Viral News: ఆ నదిలో ప్రవహించేది స్వచ్ఛమైన పాలు.. ఆశ్చర్యపోతున్న జనం.. అసలు విషయమేంటంటే.!

నదుల్లో నీరు ప్రవహిస్తుండటం సర్వ సాధారణం. కానీ మీరు ఎప్పుడైనా పాలు నదిలా ప్రవహించడం చూశారా.? వినడానికి కొంచెం ఆశ్చర్యంగా ఉన్నా..

River Water

Updated on: Apr 17, 2021 | 6:48 PM

నదుల్లో నీరు ప్రవహిస్తుండటం సర్వ సాధారణం. కానీ మీరు ఎప్పుడైనా పాలు నదిలా ప్రవహించడం చూశారా.? వినడానికి కొంచెం ఆశ్చర్యంగా ఉన్నా.. ఇది నిజం. దీనికి సంబంధించిన వీడియో ఒకటి ఇప్పుడు సోషల్ మీడియాలో వైరల్ అవుతోంది. దానిని చూసిన అందరు కూడా ఆశ్చర్యం వ్యక్తం చేస్తున్నారు.

ఈ సంఘటన యునైటెడ్ కింగ్‌డమ్‌లోని వేల్స్ నగరంలో చోటు చేసుకుంది. ఆ నదిలో ఎప్పటిలానే నీరు ప్రవహిస్తూ ఉంది. కానీ అకస్మాత్తుగా ఏప్రిల్ 14వ తేదీన పాలు నదిలో ప్రవహించడం మొదలుపెట్టాయి. మీకు డౌట్ వచ్చి ఉండొచ్చు.! నీరు ఎలా పాలుగా మారింది అని ఆశ్చర్యపోవచ్చు.! అసలు ఆ నదిలో పాలు ప్రవహించడానికి గల కారణం ఇలా ఉంది.

నదికి సమీపంలో జరిగిన ఓ ప్రమాదంలో పాల ట్యాంకర్ బోల్తా పడింది. దీని వల్ల పాలు నదిలోకి ప్రవహించడం మొదలుపెట్టాయి. ఈ కారణంగానే నదిలోని నీరు అంతా తెల్లగా మారింది. ఇదిలా ఉంటే నదిలో పాల ప్రవాహాన్ని చూసిన జనాలు ఒకింత ఆశ్చర్యానికి గురయ్యారు. మొదటిగా నీరు ఎందుకు తెల్లగా మారిందో అక్కడి స్థానికులకు తెలియలేదు గానీ… ఆ తర్వాత కారణం తెలిసి అవాక్కయ్యారు.