Funny Video: పిల్లి తప్పిపోయిందని ఇంటి యజమాని విచారం.. బాధ పొగొట్టడం కోసం కుటుంబ సభ్యులు ఏం చేశారంటే..

ఎప్పుడైనా తమ పెంపుడు జంతువుకు ఆరోగ్యం బాగోకపోయినా, పెంపుడు జంతువు కనిపించకపోయినా ఎంతో బాధపడతారు. నిజంగా ఇంట్లో ఓ వ్యక్తిని కోల్పోయామనే బాధలో ఉంటారు కొంతమంది. ఆ బాధ..

Cats (file Photo)

Amarnadh Daneti |
Updated on: Oct 13, 2022 | 1:22 PM

పెంపుడు జంతువులతో ఉండే అనుబంధం గురించి ప్రత్యేకంగా చెప్పాల్సిన అవసరం లేదు. పెంపుడు జంతువులను కుటుంబంలోని ఓ సభ్యుడిలాగానే ఆ ఇంటి యజమానులు భావిస్తారు. ఎప్పుడైనా తమ పెంపుడు జంతువుకు ఆరోగ్యం బాగోకపోయినా, పెంపుడు జంతువు కనిపించకపోయినా ఎంతో బాధపడతారు. నిజంగా ఇంట్లో ఓ వ్యక్తిని కోల్పోయామనే బాధలో ఉంటారు కొంతమంది. ఆ బాధ నుంచి తేరుకోవడానికి కొంత సమయం కూడా పడుతుంది. ఎందుకుంటే పెంపుడు జంతువులతో ఉండే అనుబంధం అలాంటిది. జంతువులంటే ఇష్టం ఉన్నవారు మాత్రమే వాటిని పెంచుతారు. అందుకే పెంపుడు జంతువులను ప్రాణంగా చూసుకుంటారు కొందరు. అయితే తాను పెంచుకుంటున్న పిల్లి తప్పిపోవడంతో ఓ ఇంటి యజమాని ఎంతో విచారంలోకి వెళ్లిపోయాడు. దీనికి సంబంధించిన ఓ వీడియో సోషల్ మీడియాలో ట్రెండింగ్ అవుతుంది. అలాగే పెంపుడు జంతువులను ఇష్టపడే వ్యక్తులు వాటిపై ఎంతటి ప్రేమను కలిగి ఉంటారనేది ఈ వీడియోలో తెలుస్తుంది.

ఒక వ్యక్తి తన పెంపుడు జంతువును కోల్పోయినప్పుడు అతడు పడే తపన ఎనలేనిది. ఇటీవల, ఒక వ్యక్తి తాను ఎంతో ఇష్టపడే పిల్లిని పోగొట్టుకున్నప్పుడు ఎంతో బాధను అనుభవించాడు.ఆ వ్యక్తి బాధ చూసిన తర్వాత, అతని కుటుంబ సభ్యులు ఓ బహుమతిని అందించారు.

ఇవి కూడా చదవండి

ప్యాక్ చేసి ఉన్న ఆ పెట్టెను కుటుంబ సభ్యుల్లో ఒకరు యజమానికి ఇచ్చారు. అతడు అది తెరిచి చూస్తే అందులో పిల్లిని చూసి వెంటనే దానిని ముద్దు పెట్టుకోవడంతో పాటు ఎంతో ఆనందపడ్డాడు. ఆ తర్వాత పిల్లితో ఆడుకున్నాడు కాసేపు. ఈ వీడియోను సోషల్ మీడియాలో షేర్ చేసిన తర్వాత లక్షలాది మంది వీక్షించారు. అంతేకాదు వేలాది మంది లైక్ చేస్తూ ఎన్నో కామెంట్లు పెట్టారు. ఒ నెటిజన్ అయితే వృద్ధుడు పిల్లితో ఆనందంగా ఉండటాన్ని తాను ఎప్పుడూ చూడలేదని కామెంట్ చేశాడు. మొత్తం మీద పెంపుడు జంతువులను ఇష్టపడే వారు వాటిపై ఎంత ప్రేమను కలిగి ఉంటారనేది ఈ వీడియో తెలియజేస్తుంది.