగాణ దేశంలో అంతర్భాగమైందని సీఎం కేసీఆర్ పేర్కొన్నారు. తెలంగాణ పథకాలు దేశానికే స్ఫూర్తి అని కొనియాడారు. ఉమ్మడి ఏపీలో పాలకులు తెలంగాణను పట్టించుకోలేదని పేర్కొన్నారు. ఉమ్మడి రాష్ట్రంలో తెలంగాణకు అన్యాయం జరిగిందని కేసీఆర్ పేర్కొన్నారు.

వీడియో చూడండి..

మరిన్ని తెలంగాణ వార్తల కోసం ఇక్కడ క్లిక్ చేయండి..