Watch Video: పులి పిల్లతో చిన్నారి ఎలుగు ఆటలు.. వీడియో చూసి ‘సింబా ఎక్కడా’ అంటున్న నెటిజన్లు..
Watch Video: ఏదైనా వీధిలోని పెద్దొళ్ల మధ్య గొడవలు ఉన్నా అవేమి పట్టని వాళ్ల పిల్లలు మాత్రం స్నేహభావంతో కలిసిమెలిసి ఉంటారు. ఇలాంటి అనుభవాలు అందరికీ సర్వసాధారణంగానే ఉంటాయి. అలాంటి వీడియో ప్రస్తుతం సోషల్ మీడియాలో వైరల్..
Updated on: Jun 17, 2023 | 7:44 AM
Watch Video: ఏదైనా వీధిలోని పెద్దొళ్ల మధ్య గొడవలు ఉన్నా అవేమి పట్టని వాళ్ల పిల్లలు మాత్రం స్నేహభావంతో కలిసిమెలిసి ఉంటారు. అందరి జీవితాల్లోనూ ఇలాంటి అనుభవాలు ఉంటాయి. అలాంటి వీడియో ప్రస్తుతం సోషల్ మీడియాలో వైరల్ అవుతోంది. నిజానికి ఆ వీడియో మనుషులకు సంబంధించినది అసలే కాదు, అలా అని జంతువులది అసలే కాదు. అది క్రూర మృగాలుగా పేరొందిన పులి, ఎలుగు పిల్లల వీడియో. అందులో చిన్నారి ఎలుగు తన ఫ్రెండ్ అయిన పులి పిల్లతో ఆడుకుంటోంది. హస్యాస్పదమైన విషయం ఏమిటంటే ఆ ఎలుగు పిల్ల కౌగిలించుకోవాలని చూస్తుంటే.. పులి పిల్ల దాన్ని కాలితో నెట్టేస్తుంది.
కొన్ని సెకన్లే ఉన్న ఆ వీడియో ఇప్పుడు నెటిజన్లకు పిచ్చపిచ్చగా నచ్చేసింది. స్నేహం అనేది క్రూర మృగాల్లోనూ ఉంటుందని, దాన్ని గ్రహించడం చాలా కష్టమని వారు అభిప్రాయపడుతున్నారు. ఇంకా అవి సాధారణ ఎలుగు, పులి పిల్లలు కాదని.. షేర్ ఖాన్, బలూ అని వ్యాఖ్యానిస్తున్నారు. ‘అతి క్రూరమైన 3 జంతువుల పిల్లల్లో 2 మాత్రమే ఇక్కడ ఉన్నాయి.. సింబా(సింహం పిల్ల) ఎక్కడా, నిజంగానే తప్పిపోయిందా’ అని కూడా సరదాగా అడుగుతున్నారు.
వైరల్ అవుతున్న ‘షేర్ ఖాన్, బలూ’ వీడియో..
View this post on Instagram
ఇలా వీడియోను చూసిన నెటిజన్లు ఇలా తమకు తోచిన విధంగా స్పందిస్తున్నారు. ఇంకా క్యూట్ యానిమల్స్ అని చెబుతూ ఎమోజీలను షేర్ చేస్తున్నారు. మరో వైపు ఈ వీడియోకు ఇప్పటివరకు సుమారుగా 90 వేల లైకులు.. లక్షల మొత్తంలో వీక్షణలు అందాయి.
మరిన్ని ట్రెండింగ్ న్యూస్ కోసం క్లిక్ చేయండి..
