ఈ అలవాట్లున్న అమ్మాయిలకు 20ల్లోనే వృద్ధాప్యం.. వీడియో
ప్రతిఒక్కరూ ఎప్పటికీ యవ్వనంగా కనిపించాలని కోరుకుంటారు. అందుకు ఎన్నో సౌందర్య ఉత్పత్తులను ఉపయోగించి వివిధ వ్యాయామాలు కూడా చేస్తుంటారు. అన్ని వ్యాయామాలు చేసినప్పటికీ, కొంతమంది మహిళలు 25 ఏళ్ల వయసులోనూ 40 ఏళ్ల వారిలా కనిపిస్తారు. చిన్న వయసులో వృద్ధురాలిలా ఎందుకు కనిపిస్తున్నారో తెలియక తెగ ఆందోళన పడుతుంటారు. నిజానికి, ఇలాంటి అమ్మాయిలు వారి రోజువారీ అలవాట్ల కారణంగా ఇలా అకాల వృద్ధాప్యానికి గురవుతున్నారని నిపుణులు అంటున్నారు. శారీరక, మానసిక ఆరోగ్యానికి వ్యాయామం చాలా అవసరం. అందుకే నిపుణులు రోజుకు కనీసం 30 నిమిషాలు వ్యాయామం చేయాలని సిఫార్సు చేస్తుంటారు. కానీ కొంతమంది అమ్మాయిలు ఈ విషయంలో కాస్త ఉదాసీనతగా ఉండి వ్యాయామం చేయరు. అలాంటి అమ్మాయిలు తమ వయసుకంటే కాస్త ముందుగానే వృద్ధులుగా కనిపిస్తారు.
Updated on: Apr 18, 2025 | 1:09 PM
అతిగా ఆందోళన చెందడం కూడా అకాల వృద్ధాప్యానికి దారితీస్తుంది. ఈ విషయం తెలిసినా కొంతమంది అమ్మాయిలు చిన్న చిన్న విషయాలకే చింతిస్తూ రోజులు గడుపుతుంటారు. ఎక్కువగా ఆందోళన చెందే అమ్మాయిలు తమ వయస్సు కంటే పెద్దవారిగా కనిపిస్తారు. మితిమీరిన కోపం మంచిది కాదని పెద్దలు అంటుంటారు. కానీ కొంతమంది అమ్మాయిలు చిన్న చిన్న విషయాలకే కోపం తెచ్చుకుంటారు. ఈ కోపం మానసిక సమస్యలు, ఒత్తిడి, నిరాశకు కారణమవుతుంది. ఇది అకాలంగా వృద్ధాప్యాన్ని వేగవంతం చేస్తుంది. నీళ్లు ఎక్కువగా తాగడం ఆరోగ్యానికి చాలా మంచిది. కానీ చాలామందికి నీళ్లు సరిగా తాగరు. ఈ అలవాటు అమ్మాయిల్లో వృద్ధాప్య ప్రక్రియను వేగవంతం చేస్తుంది. శారీరక, మానసిక ఆరోగ్యాన్ని కాపాడుకోవడానికి తగినంత నిద్రకూడా చాలా అవసరం. రోజుకు కనీసం 7 నుంచి 8 గంటలు నిద్రపోవాలి. కానీ కొంతమంది అమ్మాయిలు ఆలస్యంగా పడుకుని ఉదయాన్నే త్వరగా మేల్కొంటారు. వీరికి తగినంత నిద్ర ఉండదు. ఈ నిద్ర లేకపోవడం ఒత్తిడికి గురిచేసి వృద్ధాప్య ప్రక్రియను వేగవంతం చేస్తుంది.
మరిన్ని వీడియోల కోసం
గాల్లో ఉండగానే పైలట్కు గుండెపోటు..విమానంలో ప్రయాణికులు వీడియో
అమెరికన్లపై చైనీయుల మీమ్స్ వీడియో
రూ. 300 కోట్ల బంగ్లా.. లగ్జరీ కార్లు..వావ్ వాటే లైఫ్ వీడియో
